BABEL i3 proiektuaren ideia 2017-2018 ikasturteaz geroztik Filologia Frantseseko Graduko zenbait irakasgaitan egindako berrikuntza pedagogikoko zenbait esperimenturen ondorioz sortu zen.

Esperimentu horietako batzuk Berrikuntzaren, Gizarte konpromisoaren eta Kulturgintzaren Arloko Errektoreordetzak 2019ko amaieran antolatutako IKD i3 topaketan aurkeztu zen posterrean jaso ziren (ikus erantsitako irudia).

Beste esperientzia garrantzitsu bat Frantsesa Helburu Espezifikoetarako irakasgaia (FOS) Ocean i3 hezkuntza berrikuntzarako proiektuan integratzea izan zen. Ocean i3 proiektuak plastikoek itsasoan eragiten duten kutsadura du ardatz. "Hezkuntza berrikuntzarako proiektu bat da eta helburutzat du unibertsitateko ikasleengan zeharkako gaitasunak garatzea, Research Based Learning deritzona oinarri duten metodologiak erabiliz, betiere 2030erako Garapen Jasangarrirako Helburuekin (RBL-GJO) zerikusia duten erronkei dagokienez." Nazioarteko, mugaz gaindiko eta eleanitzeko dimentsioak (frantsesa, euskara, gaztelania, ingelesa) aukera ematen die parte-hartzaileei kulturarteko eta eleanitzeko egoerak kudeatzeko gaitasunak garatzeko. Frantses Filologiako Graduko 4. urtean derrigorrezko ikasgaia da FOS, eta esparru eleaniztun eta mugaz haraindiko horretan egin zuen bere ikasgai-proiektua: Ocean i3 proiektuan parte hartzen duen publikoari zuzendutako FOS sekuentzia didaktikoak elkarrekin diseinatzea.

>> Ikus esperientziaren txostena, Coronavirusen pandemiak markatua (COVID-19).

>> Ocean i3-ri buruzko informazio gehiago nahi izanez gero, kontsultatu Euskampusen webgunea eta proiektuaren bloga.

2020-2021 ikasturtean "BABEL i3" irakasgai bakoitzean egingo diren proiektuen berri emango da hemen. Lehen emaitzak 2020. urtearen amaieran argitaratuko dira.