Egungo Euskararen Hiztegia (EEH)

bular (ETCn 12.634 agerraldi) 1 iz giza enborraren zatia, lepotik sabelera hedatzen dena, eta bihotza eta birikak dauzkana; hainbat animaliaren kideko alderdia, eskuarki aurreko aldea.

Baita torturen ondorioz aurpegia, bularra, eskumuturrak eta bekokia markatuak dituela ere. Berria - Euskal Herria 2004-11-11

Mediku forentseek aztertu zutenean, aurpegia desitxuratua zuen, bala zuloak bular, sabel eta buruan, eta besoak gorantz postura arraroan. J.M. Olaizola "Txiliku" «Bizitza eredugarriak», 2006 - 253. orr.

Bularra eta bizkarra distiratsu zeuzkan izerdiagatik. Bernardo Atxaga «Soinujolearen semea», 2003 - 222. orr.

Haren eskuak urretan biribilduak, topazioz tarteka apainduak. Haren bularra marfilez landua, zafiroz estalia. Elizen arteko biblia Kt 5,14

Odoletan ikusi nituen batzuk, masailezurra hautsirik, burezurra leherturik, bularra bala batez zulaturik, agonia geldian. Josu Zabaleta «Fantasiazko ipuinak» - Guy de Maupassant, 2000 - 371. orr.

Konortea galdu nuen, ezen gogoan dut egongelako sofan etzanik esnatu nintzela hurrena, eta ama nuela alboan eserita, lokiak igurtzika, eta berdin sorbaldak eta bularra, begi larriz niri begira-begira. Juan Kruz Igerabide «Hauts bihurtu zineten», 2005 - 10. orr.

Bularra zabaldu zitzaidan, arnasa hartu nuen. Bernardo Atxaga «Soinujolearen semea», 2003 - 190. orr.

Pepponek burua jaso eta bularra puztu zuen. Koldo Biguri «On Camillo» - Giovanni Guareschi, 2001 - 288. orr.

Eutsi zioten, eta horrela On Camillo etxera itzuli ahal izan zen, bularra baloi bat bezain puztuta zuela, pozez zoraturik. Koldo Biguri «On Camillo» - Giovanni Guareschi, 2001 - 120. orr.

Bihotzak bularra inarrosten zidan, nola mailuak ingudea. Joan Mari Irigoien «Lur bat haratago», 2000 - 74. orr.

Haren esku-eskuina, felpazko eskularru batean sartua, bularra igurzten hasi zitzaidan, garbitzen ari balitz bezala, baina nik nire baitan nabaritzen nuen inoiz ez bezala berotzen ari nintzela. Juan Martin Elexpuru «Esku bakarrarekin irakurtzeko kontuak» - Pilar Cristobal, 1999 - 13. orr.

Aire garbiz beteta bularra. Rafa Egiguren «Mentxakaren aitorpena» - Jose Ramon Goikoetxea, 2006 - 178. orr.

-Hil egin naute, Nancy -erantzun zuen Harryk, bularrari eutsiz ito beharrean-. Oskar Arana «Brooklyngo erokeriak» - Paul Auster, 2006 - 245. orr.

Andereñoa ozen arnaska ari zen, etengabe bularrari helduta. Iñaki Mendiguren «Harry Potter eta sekretuen ganbera» - J.K. Rowling, 2001 - 273. orr.

Adarra bularraren hauspo beteaz joz, gainerako jendea eta zakurrak erakartzeko. Josu Zabaleta «Fantasiazko ipuinak» - Guy de Maupassant, 2000 - 124. orr.

Amaitu ez ahal du, bularraren erdian oinaze bitxi bat agertu zait. Txillardegi «Putzu», 1999 - 365. orr.

Neskatoaren bularrak zapal estututa zeuden Egutxiren bularraren kontra. Ibon Uribarri «Loti ederrak» - Yasunari Kawabata, 2006 - 61. orr.

Besoak harenganantz luzatzen ditu, besarkatu egiten du, neska, zurrun eta hotz, bere bularraren aurka estutzen duela. Oskar Arana «Lotsaizuna» - John Maxwell Coetzee, 2004 - 37. orr.

Lubisek pentsu-zaku bat zeukan bularraren parean bi besoekin hartuta. Bernardo Atxaga «Soinujolearen semea», 2003 - 126. orr.

Bularraren ondoan zerbitzuko lanpara zeraman, eskumuturrari lotua ikuskatzaile matxarden hedea. Fernando Rey «Zorrotz begiratutako trenak» - Bohumil Hrabal, 2002 - 68. orr.

