Desgaitasunen bat, gaixotasunen bat, nahasmenduren bat edota ikasteko zailtasun espezifikoren bat baduzu eta premia bereziak badituzu, UPV/EHUko ikasketetarako egokitzapenak eska ditzakezu. Horretarako, matrikula egin ondoren, jarraian zehazten den prozedura jarraitu beharko duzu lehenbailehen:

1. Idatzi posta elektroniko bat discap@ehu.eus helbidera:

• Izena, abizenak eta NAN zenbakia adierazi
• Erantzukizuneko Aitorpena beteta eta sinatuta erantsi

2. Zerbitzuaren posta elektroniko bat jasoko duzu egokitzapen-eskaera egin dezakezula adieraziz.
3. GAUR aplikaziora sartzea UPV/EHUren web orriaren bidez http://gestion.ehu.es/gaur. Sartzeko, matrikularen gordekinaren ondoan ematen den erabiltzaile-izena eta pasahitza erabili behar dira.
4. Aplikazioaren menuan, aukeratu "Desgaitasun zerbitzua" aukera.
5. "Desgaitasun Zerbitzua" atalean, hautatu "Egokitzapen-eskaera" aukera.
6. Eskabidea betetzea:
   1. UPV/EHUn egokitzapen-eskaerarik izan ez duten ikasleak:

• Desgaitasun ziurtagiria igo. Ez baduzu ziurtagiririk, edota bertan ez bada diagnostikoa agertzen, diagnostikoa egiaztatzen duten txosten medikoa edo psikopedagogikoa igo.
• Eskatzen diren diagnostikoari buruzko datuak sartu.
• Ikasturte honetarako egokitzapenak aukeratu.
• Datuak babesteko klausula onartu eta gorde.

2. UPV/EHUn  egokitzapen-eskaera izan  duten ikasleak edota  UPV/EHUn  sartzeko ebaluazio probetarako egokitzapenak eskatu dituzten ikasleak:

• Dokumentazio berria aurkeztu edo aldatu nahi izanez gero, discap@ehu.eus zerbitzua bidali behar da.
• Ikasturte honetarako egokitzapenak aukeratzea.
• Datuak babesteko klausula onartzea eta gordetzea.

7. Zerbitzuak egokitzapen eskaera balioztatuko du
8. Ikasleak, "Egokitzapen-eskaeraren kontsulta" atalaren bidez, eskaeraren egoera (onartua, onartu gabea, ukatua) kontsultatu ahal izango du.

Ikasturte bakoitzeko eskaera bakarra egingo da, epe hauetan:

• Lehen lauhilekoa: uztailaren 15etik azaroaren 30era.
• Bigarren lauhilekoa: abenduaren 1etik, apirilaren 30era.

1. Erantzukizunpeko adierazpena. Ikasleak beteta eta sinatuta, ematen zaion ereduan.
2. Diagnostiko-txostena:
   1. Desgaitasun-mailaren ziurtagiria.
   2. Txosten medikoa edo txosten psikopedagogikoa. Desgaitasun-ziurtagiririk ez dagoenean edo ziurtagirian diagnostikorik ez denean agertzen. Agiri honek diagnostikoa jaso behar du, 2 urteko antzinatasunarekin gehienez ere.  Ikasteko Zailtasun Espezifikoak dituzten ikasleen kasuan, diagnostikoa 10 urtetik aurrera eginda egotea eskatuko da. Gainera, honako hauek ere jaso beharko ditu:

• ikaslearen izen-abizenak.
• diagnostiko argia eta esplizitua.
• profesionalaren datuak eta sinadura (elkargokide-zenbakia barne).
• bidalketa-data osoa.