Lurraren gainean bizi garen arren, oraindik ere, gizateriaren gehiengo batentzat oso ezezaguna da. Geologiaren laguntzarekin gure Planeta ezagutzen eta bertan gertatu eta gertatzen diren prozesuak ulertzen ikasten dugu. Geologiaren Olinpiada honekin Batxilergoko ikasleengan zientzia honen ezagupena garatu nahi dugu, bere aplikazioak gaur egun duten eta etorkizunean izan dezakeen eraginaz ohartu daitezen.

Parte hartu ahal izango dute 2017/2018 ikasturtean Euskal Autonomia Erkidegoko eta inguruko erkidegoko DBH.ko 4. mailako edo batxilerrean matrikulatutako ikasleak, 19 urte bete ez dutenak.

• Tokia: Zientzia eta Teknologia Fakultatea UPV/EHU. Leioako Kanpusa. Sarriena auzoa z.g. Leioa (Bizkaia).
• Data: 2018ko otsailak 16. Atal teorikoa (10:00), praktikoa (10:45), eta eliminazio-jokua (12:00).