Orduan, amerikar setiatzaileen kontrako amorruz, makurtu eta nire bularraren gainean pausatu zuen burua. Joxe Austin Arrieta «Homo Faber» - Max Frisch, 2001 - 173. orr.

Soinekoaren lepoko zuridunaren ertzak ukitu-apaindu zituen bular gainean. Anjel Lertxundi «Azkenaz beste», 2005 - 87. orr.

Beso boteretsuak bular gainean gurutzatuak. Jon Alonso «Lisboako Setioaren Historia» - Jos? Saramago, 2000 - 401. orr.

Aaronek beti eramango ditu bular gainean, Jaunaren aurrean, Israelgo semeek Jaunaren nahia ezagutzeko dituzten tresna horiek. Elizen arteko biblia Ir 28,30

Bular gaineko zauri txikia berriro xurgatu nionean, orduantxe ikusi ere nik Sabeth, astiro-astiro, atzera berriz konortera itzultzen ari zela. Joxe Austin Arrieta «Homo Faber» - Max Frisch, 2001 - 194. orr.

Galete herrixkako andre noble batek ultzera bat zuen bular artean eta, haren oinazez kiratsez bezainbat atsekabetuta, ez zuen inolako sendabiderik aurkitzen. Askoren artean «Asisko Frantzizko, Asisko Klara», 2002 - 459. orr.

ik bularrarte.

Izara zilborreraino jaitsi zion eta Mentxuren bular artean pausatu zuen burua Fonsecak. Josu Landa «Odolbildua», 2002 - 91. orr.

Bular barnean sortu eta etengabe hazten zen zerbait zen. Alberto Ladron Arana «Eguzki beltzaren sekretua», 2004 - 18. orr.

Besoak bular aurrean gurutzatuko ditu; eta gero, bat-batean, Amarenganantz itzulirik: [...]. Josu Zabaleta «Sei pertsonaia autore bila» - Luigi Pirandello, 2003 - 54. orr.

Haren ahaideek jo egiten zuten bular azpitik zangoen tarteraino, arropaz estalirik zituen gorputz-alderdietan, nehor ohart ez zedin. Gotzon Garate «India harrigarria», 2001 - 94. orr.

Bihotz eta bular oholak kolpeka uretara jaurtitzen. Edorta Jimenez «Sukar ustelaren urtea», 2004 - 176. orr.

Irribarre maliziatsua egin dit, eta besoak gurutzatuta gaztanberazko bularrak gozatu ditu poliki, goitik beherako mugimendu delikatuekin. Patxi Iturritegi «Behi eroak», 2003 - 42. orr.

Gaixoaldiaren ostean, sendagilearenera joateko usadioa hartu zuen; hark bularreko angina sendatua zuela eta ondorenik ez zuela ziurtatu zion arren, zuhurra eta neurritsua izatea gomendatu zion. Patxi Zubizarreta «Mirarien kalezuloa» - Nagib Mahfuz, 2006 - 307. orr.

ik bularreko.

Bularreko minbizia da 35 urtetik 69 urte arteko emakumeen artean agertzen den minbizi mota nagusia· (abereena) Izterra eta bularra Jaunaren ohorez erretako oparien gantzarekin batera eramango dituzte eskaintzaileek eta, erritozko aurkezpen-keinua eginez, Jaunari aurkeztuko. Berria - Gaiak 2004-01-20

2 (izenondo eta izenlagunekin)

Luzera ertainekoa; oinak motzak eta behatzaldean zabalak; estua bularra; besoak argalxkak. «Loroaren teorema» - Denis Guedj, 2006 - 288. orr.

Lepoan txarki loturiko zapi gorri bat, bular zuria ikusten uzten zuena erdiko zirrikitu batetik. Karlos Zabala «Parisen sabela» - Emile Zola, 2004 - 110. orr.

Eta oso bular ederra nuela esan zidan, baina ez nion sinetsi, apenas baitut ilerik. Ramon Saizarbitoria «Gorde nazazu lurpean», 2000 - 354. orr.

Haren bular zabalaren gainean gurutze batek eta hiruzpalau dominak egiten zuten dirdai. Karlos Zabala «Mikel Strogoff» - Jules Verne, 2002 - 56. orr.

Maiz, sorbaldaren atzean sentitzen zuen, eltzeen hondoari begira, hurbil-hurbil, haren bular sendoaz bizkarra ukitzen ziola. Karlos Zabala «Parisen sabela» - Emile Zola, 2004 - 80. orr.

