UPV/EHUren Bizkaiko Campuseko Lan Harreman eta Gizarte Langintza Fakultatea Berraktibatu+ programan parte hartzen ari da "botilako uraren kontsumoa murriztea eta mugikortasun iraunkorra" gaian.

Helburuak

• Fakultatearen egoera aztertzea botilako uraren kontsumoari dagokionez, kontsumoa murrizteko eta iturriko uraren kontsumoa bultzatzeko.
• Fakultateko mugikortasun ohiturak ezagutzea eta mugikortasun iraunkorraren garrantziaz jabetzea.

Helburu hauek zuzen zuzenean lerrokatzen dira Agenda 2030ko garapen iraunkorrerako hainbat helburuekin (GIH): 3. GIH (Osasuna eta ongizatea), 9. GIH (Industria, berrikuntza eta azpiegitura), 11. GIH (Hiri eta komunitate iraunkorrak), 12. GIH (Ekoizpen eta kontsumo arduratsua) eta 13. GIH (Klimaren aldeko ekintza).

Plana

Ekintza taldeak hondakinen eta azpiegituren edukiontziak eta komunetako txorrotak aztertu ditu, botilak eskuz bete daitezkeela egiaztatzeko. Era berean, uraren kontsumoari eta mugikortasun ohiturei buruzko galdetegi bat egin da whatsapp bidezko google forms bidez.

Sentsibilizazio eta komunikazio kanpainan egindako jardueren artean, nabarmentzen dira hondakinak gaika biltzeko edukiontzien erabilera egokiari buruzko kartelak, ikastegiaren sarreran dauden paperontziak eta hautsontziak, kafe makinak eta vending makinak. Aldi berean, erabiltzaileen gizabidearekiko sentsibilizazio-kanpaina bat ere egin da, batez ere ingurumena zaintzeari dagokionez, kartelak, sare sozialak, zentroko telebista-pantailak eta bilerak eginez gelako ordezkariekin eta ikasleen kontseiluarekin.

Mugikortasun iraunkorrari dagokionez, taldeak Bizkaiko Campusaren garraiorako hobekuntza proposamen batzuk proposatu zituen, eta arlo horretako zuzendariari helarazi zaizkio. Proposamen horien artean, partekatutako autoa sustatzeko ekintzak daude.

Ekintza taldea

Taldea fakultateko kolektibo guztietako kideek osatzen dute, ikastegiko zuzendaritza lagun dutela: irakasleak, administrazio eta zerbitzuetako langileak eta ikasleak.

 Reactívate+ programaren koordinatzailea Lan Harreman eta Gizarte Langintza Fakultatean. Harremanetarako Informazioa

• Angel Elías Ortega
  Fakultateko dekanoa eta Enpresa Zuzenbidea Saileko irakaslea
  Posta-e: angel.elias@ehu.eus