Ekainaren 20an, 18:00etan, Bizkaia Aretoko Mitxelena Auditoriumean (Bilbo), "Doktorego Eguna" ospatuko da, "Zabaldu atea gure doktoregoari" lelopean. Bertan, UPV/EHUko 2020/21 eta 2021/22 ikasturteetako Doktorego Sari Bereziak errekonozimendua egingo da.

Doktorego Eskolak (DOKe) ekitaldi hau antolatzen du, eta Montse Maritxalar UPV/EHUko Graduondokoaren eta Etengabeko Prestakuntzaren arloko errektoreordea izango da buru.

Gotzone Barandika Doktorego Eskolako zuzendariak, doktorego ikasketen eskaintza aurkeztuko du (guztira, 67 programa); eskaintza honek jakintza arlo guztiak biltzen ditu. Gainera, erakunde-egiaztapenari buruz hitz egingo du.

Aurten, tesiek eta doktorego-prestakuntzak EHUagenda 2030ean definitutako Garapen Jasangarrirako Helburuei (GJH) egiten dieten ekarpena aztertuko da. Horregatik, sari berezia jaso duten pertsona batzuek labur esku hartuko dute beren doktorego-tesiek Garapen Jasangarrirako Helburuei (GJH) nola laguntzen dieten azaltzeko.

Ekitaldian BRTA-Basque Research and Technology Aliance/Euskal Partzuergo Zientifiko Teknologikoko zuzendari nagusiak Rikardo Bueno Zabalo ere parte hartuko du, “Las y los doctores en los centros tecnológicos y de investigación no universitarios: formación e inserción laboral” izeneko ikerketari buruz arituko da.

Edukiera dela eta, petsona bakoitzarekin gehienez hiru pertsona joan ahal izango dira.

Ekitaldiak 75 minutu inguru iraungo du. Amaitutakoan, 19:45ean, gutxi gorabehera, mokadu bat zerbitzatuko da.

Ekitaldiaren egitaraua

• 18:00 Inaugurazioa.
• 18:05 Doktorego Eskolako zuzendariaren doktorego eskaintzaren aurkezpena, Gotzone Barandika.
• 18:15 Doktorego Eskolako zuzendariordearen aurkezpena, Edurne Simón Magro.
• 18:20 Rikardo Bueno ZabaloBRTA-Basque Research and Technology Aliance/Euskal Partzuergo Zientifiko Teknologikoko zuzendari nagusiarenhitzaldia: “Las y los doctores en los centros tecnológicos y de investigación no universitarios: formación e inserción laboral”.
• 18:40 Eva Portillok, Doktorego Eskolako idazkari akademiko eta zuzendariordearen eskutik, sari berezien errekonozimendua, eta sarituen hitzak.
• 19:40 Amaiera, Montse Maritxalar Graduondokoaren eta Etengabeko Prestakuntzaren arloko errektoreordearen eskutik.