Zauriak maiz isurtzen zuen odola San Frantziskoren bular santutik. Askoren artean «Asisko Frantzizko, Asisko Klara», 2002 - 1091. orr.

Lisaren soslaiak, haren lepo sendoarekin, haren lerro biribilekin, haren bular aterearekin, erregina hanpatu baten irudia ipintzen zuen xingarren eta okela gordinen erdian. Karlos Zabala «Parisen sabela» - Emile Zola, 2004 - 106. orr.

Anai Joanek argi errainu distiratsuak ikusi zituen Salbatzailearen bular txit santutik ateratzen. Askoren artean «Asisko Frantzizko, Asisko Klara», 2002 - 1039. orr.

Berarekin batera, dorrea amiltzean askatu zen habe batek bular betean jota, morroi leiala ere hil zen. Jon Alonso «Lisboako Setioaren Historia» - José Saramago, 2000 - 372. orr.

-Etxean gaudela, mutilak! -esan zuen Ninik pozez Friuliko herrietako airea bular betean arnastuz. Josu Zabaleta «Gauza baten ametsa» - Pier Paolo Pasolini, 1998 - 74. orr.

Haren bular metalikoak hertsatzen zituen eta bere ahoa atxikitzen haren ezpain ubel ilunen kontra. Juan Garzia «Bizi alegiazkoak» - Marcel Schwob, 2002 - 52. orr.

Nire mihi leunak nire bular oparotik egia parrasta hain ugariak isuriko ditu, ezen beldur naiz zahartzaro nagia ez ote zaigun lohadarretara zabalduko eta guregan dagozen bizi giltzak askatuko. Xabier Amuriza «Gauzen izaeraz» - Lukrezio, 2001 - 55. orr.

Taupadak azkarregi, kezkagarri neure bular asaldatuan. Txillardegi «Labartzari agur», 2005 - 151. orr.

Bihotza lasterka batean zebilkion, bere bular maitasunez erian eroki taupaka. Oskar Arana «Brooklyngo erokeriak» - Paul Auster, 2006 - 247. orr.

3 (hitz elkartuetan lehen osagai gisa)

Bular banda gorria zen buruzagien bereizgarria, eta besoko gorria, tenienteena. Karlos Zabala «Parisen sabela» - Emile Zola, 2004 - 306. orr.

Gero, eseri zen, gizonek paperak, bular zinta gorriak, besokoak eta estandarteak jasotzen zituzten bitartean. Karlos Zabala «Parisen sabela» - Emile Zola, 2004 - 405. orr.

Alferrik teinkatuko du arkulariak uztaia, alferrik jantziko bular-babeskia. Elizen arteko biblia Jr 51,3

Aitasantutzaren kasketaz eta hierarkiaren bular-babeskiaz astun blindatua. Iñaki Mendiguren «Historiaren azterketa II» - A.J. Toynbee, 2000 - 138. orr.

Peppone txistua bota eskuetara eta, bular-hauspoa ondo zabalduz, etsi-etsian abiatu zen sutearen alderantz. Koldo Biguri «On Camillo» - Giovanni Guareschi, 2001 - 84. orr.

Balak kraskatu zion bular-kaxaren gainean oihal-esteka, beso bat ere igeltsatuta zuela. Harkaitz Cano «Neguko zirkua», 2005 - 139. orr.

Arnasestuka ari dira gizajoak, eta batek bular-txistua egiten du. Jose Morales «Zazpi urkatuak» - Leonid Nikolaievitx Andreiev, 2006 - 191. orr.

Horren ondotik, nerbio, bihotz, bular eta buruko espezialistengana jo zuen, eta mikrobioek eta gaitz ezkutuek populatutako mundu baten ateak zabaldu zitzaizkion. Patxi Zubizarreta «Mirarien kalezuloa» - Nagib Mahfuz, 2006 - 307. orr.

Bular kolpeak jotzen zituen bere hutsegitea aitortuz. Josu Zabaleta «Fantasiazko ipuinak» - Guy de Maupassant, 2000 - 84. orr.

-Alaba bakarra galdu zuen orain bi urte, garaiz nabarmendu ez zion bular-min batez. Anjel Lertxundi «Azkenaz beste», 2005 - 183. orr.

Mairu-alfanjea bular-zeharkako ezpata-uhalean. Patxi Ezkiaga «On Kixote Mantxako» - Miguel de Cervantes, 2005 - 82. orr.

4 (hitz elkartuetan lehen osagai gisa, elkarketak izenondo balioa duela)

Atea bezain zabala, baina ez lodiegia, bular-harroa, hogeita hamar bat urteko andre sasoikoa. Karlos Zabala «Parisen sabela» - Emile Zola, 2004 - 64. orr.

