Taldearen ikerketa-profila bi alderditara bideratuta dago:

• Peptido bioaktiboen edo sistema kannabinoidearen eragina duten mekanismo fisiopatologikoen alderdi molekularra eta zelularra aztertzeko oinarrizko ikerketa.
  Ikerketa-jarduerak arlo hauetan garatzen ari gara, gaur egun:
  • Zenbait giza tumoreren etiopatogenia, eta diagnosi-adierazle goiztiarren eta pronostikorako adierazleen bilaketa. 
  • Giza ernalezintasuneko mekanismo molekularrak, bai gizonezkoenak, bai emakumezkoenak, eta bien elkarreragina ugaltze-prozesuan.
• Ariketa fisikoari begirako erantzun fisiologikoa (alderdi guztietan: molekularra, zelularra, sistemikoa eta ingurunekoa) aztertzen duen ikerketa integratuagoa.
  Ikerketa-jarduerak arlo hauetan garatzen ari gara, gaur egun:
  • Ariketaren fisiologia.
  • Elikaduraren eragina kirol-errendimenduan.
  • Euskal Herriko ikasleen elikadurako nahiz jarduera fisikoko ohituren azterketa.