eCampus-Home

eGelaPI: UPV/EHU kanpoko pertsonak* .csv bidez matrikulatzea

Multzokako matrikulazioa CSVtik

Funtzionalitate berri bat ezarri da eGelaPIn, UPV/EHU kanpoko pertsonak .csv bidez matrikulatu ahal izateko (ikusi honekin batera doan eskuliburuko 8. orrialdeko “Multzokako matrikulazioa CSVtik” atala). 

* RedIris edo EDUGAINen federatutako erakundeetako batetako posta elektroniko korporatiboa duten pertsonak soilik matrikulatu ahal izango direla era honetan. Hemen kontsulta dezakezu federatutako erakundeen zerrenda.  

Erakunde federatu batetako kideren batek aurretik UPV/EHUko BESTEAK erabiltzaileren bat izan badu, informazio guztia identitate berrian txertatu eta ezer ez galtzeko doikuntza bat egin behar izango dute informatikariek.  Kasu horietan, ecampus@ehu.eus era  jakinarazi beharko zaio honako hauek adieraziz: NAN, izen-deiturak, lehenago erabilitako “Besteak” posta elektronikoa eta jatorrizko erakundearen posta elektroniko korporatiboa (informazio hori dagoeneko eCampusera helarazi bada, ez da berriro bidali behar). 

eGelaPI ikastaro batean matrikulatu ondoren, pertsona horiek beren jatorrizko erakundeetan erabiltzen dituzten egiaztagiriekin zuzenean sartu ahal izango dira, “Kanpoko kontua” sarbidea erabiliz (ikus erantsitako eskuliburuko 3. orrialdeko “Zerbitzurako sarbidea” atala). 

* Federatuak  EZ diren erakundeetako kideentzat, “BESTEAK” kontua sortu behar da GAURetik. 

Deialdi irekiak

Berriak - eCampus

UPV/EHUko ikasleen I. biltzarra

Lehenengo argitaratze data: 2018/09/26

Gure Gradu Amaierako Lanek (GrAL) mundua aldatzeko balio dute

Denok amets egin dugu mundua aldatzearekin, eta zu ez zara salbuespena. Gradu bat ikasi duzu, orduak eman dituzu irakurtzen, eztabaidan, pentsatzen… eta pertsonek eta gure planetak dituzten arazo larriez jabetu zara. Kezkaz ikusten dituzu politikan, ekonomian eta gizartean gertatzen ari diren atzerapausoak –aurrerapausoak ere badiren arren–, eta zuk zeuk ere zure ekarpena egin nahi duzu, ondorioz.

Zure Gradu Amaierako Lanean (GrAL) egin duzun ikerketa lanak ekarpen txiki bat egin diezaioke zure inguruko gizarte, ingurumen eta ekonomia eraldaketari. Ahalegindu zara zeuretik zerbait ematen, gauzak behingoz alda daitezen. Lehen saioa izan da zuk zeuk zerbait emateko, bizi zaren gizarteak eman dizunaren zati bat itzultzeko.

Ezaugarri hauetako GrAL bat defendatu duen edo defendatzekotan den ikasle horietako bat bazara, zientzietatik mundu hobeago baten erakuntzari egin dakiokeen ekarpena interesatzen bazaizu, leku bat duzu UPV/EHUko ikasleen I. batzarrean.

2015eko irailaren 25ean, munduko buruzagiek 17 helburu global zehaztu zituzten garapen iraunkorraren agenda berri baten barnean: Nazio Batuen 20130 Agenda. Garapen Iraunkorrerako 17 Helburu (GIH) horietako bakoitzak bitarteko xede batzuk ditu, datozen 15 urteotan bete beharko direnak. Xede horiek betetzeko, guztiok jarri behar dugu geure alea: gobernuek, enpresa eta erakunde pribatuek, gizarte zibilak eta herritarrek oro har. Zuotako asko jada engaiatu zarete, eta zuen ekarpena egin duzue, zuen GrALean eginiko ikerketaren eta garatutako jakintzaren bidez.

Horiek horrela, UPV/EHUk gonbidatu nahi zaitu zure ekarpenaren berri ematera, UPV/EHUko ikasleen I. batzarrean, 2018ko edizioan mundua eraldatzeko GrAL hoberenei eskainiko zaiena. Biltzarra, Arabako Campusean (urriak 24) eta Bizkaiko Campusean (urriak 25) ospatuko da. Hasiera ekitaldia, urriaren 24an, Gasteizen egingo da, eta GrALak urriaren 25ean aurkeztuko dira, Leioan. Batzar hau Kudeaketa Aurreratuari eskainitako Europako 24. Astearen barnean kokatuko da.

Beharrezkoa iruditzen zaigu ikertzeko eta eztabaidatzeko geure gunea sortzea, eta zuok izatea protagonistak, jakintza adar guztietako gradudun berriak, 2030 Agendaren GIH helburuen inguruan. Datozen ikasturteotan erreferente bihurtu nahi duen ekimen honen bitartez, ikusarazi egin nahi ditugu eta merezi duten aitortza eman helburu horien eta XXI. mendeko beste erronka batzuen inguruan eginiko ikerketa lanei, eta bultzada eman nahi diogu ere unibertsitateko ikasleek gai hauen inguruan egiten duten ikerketari.

Estekak