Emakume bular-harro bat ari zen atetik, agiraka itxuran, baina adarra joz. Anjel Lertxundi «Ihes betea», 2006 - 223. orr.

Berehala ohartu zen neska bular-lerdenak puta baten moduan, barkatu, gorte-dama baten gisa baliatu zuela gorputza, senargaia gerran zebilen artean. Anjel Lertxundi «Argizariaren egunak», 1998 - 215. orr.

Sendagileak ez du, bada, bular-mindunen gaitza duela esan? Anjel Lertxundi «Azkenaz beste», 2005 - 172. orr.

Haien soinu lasaia entzutera biltzen diren neskatxa bular-zuri, lepo-zurbilei. Jose Morales «Arima hilak» - Nikolai Gogol, 1998 - 142. orr.

Annieren argazki margoztatu bat, ile-harrotua eta bular-irtena azaltzen zena. Koro Navarro «Artistakume baten erretratua» - Dylan Thomas, 1999 - 29. orr.

5 (hitz elkartuetan bigarren osagai gisa)

Ene! zelako jainkosa-bularrak, zelako izter leun eta guriak. Juan Martin Elexpuru / Bego Montorio «Filosofia apaingelan» - Sade, 2001 - 165. orr.

Han ere neskato-bularrak. Nerabe bular txiki gogorrak ikusi zizkion. Ibon Uribarri «Loti ederrak» - Yasunari Kawabata, 2006 - 114. orr.

Ume bularra zuen, zuria, zapala, ilegabea. Matías Múgica «Hiltzaile baten aitormena» - Joseph Roth, 2004 - 183. orr.

6 (elkarketa kopulatiboetan)

Haren ezpainak eta bular-lepoak laztandu zituen gero, eromen bridarik gabe batez. Anjel Lertxundi «Argizariaren egunak», 1998 - 191. orr.

Brusa barruko xixkuak eragina da bular-sabeletako beroa. Anjel Lertxundi «Konpainia noblean», 2004 - 154. orr.

Ohartu nintzen ezen beso-bular ingurua odoletan zuela. Joan Mari Irigoien «Lur bat haratago», 2000 - 161. orr.

7 emakumearen ugatzak.

Gero, poliki-poliki, gorputzetik gora abiatu zen, bularreraino, orain hatzen oroimenak ezagutzen ahal du lehen aldiz ukitzen zuten blusaren oihalaren leuntasuna, sentsazioa oso arin iraungi zen, unean berean urtu zen, gizonaren esku ezdeusaren azpian bular baten mirakulua zegoela kontzientzia asaldatuak urtu zuen. Jon Alonso «Lisboako Setioaren Historia» - José Saramago, 2000 - 345. orr.

Haurtxo bularretik kendu berriak ote gara? Elizen arteko biblia Is 28,9

8 (izenondo eta izenlagunekin)

Bular zabaleko titiburu txiki eta mertxika kolorekoei begiratu zien. Ibon Uribarri «Loti ederrak» - Yasunari Kawabata, 2006 - 98. orr.

Horrek eman zion amaia bidai nostalgikoari; bi zango ederrek eta bular harro batek, ia aldi berean, oroitzapenak uxatu eta errealitatera ekarri zuten. Migel Angel Mintegi «Denak du bere prezioa», 2002 - 49. orr.

Gau hartako neskato lokarrarazia hurbilhurbil sentitzen zuelako, edertasun orekaturik ez zuen arren, neskato eder xarmantak bular jori eta zuria erakusten baitzion. Ibon Uribarri «Loti ederrak» - Yasunari Kawabata, 2006 - 97. orr.

Igandean nire aitzinean dardarikatzen zen ezker bular belztu eta sumindua. Aingeru Epaltza «Rock'n'roll», 2000 - 236. orr.

Amak ere inguratzen dira kuxkuxean, horiena bai etengabeko erditu-beharra, denek baitaramate nork bere azken hankagorria bular beltzaranari itsatsia eta sabel bir-handitu berriaren gainean bermatua. Joxe Austin Arrieta «Homo Faber» - Max Frisch, 2001 - 253. orr.

Motxila kendu duelarik bizkarretik, gorputz osoaren dalanda nagiak bular kukutu ahalgeari fiertasun alegera eman dio eta espazioari kontentua. Piarres Aintziart «Azken apeza», 2005 - 12. orr.

9 (hitz elkartuetan lehen osagai gisa)

Husain Kirxa zuen gogoan, bular neba. Patxi Zubizarreta «Mirarien kalezuloa» - Nagib Mahfuz, 2006 - 46. orr.

