Nori zuzendua:

UPV/EHUko doktoregaiak

Data:

2023ko maiatzaren 17a - 2023ko maiatzaren 30a

Iraupena:

10 ordu

Hizkuntza:

Euskara

Modalitatea:

Ikastaroa online modalitatean izango da, UEUren Ikasgela Birtualaren bidez.

Hizlaria, irakaslea eta profila:

Ander Altuna Gabiola jauna, Euskal Filologian lizentziatua. UEUko argitalpenen hizkuntza-zuzentzailea.

Parte hartzaileen kopurua:

Gutxienez 12 eta gehienez 20

Helburuak:

• Esparru akademikoan kalitatezko testuak sortzea.
• Lan akademikoen ezaugarriak aintzat hartuta, euskarazko komunikazio akademikoan euskara idatziaren zuzentasuna bermatzea.
• Sortzen ditugun testuak zuzenak, egokiak eta komunikatiboak izatea.

Edukiak:

• Zuzentasuna. Zuzenak euskara zuzena esan nahi du, hau da, euskara batuan (Euskaltzaindiaren Hiztegia eta Euskaltzaindiaren arau eta gomendioak aintzat hartuta) idatzita egotea eta gramatika zuzena izatea (deklinabidea, aditzaren morfologia, sintaxia...).
  • 2018az geroztik Euskara Batuaren Eskuliburuan jasota daude Euskaltzaindiak emanak dituen arauak, gomendioak eta irizpenak (morfologiakoak, sintaxikoak, ortografiakoak, onomastikakoak, hiztegikoak) era didaktiko eta dibulgatzailean.
• Egokitasuna. Lexiko egokia (dagokion mailakoa) bermatzea eta terminologia zaintzea (komunitate zientifikoan adostutako terminoak erabiltzea).
• Komunikatibotasuna. Testua irakurri ahala eragozpenik gabe ulertzea. Horretarako, hainbat estilo-zuzenketa ulergarritasunaren mesederako izan daitezke (aditza gehiegi ez atzeratzea, aditza aurreratzea, zenbait kalko desegoki saihestea...).