Ezagutzen al dituzu Gipuzkoan lan egiten duten elkarteak? Ba al dakizu zertan diharduten edo nola lagundu dezakezun?

Azaroaren 21ean egongo gara zure esanetara, 11:00etatik 14:00etara, Ignacio Mª Barriola eraikineko behealdean (ikasgelategia).

Lantegi hauetan har dezakezu parte: Boccia, elkarlaneko jolasak eta adinekoei egokitutako trizikloa

Parte hartzaileak:

• ASPACE, garuneko paralisiaren arloan lan egiten duen erakundea. Boccian, adituak diren kirol egokituan, jarduteko aukera emango dizu.
• GURUTZE GORRIA, laguntza humanitarioan lan egiten duen erakundea.
• CARITAS, gizarte bazterketaren aurkako borrokaz informatuko zaituen erakundea.
• SOS ARRAZAKERIA, arrazakeriaren eta xenofobiaren aurkako borroka ezagutaraziko duena.
• DYA, osasun laguntza eta larrialdiak izango ditu ardatz.
• ATZEGI, duen eginkizun nagusiaz informatuko zaitu, hots, desgaitasun intelektuala duten pertsonen bizitzaren kalitatearen hobekuntzaz.
• GKEF/FGDA (Gipuzkoako Kirol Egokituen Federazioa), denontzako kirol irisgarria ikusaraztea du funtsezko lana.
• GEHITU, lesbiana, gay, transexual eta bisexualen (LGTB) komunitatearen eskubideen alde egindako ahaleginak ezagutaraziko ditu.
• HAZI ETA IKASI, eskola laguntza solidarioaren gainean informatuko du.
• INTERED, hezkuntza integral eta eraldatzaile baten alde lan egiten duena. Haren elkarlaneko jolasetan parte hartzeko aukera emango du. 
• KAEBNAI / Europe Direct Donostia, kulturen arteko ekintza eta Europako mugikortasuna izango ditu ardatz. 
• BIZIKLETAZ ADINIK EZ, paseoak ematen dituzte bizikletaz adinekoen egoitzetan bizi direnekin. Trizikloa ekarriko dute zuk zeuk ezagutu eta erabil dezazun.