Galdetzen dio bular ebakuntza egin nahi duenari. Pako Aristi «Urregilearen orduak», 1998 - 58. orr.

Amestu bezain gogorrak haren titi-buruak ere, nire hatzek bular-zorroaren eta larru-azalaren artean zirritua ireki. Aingeru Epaltza «Rock'n'roll», 2000 - 171. orr.

Bular inplanteak gauzak asko aldatu zituen. Berria - Euskal Herria 2006-02-16

10 emakumearen ugatzetako bakoitza. ik titi¹.

Ama Birjina indiar bat zen, bere bularrak erakusten zituena, nondik esnea edoskitzen ari baitzitzaizkion bular batetik Jesus haurra eta bertzetik san Jose. Joan Mari Irigoien «Lur bat haratago», 2000 - 594. orr.

Ile luzea alderik alde astintzen zuen eta karpeta batekin estaltzen zituen bularrak. Joxean Agirre «Romain zen bere izena», 2003 - 83. orr.

Aurpegia, bularrak, sabela, hankak. Luis Elberdin «Sexua noiznahi», 2005 - 140. orr.

Karmen agertu zen, kulerotan eta bularrak agerian, sukaldean. Inazio Mujika Iraola «Gerezi Denbora», 1999 - 12. orr.

Bularrak nabarmen gelditzen zitzaizkion jertsearen azpian. Migel Angel Mintegi «Denak du bere prezioa», 2002 - 22. orr.

Zergatik babestu ote ninduen amaren altzoak eta bularrek esnea eman? Elizen arteko biblia Jb 3,12

Zeren eta, dakizun bezala, Felisa izan nuen nik, neure lehen urteetan, ama bihotzeko eta odolaren erdiko; eta haren bularreko izan nintzen, eta haren bularrek zaindu ninduten. Joan Mari Irigoien «Lur bat haratago», 2000 - 289. orr.

Bular bat gaixotu zitzaidan, eta esnea ateratzeko lehengo Jose Felipe horren aita etortzen zen gurera. Patxi Zubizarreta «Pospolo kaxa bat bezala», 2005 - 137. orr.

Galete herrixkako andre noble batek ultzera bat zuen bular artean Burua bular baten gainean ezarri zuen eta bihotzaren taupadak entzun zituen. Askoren artean «Asisko Frantzizko, Asisko Klara», 2002 - 459. orr.

Ez zirudien bular haiek inoiz haurrik eradoski zutenik. Ibon Uribarri «Loti ederrak» - Yasunari Kawabata, 2006 - 76. orr.

Bular haien gainean pausatu zuen masaila. Ibon Uribarri «Loti ederrak» - Yasunari Kawabata, 2006 - 98. orr.

Luze-luze jarriko du, bularrak musukatuko dizkio; amodioa egingo dute. Oskar Arana «Lotsaizuna» - John Maxwell Coetzee, 2004 - 7. orr.

Nire Itsaso bere gorputzarekin jolasean irudikatzea, bere bularrak laztantzen edo bere alua ferekatzen, bero jartzen naik. Luis Elberdin «Sexua noiznahi», 2005 - 28. orr.

Bularren bi tontor txikiak esku batez elkarrengana hurbildurik, keinu lizun bat egin zidan beste eskuaz. Anjel Lertxundi «Argizariaren egunak», 1998 - 166. orr.

Gaueko freskuraren kontrako babes bakarra bularren kontra estutzen zuen bere karpeta zuen berriro ere. Joxean Agirre «Romain zen bere izena», 2003 - 85. orr.

Hori dena edaten duzunean, ez duzu bularretako minik izango! Joseba Urteaga «Gertakizuna» - Annie Ernaux, 2003 - 73. orr.

ik bularretako.

Inudeek ere santa honen beraren aukera egin zuten, bularrak ebaki zizkiotelako, noski, eta bularren eta bularretako gaitzen zaindari izendatu zizuten. Pello Zabala «Naturaren mintzoa», 2000 - 58. orr.

· (gizonengan) Baliteke bularrak erorita edukitzea, buztana indarge abailtzea, baina larru-azala beti da larru-azala, eta axola zaizun norbaitek besoa luzatu eta ukitzen zaituenean, edo besoetan hartzen zaituenean, edo ahoan musu ematen dizunean, oraindik ere urtu zaitezke betiko biziko zinela uste zenuenean urtzen zinen bezalaxe. Oskar Arana «Brooklyngo erokeriak» - Paul Auster, 2006 - 322. orr.

