Argitaratu berri da Ines García Azkoagak eta María Montoryk idatzitako “De la exclusión a la participación intergeneracional activa: un proyecto de doblaje en lengua indígena minorizada” artikulua. Íkala, Revista de Lenguaje y Cultura aldizkarian atera da, Eleaniztasunerako Hizkuntza Politiken UNESCO Katedrak (UNESCO Chair on Language Policies for Multilingualism) editutako zenbakian.

Artikuluan Santo Tomé eta Principen belaunaldien arteko harremanak sendotzeko eta forro hizkuntza gutxitua indartzeko egindako bizkoizketa-tailer baten berri ematen da. Afrikako irla horretan forro hizkuntzak gero eta presentzia txikiagoa eta prestigio gutxiago dauka, eta egun adineko pertsonek baino ez dute hitz egiten; gazteek, aldiz, portugesa darabilte. Cooperación Bierzo Sur gobernuz kanpoko erakundeari esker, animazio batzuk forro hizkuntzara bikoizteko tailer bat antolatzeko aukera izan genuen, belaunaldien arteko harremanak indartzeko eta forro hizkuntza biziberritzen laguntzeko. Artikulu honetan esperientziaren berri aurkituko duzue.

Íkala, Revista de Lenguaje y Cultura aldizkariaren 29(3) zenbakia.

Garabiden idatzitako kronika batean, Andoni Barreñak 2024ko apirilean Colonbian egindako egonaldiaren berri eman digu, lehenik Chocón eta gero Caucan.

Lehenengo egunetan Quibdó hiriburuko Universidad Tecnológica del Chocón egon zen hizkuntzak biziberritzeko estrategiei buruz hitz egiteko. Eremu horretan enbera hitz egiten da, 100.000 lagun baino gehiagok osatzen duten komunitatean.

Hurrengo egunetan Caucan egon zen Andoni. Garabidetik aspaldi ari dira lanean Nasa  komunitatearekin, nasa yuwe hizkuntza biziberritzeko metodologietan lanean. Oraingoan gramatika naturalaren inguruan hausnartzeko laguntza eskatu zioten katedrakideari.

Iturria: Garabide

Esteka: https://www.garabide.eus/euskara/albisteak/kolonbiako-enbera-eta-nasa-lagunekin-andoni-barrenaren-kronika

Argia aldizkaritik elkarrizketa egin diote Paula Laita katedrakide eta Soziolinguistika Klusterreko ikerlariari. Kanadako Nenqayni ch’i hizkuntza indigenaren biziberritzeari buruzko tesia egin du, Kanadako Columbia Britainiarrean, tŝîlhqot’in herriko yuneŝit’in komunitatean hamar urtez egon ondoren. Hizkuntza biziberritzeko proiektu baten koordinatzaile izendatu zuten, eta, horretarako, komunitatean oinarritutako metodologiak erabili ditu.

Iturria: Argia

Irakur elkarrizketa guztia hemen.

Ines Garcia-Azkoagak, Munduko Hizkuntza Ondarearen Unesco Katedrako arduradunak, UPV/EHUko Campusa aldizkarian hizkuntza-ondarearen balioari eta munduko hizkuntzen ia erdiek pairatzen duten arrisku-egoerari buruzko hausnarketa egin du.

Ikusi hemen artikulua.

2023ko urriaren 16 eta 17an "Encuentro Nacional de Cátedras Unesco y Redes UNITWIN de España" (Espainiako UNESCO Katedren eta UNITWIN sareen topaketa) egin zen Cordoban. Guztira Estatu mailako 35 Katedra elkartu ziren, eta Munduko Hizkuntza Ondarearen Unesco Katedratik ere bertan egon ginen, hizkuntza-aniztasunaren garrantzia azpimarratzeko. 

Hona hemen hedabideetan egindako jarraipena:

Kordobako unibertsitateko albistgia
La vanguardia

Joan den ostiralean, irailaren 15ean, Euskadiko Lanbide Heziketako 2023-2024 ikasturteari hasiera eman zitzaion Donostiako Easo Politeknikoan. Besteak beste, Iñigo Urkullu lehendakaria eta Jokin Bildarratz Hezkuntza sailburua egon ziren irekieran. Ekitaldian zehar, lehendakariak egindako hitzaldian, aipamen berezia egin zion 17+1 helburuari, hau da, hizkuntza eta kultura bermatzeko helburuari.

Hemen ikus daiteke aipamena: https://www.youtube.com/watch?v=Lft46bpziJA 

Ondo hasi ikasturtea!