Lankidetza hitzarmena, Bilboko Udalaren eta Universidad del País Vasco/Euskal Herriko Unibertsitatearen artekoa, UPV/EHUn ikasten duten atzerriko eta nazioarteko babesaren eskatzaile edota onuradun diren ikasleei ostatu eta mantenua diruz laguntzeko.

Bilbon bizi diren ikasleak aurkez daitezke deialdi honetara, baldin eta baldintza hau ere betetzen badute:

• UPV/EHUn, 2022/23 ikasturtean, graduko ikasketak egiten ari diren nazioarteko babesaren ikasle eskatzaile edo ikasle onuradunak.

• UPV/EHUrekin hitzarmena izan eta Bilboko Udalaren garapenerako lankidetzarako III. Plan Gidariak lehenetsitako herrialdeetako unibertsitateetatik etorri  (Bolivia, Kolonbia, Ekuador, Honduras eta Peru) eta UPV/EHUn, 2022/23 ikasturtean, graduko ikasketak egiten ari diren ikasleak. 

Diru laguntza hauetarako, 12.000 € ematen ditu Bilboko Lankidetza, Bizikidetza eta Jaietako Sailak.

Deialdian jasotzen denez, hiru esleipen egingo dira (programako kreditua agortu arte), 2022ko abenduan, 2023ko martxoan eta maiatzean, hurrenez hurren.

Informazio gehiago:

• Iraunkortasunaren eta Gizarte Konpromisoaren arloko zuzendaritza
  Telefonoa: 94 601 7933
  Posta elektronikoa: iraunkortasuna.gizartea@ehu.eus