11 (izenondo eta izenlagunekin)

Don Luziok galdegin baitzidan egia zenetz amazonek bular bakarra zutela. Joan Mari Irigoien «Lur bat haratago», 2000 - 635. orr.

Bular ezkerra estutzen du bi eskuekin, gotor sakatuz, kanpoko fereka bero eta sutsuak barruko oinaze bortitza leunduko diolakoan. Pako Aristi «Urregilearen orduak», 1998 - 151. orr.

Haren bular gazteak estutzen zituen gerruntze gorria askatu, eta lotailuz troxatu zuten. Juan Garzia «Bizi alegiazkoak» - Marcel Schwob, 2002 - 30. orr.

Txupa kenduta bular guriak nabari zaizkio, ez handiak ere, baina bai ongi biribilduak, dardara zaluxkoak. Pako Aristi «Urregilearen orduak», 1998 - 66. orr.

Goio harrituta geratu zen, amaren gorputz umel eta zuriari begira, bular beteak, titipunta borobil marroiak eta sabelpeko ile multzo ilunak. Ile mataza gaztainkara eta begi pikaro ilunak zeuzkan, bular tenteak, soin luzea eta zango zuzenak. Joseba Sarrionandia «Lagun izoztua», 2001 - 42. orr.

Ondoan etzan nintzaion, eta haren bular biluzietara eraman nuen ahoa. Anjel Lertxundi «Argizariaren egunak», 1998 - 166. orr.

Bestela sendotasuna nonahi: bular ederretan, sabel leunean eta aldaka biribiletan. Migel Angel Mintegi «Denak du bere prezioa», 2002 - 283. orr.

Esnatzen naizenean oraindik sentitzen dut haren bular sendoen leuntasuna larruan. Migel Angel Mintegi «Denak du bere prezioa», 2002 - 33. orr.

Adaren anpolai-moduko bular txiki tenteak eta gorputz biluzia kariziatzeko irrikaz nengoen. Anjel Lertxundi «Argizariaren egunak», 1998 - 79. orr.

Ikus itzaxu ene bular faltsu ederrak! Itxaro Borda «Zeruetako erresuma», 2005 - 65. orr.

Neskaren bular oparoetara zuzendu nuen, segidan, argia, eta plazer sakonagoen atari biguin hartan hondoratu nuen nire burua. Anjel Lertxundi «Argizariaren egunak», 1998 - 225. orr.

Bular harroak zituen, eroriak eta bananduak, eta titiburuak harrigarriro txikiak ziren. Ibon Uribarri «Loti ederrak» - Yasunari Kawabata, 2006 - 92. orr.

Haren gorputz argalaren hezurrak larritzen ziren bular jori haiek ukitzean. Karlos Zabala «Parisen sabela» - Emile Zola, 2004 - 203. orr.

Nahi gabe igurtzi nion ezkerreko bularra eta berriro sentitu nuen elektrikara. Jasone Osoro «Korapiloak», 2001 - 45. orr.

Gau batean hartu genuen koka lehenbiziko aldiz, eta hark short ñimiño bat jantzia zuen lasai xamarra, eta blusa bat, egundoko bular haien gainean. Karlos Zabala «Buda zoriontsuen etxea» - João Ubaldo Ribeiro, 2003 - 150. orr.

Irribarre maliziatsua egin dit, eta besoak gurutzatuta gaztanberazko bularrak gozatu ditu poliki, goitik beherako mugimendu delikatuekin. Patxi Iturritegi «Behi eroak», 2003 - 42. orr.

12 irud/hed

Erretretan girenek ere hazten dügü kontsomatüz, ahal dügün sosa baztertüz eta banker perestatüz, gure haur eta arrahaurrak lagüntüz, azken fiala bait erostea eta sosaren plazatzea beitira ekonomiaren bi bularrak. Herria 2002-12-26

Bidezidor mugarriztatu bat elurtegian gora, giza aztarren bat, alegia: iltze-joskura dirudi, baina Sabethi seguru aski besterik irudituko litzaioke: iduneko katea-edo, urdinska, begizta zabalez elurrezko mendi-bular zuria inguratzen ari. Joxe Austin Arrieta «Homo Faber» - Max Frisch, 2001 - 296. orr.

Gero, aurreko aldetik ostikoak edo horma-bularrak altxako dira paretarekin batera, aurrerago egingo den lurpeko egiturak zenbat altuera izango duen. Santiago Iruretagoiena «Arkitekturaz hamar liburuak» - Vitruvio, 2000 - 3050. orr.

13 ugatzei darien esnea.

