EHUrOPE, UPV/EHUko Nazioarteko I+G Bulegoa 2007an sortu zen, Ikerketaren arloko Errektoreordetzaren ekimenez, ikertzaileen nazioarteko programetan izan beharreko parte hartzea sustatzeko.

Funtzioak

EHUrOPEk honako jarduera hauek egiten ditu bulegoaren berezko jarduera-eremuetan, bai proiektua eman aurreko alderdietan, bai ostekoetan.

Informazioa eta sustapena

• UPV/EHUko ikerketa-taldeen eta irakasle eta ikertzaileen esperientzia ezagutzea, ezagutza-arloen arabera, finantziazio-aukerak identifikatzeko.
• Programak eta deialdiak jakintza-arloen, programen eta ikerketa-lerroen arabera hedatzea.
• Programei eta horien berrikuntzei buruzko informazio-saioak antolatzea.
• UPV/EHU ordezkatzea brokerage events (transferentzia teknologikoko topaketak), plataforma teknologikoak eta nazioarteko beste ekitaldi batzuetan.

Balorazioa eta aholkularitza

• Proiektuetarako finantzaketa bilatzeko aholkularitza.
• Proiektuaren ideiak deialdietan eta gaietan duen egokitzapena baloratzea.

Nazioarteko proiektuetan parte hartzea sustatzeko laguntza ekonomikoa

• Aholkularitzarako laguntzak
• Bidaietarako laguntzak: proiektuak prestatzeko bilerak, plataforma teknologikoen bilerak, infodayetan parte hartzea.

Proposamenak prestatzen laguntzea

• Lege-, administrazio- eta finantza-gaiei buruzko aholkularitza.
• EKren eta UPV/EHUren araudiekin bat datorren aurrekontua egitea.
• Alde ez-zientifikoetan proposamena idazten laguntzea.

Negoziazioa eta sinadura

• Balizko aldaketak negoziatzeko eta ezartzeko fasean laguntzea.
• Proiektua hasteko barne-bilera antolatzea.

Proiektuen kudeaketa

• Proiektuen kudeaketa administratiboa: hitzarmenak eta zuzenketak egitea, ikertzaileak kontratatzea, proiektua web orrian argitaratzea, etab.
• Proiektuen kudeaketa ekonomiko integrala: gastua gauzatzea, jarraipen ekonomikoa, egoerari buruzko txostenak egitea, justifikazioetarako eta auditorietarako dokumentazioa prestatzea.