COST programak babesten du Europako ikerlari, ingeniari nahiz adituen arteko lankidetza transnazionala, zientzia eta teknologia alor guztietan. Horretarako, “COST ekimenak” deritzon Europako sareak finantziatzen ditu. Sare horiek bultzatzen dute eskualde mailan egindako ikerketaren nazioarteko koordinazioa. COST ekimenak bateragarriak dira garapen-bideko nahiz arrisku handiko ideia berritzaileekin.

COST programak berez ez du ikerketa finantzatzen, sareen baitan burututako networking jarduerak baizik. Helburuen artean dute ikertzaile gazteen partehartzea bultzatzea.

COST ekimenak inplementatzen dira honako networking tresna hauen bitartez: bilerak, jardunaldiak, konferentziak, prestakuntza-eskolak, epealdi-laburreko misio-zientifikoak nahiz zabaltze-jarduerak. Ekimen horietan ikerlari orok parte har dezake, euren ikerketa-karreraren edozein momentutan eta zeinahi entitatekoak: unibertsitate, ikerketa- zentro publiko nahiz pribatuak, GKE, industria edo enpresa ertain nahiz txikiak. COST sareetan partehartzaileak zabaltzeko aukera dago, izan ere, sareen lehengo hiru urteetan zehar bestelako herrialdeetako ikertzaileak atxikitzeko aukera baitago. Era berean, elkarrenganako onuran oinarrituta, sareetan aukera dute atxikitzeko Near Neighbour Countries eta International Partner Countries delakoak.

COST ekimenen inguruko informazio gehiago behar baduzu, mesedez ikusi nola parte-hartu webgunea.

COST programak Europako ikerlariak gonbidatzen ditu proposamenak aurkeztea deialdi jarraiaren bitartez.

Ikerlariek ere aukera dute indarrean dauden ekimenetan atxikitzeko edo sareetako hainbat jardueretan sartzeko .

Honako estekan aurki ditzakezu martxan dauden COST ekimen guztiak.