Esnea erruz zuelako eman zion bularra jeneralari. Xabier Olarra «Azken hitzordua» - Sandor Marai, 2003 - 13. orr.

Umeok bularra eta gomendaturiko elikadura hartu dute, osasun arreta ona izan dute. Berria - Gaiak 2006-04-29

Zer ote ama umeari bularra ematen ikustea baino politagorik? Arantxa Iturbe «Ai, ama», 1999 - 37. orr.

Goizean, nire semeari bularra emateko jaiki nintzenean, hila zegoen. Elizen arteko biblia 1 Erg 3,21

-Hire txikienari bularra emateko ordua dun -esan zuen. Anton Garikano «Maitea» - Toni Morrison, 2004 - 211. orr.

Otoitzetik jaiki bezain laster, haurra begiak zabaltzen hasi zen, argia ikusten eta bularra hartzen. Askoren artean «Asisko Frantzizko, Asisko Klara», 2002 - 269. orr.

Bularra kendu ziolarik, berekin eraman zuen Anak haurra, txikia oraino, Xilora, Jaunaren etxera. Elizen arteko biblia 1 Sm 1,24

Bular-ematearenak ez du erremediorik, bular-ematea erabakiz gero. Arantxa Iturbe «Ai, ama», 1999 - 49. orr.

Jaiotzerakoan, amak bere bular samurra eskaintzen dio haurrari. Luis Elberdin «Sexua noiznahi», 2005 - 176. orr.

Amak haurra bezala zainduko zaituztet: bularra eman eta altzoan hartuko eta magalean gozatuko. Elizen arteko biblia Is 66,12

Emaion bularra! -agindu dio umearen aitak, Basajaun ikaragarriak, bekainak arkutuz. Anjel Lertxundi «Konpainia noblean», 2004 - 16. orr.

Bularreko haur bati darion esne-usaina zen. Ibon Uribarri «Loti ederrak» - Yasunari Kawabata, 2006 - 32. orr.

Umetxoen eta bularreko haurtxoen ahotik atera duzu gorespena? Elizen arteko biblia Mt 21,16

14 igeriketa estiloa, ahoz behera egonik besoak eta zangoak batera aurretik atzera higitzean datzana.

Gizonezkoetan ere munduko markak ondu eta ondu ari dira igerilariak, eta Brenadan Hansenek ere halaxe egin zuen 100 metro bular estiloko proban, Long Beachen (Kalifornia). Berria - Kirola 2004-07-11

Beardek bular estiloko 200 metroko marka ondu zuen 2: 22.44ko denbora eginda. Berria - Kirola 2004-07-14

Gaur, Borja Iradier eta Enara Herran ariko dira, bular estiloko 50 metrokoan. Berria - Kirola 2004-05-13

Oleg Lisogor ukrainarrak bular erako munduko marka berria ezarri zuen atzo Berlinen (Alemania) jokatutako igerileku laburreko Munduko Kopako proban. Berria - Kirola 2006-01-22

15 bular alde ik bularralde.

16 bular egin aurre egin.

Francori bular egin geniolako susmo txarreko gorritzat hartzen gintuztenok kristau maitagarri bihurtu ginen guda galdu genuenez geroztik. Koldo Izagirre «Sua nahi, Mr. Churchil?», 2005 - 71. orr.

· (egin ezabaturik) -Aldi onari, bular; ekaitzari, gibel. Pello Zabala «Naturaren mintzoa», 2000 - 45. orr.

17 bular-handi (orobat bularrandi) izond bular handia duena.

Puntuz puntu baieztatu zizkidan ilegorri bular-handiaren informazioak nirearen kaltez zituen gehigarri nabarmenenak. Aingeru Epaltza «Rock'n'roll», 2000 - 222. orr.

Bular handiekin, kontuz ibili behar duk. Pablo Sastre «Elurretan hotsak», 2004 - 57. orr.

Bularrandia zen eta azal horixka zuen. Lopez de Arana «Manhattan Transfer» - John Dos Passos, 1999 - 334. orr.

'Aldizkari honekin, abade hori potroetatik helduta daukat!' esan zuen Inazitok, ohe gainean lasai etzunda, itzelezko emakume biluzi errubia bularrandien orrialdeak geldialdi luzeekin pasatzen zituela. Joseba Sarrionandia «Lagun izoztua», 2001 - 210. orr.

18 bular hezur ik bularrezur.

19 bular kaiola (orobat bularkaiola g.er.)

Soina jaso dut bular-kaiola erakusteko. Urtzi Urrutikoetxea «Zoririk ez» - Imre Kertész, 2003 - 92. orr.

