Eskaintza eta iraupena:

UPV/EHUk 3 hilabeteko 8 praktika eskaintzen ditu (extracurricularrak edo curriculumetik kanpokoak) 2025. urtean. Egonaldiak 2025eko ekainaren 1etik irailaren 30era bitartean egingo dira, baina azaroaren 14ra arte luzatu ahal izango dira hautatutako pertsonak ikasketa berberak egiten jarraitzen badu 2025-2026 ikasturtean.

Eskaera egiteko epea irekitzen denean, ikasle interesdunak gehienez 4 proposamen hautatu ahal izango ditu, lehentasun-orden batekin. Proposamen horien profila bat etorri behar da ikasleek egiten ari diren ikasketekin hautaketa-prozesuan parte hartzeko.

Non:

Praktika akademiko extracurricularrak lurralde-kalteberatasuneko zonetan kokatuta dauden bulego edo jarduerak dituzten erakundeetan egingo dira, udalak, mankomunitateak eta bestelako erakunde publikoak izan, bai eta enpresak, elkarteak, merkataritza-ganberak eta irabazi-asmorik gabeko fundazioak ere.

Euskadiren kasuan, Eusko Jaurlaritzaren Arreta Bereziko Eremuen sailkapena hartuko da erreferentziatzat.

Laguntza ekonomikoa:

Praktikek hilean 1.000 euro gordineko prestazio ekonomikoa dute ikasle bakoitzeko, Gizarte Segurantzako gastuekin batera, erakundeentzat inolako kosturik gabe. Laguntza ekonomikoa bateragarria izan daiteke ikasleak erakundetik lor dezakeen beste laguntza batekin eta desgaitasunagatiko kotizazio gabeko pentsioarekin, legez ezarritako baldintzetan.