Bular-kaiolak zabalera izugarria dik, eta oinak gihartsuak eta bizkorrak dituk, lurra ukitu ere ez ditek egiten. Jose Morales «Arima hilak» - Nikolai Gogol, 1998 - 123. orr.

Hori gertatzen da bular-kaiolan diafragmak behera egiten duenean. Irene Aldasoro «Giza gorputza lanean» - John Lenihan, 2006 - 175. orr.

Bat-batean, bular-kaiolaren erdialdean ziztada bat sentitu du. Pako Aristi «Urregilearen orduak», 1998 - 151. orr.

Diafragmak bular-kaiola zabaldu eta abdomeneko barrunbea estutu egiten baitu, eta, horrenbestez, presioa gehitu. Irene Aldasoro «Giza gorputza lanean» - John Lenihan, 2006 - 175. orr.

20 bular oskol

Erraldoiaren antzera jantzi zuen bular-oskola eta gerrian hartu borrokarako armak. Elizen arteko biblia 1 M 3,3

Elefante bakoitzaren ondoan mila gizon zeuden lerrotan jarriak, bular-sareak eta brontzezko bular-oskolak jantzirik. Elizen arteko biblia 1 M 6,35

Baina gudari batek jaurtiki zuen gezia itsu-itsuan eta Israelgo erregea zauritu zuen bular-oskolaren junturartetik Uziasek babeskiz, lantzaz, buru-oskolez, bular-oskolez, arkuz eta habailetarako harriz hornitu zuen gudarostea. Elizen arteko biblia 1 Erg 22,34

20 bularra jo

Gero, gaitzak zintzurretik bularra jotzen eta gaixoen bihotza bera harrapatzen zuenean, bizi-zulo guztiak dardaratzen ziren. Xabier Amuriza «Gauzen izaeraz» - Lukrezio, 2001 - 457. orr.

Jo bularra eta egin dolu. Elizen arteko biblia Is 32,12

"Hementxe daramat Mokii Kifovitx, bihotzean!" Hori esateaz batera, Kifa Mokievitxek bularra jotzen zuen ukabilaren indar guztiaz, eta zeharo berotzen zen. Jose Morales «Arima hilak» - Nikolai Gogol, 1998 - 356. orr.

Zeharka begiratu zion Ansheli, eta atzera eta aurrera mugitzen ikusi zuen, bularra jotzen, aurrera makurtzen. damutzen eta neure bularra jotzen hasi behar ez ote nuen, baldin ez banintzen hartarako gai. Koro Navarro «Zortzi kontakizun» - Isaac B. Singer, 2002 - 214. orr.

Bakarrik eta lasai gelditzen zenean, basoak intziriz betetzen zituen, lurra malkoz blaitzen, eskuaz bularra jotzen. Askoren artean «Asisko Frantzizko, Asisko Klara», 2002 - 891. orr.

Gauza handiak eta ederrak egin ohi dituzte, indulgentziak irabazten ahaleginak egiten dituzte, otoitz egiten dute, bularra jotzen ere bai. Joan Mari Lekuona «Mistika liburuak» - Eckhart-Tauler, 1997 - 91. orr.

Hasperenka eta bularra joz, negarrari ematen dio eta deboziorik handienaz bere buru agurgarria makurtzen du. Askoren artean «Asisko Frantzizko, Asisko Klara», 2002 - 262. orr.

Urrundu egin naiz zuregandik, baina ondo damuturik nago; neure erruez oharturik, bular-joka ari naiz. Elizen arteko biblia Jr 31,19

hitz multzoen maiztasunak (gutxienez 6 aldiz agertzen direnak)

bere bular (27); bere bular eta (3); bere bular gainean (3); besoak bular (5); besoak bular gainean (3); bi bular (5)

bular alde (8); bular aldea (10); bular aldean (22); bular artean (9); bular aurrean (4); bular azpian (3); bular barnean (7); bular bat (8); bular baten (3); bular betean (4); bular biluziaren (4); bular biluziaren gainean (3); bular ederrak (4); bular estiloko (13); bular eta (16); bular gainean (47); bular gainean gurutzatu (4); bular gainean gurutzatuta (3); bular gainean jarri (5); bular gaineko (4); bular gainera (10); bular haiek (6); bular handiak (4); bular harroa (4); bular joka (11); bular joka ari (3); bular kaiola (3); bular mindunen (3); bular oparoak (6); bular oparoen (5); bular oskola (4); bular oskolak (4); bular parean (7); bular tente (3); bular txiki (8); bular zuri (3)