Egungo Euskararen Hiztegia (EEH)

beso 1 iz gizakiaren goiko gorputz adarra, besaburutik eskuraino hedatzen dena.

Haren beso nire sorbaldari heltzen zionak, haren sorbalda nire bularraldean zetzanak. Joxe Austin Arrieta «Homo Faber» - Max Frisch, 2001 - 91. orr.

Izeba Margek besoa luzatu zuen ardoaren edalontzia hartzeko. Iñaki Mendiguren «Harry Potter eta sorgin harria» - J.K. Rowling, 2000 - 26. orr.

Adelak besoak luzatu, eta besarkatzeko eskatu zidan. Juan Kruz Igerabide «Hauts bihurtu zineten», 2005 - 40. orr.

Ez zuen ezer esan Skullyk besoa gerritik pasatu zionean. Koro Navarro «Artistakume baten erretratua» - Dylan Thomas, 1999 - 110. orr.

Besoa goitituz isilarazi ninduen. Aingeru Epaltza «Mailuaren odola», 2006 - 118. orr.

Jainkoaren gizonaren aurka luzatutako besoa gogortu egin zitzaion eta ezin izan zuen bildu. Elizen arteko biblia 1 Erg 13,4

Besoa ez zagok erabat galdurik. Edorta Jimenez «Sukar ustelaren urtea», 2004 - 216. orr.

Rosamarik besoa astindu zakar batez libratu eta galtzarbean dakarren bildua luzatu dio Bittorri. Koldo Izagirre «Sua nahi, Mr. Churchil?», 2005 - 105. orr.

Eta kolpe batez besoa erauzi zion sorbaldatik. Juan Kruz Igerabide «Artur erregearen heriotza», 2005 - 110. orr.

Buruaren ondotik besoak eta soinaldeak jauki ziren, gero sabela eta azkenik oinak, lekeda beltz, zeru grisaren pean distira ketsuz emokatuak. Itxaro Borda «Zeruetako erresuma», 2005 - 26. orr.

Mendian nekatu arte ibiltzea, neska gazteen besoak ikustea belarra jiratzen. Koldo Izagirre «Sua nahi, Mr. Churchil?», 2005 - 95. orr.

Joxepak besoak mostradorean bermatu ditu. Pello Lizarralde «Larrepetit», 2002 - 61. orr.

Bi besoak bolantearen gainean finkatuz burua bi eskuen barnean ezarri nuen, begiak hetsiz. Daniel Landart «Anaiaren azken hitza», 1999 - 169. orr.

Besoak lepora bota eta negarrez esan zion: [...]. Irene Aldasoro «Dublindarrak» - James Joyce, 1999 - 97. orr.

Bat-batean, ordea, neskak besoak zurrundu eta berarengandik aldenarazi zuen mutila. Mirentxu Larrañaga «Hona hemen gu biok» - Dorothy Parker, 2006 - 111. orr.

Besoak zabalduak dauzka harresiari berak eutsiko balio bezala, atzamarrak zabal. Koldo Izagirre «Agirre zaharraren kartzelaldi berriak», 1999 - 31. orr.

Denek, besoak gora jasorik eta negar-intzirika Jainkoari egiten zioten oihu, errukia eta argia eskatuz. Askoren artean «Asisko Frantzizko, Asisko Klara», 2002 - 292. orr.

Abelek jakaren botoiak lotu eta besoak gurutzatu ditu. Pello Lizarralde «Larrepetit», 2002 - 67. orr.

Besoak bularraldean gurutzaturik, ukurturik, hotzari ezin aski azkarki buru eginez. Eneko Bidegain «Anbroxio», 2002 - 97. orr.

Gorputza zuzendu du bat-batean, eta jarraian jakaren papar-hegalak goratu eta besoak antxumatu ditu. Pello Lizarralde «Larrepetit», 2002 - 82. orr.

Besoak uztartu zituen urduri, beheko ezpainari hozka egin zion, eta erne jarri zen. Migel Angel Mintegi «Denak du bere prezioa», 2002 - 243. orr.

Besaulki batean eserita, edo hobeto esanda, barreneraino sartuta zegoen, besoak zintzilik. Josu Zabaleta «Fantasiazko ipuinak» - Guy de Maupassant, 2000 - 214. orr.

Besoak gurutzaturik, ingurura begiratu zuen. Ramon Saizarbitoria «Gorde nazazu lurpean», 2000 - 232. orr.

Aita besoak gurutzatuta geratu zen, estatua bat bezain geldi gure aurrean arratsaldeko zazpiak arte. Koldo Biguri «On Camillo» - Giovanni Guareschi, 2001 - 27. orr.

Gizon bat zegoen luze-luze etzanda, besoak zabalik, muturrez aurrera erorita. Karlos Zabala «Parisen sabela» - Emile Zola, 2004 - 18. orr.

Gainera ekarri nahi izan zuen gorputz txipia, beso artera, baina emaztea gaitzitu egin zitzaion. Koldo Izagirre «Sua nahi, Mr. Churchil?», 2005 - 251. orr.

Beso bat jarriko nuke, Kamatxok Basilio errealpean estali baietz. Patxi Ezkiaga «On Kixote Mantxako» - Miguel de Cervantes, 2005 - 139. orr.

Mamuak besoak zabaltzen ditu. Juan Garzia «Hamlet» - William Shakesperare, 2002 - 28. orr.

2 (deklinabide atzizkiekin)

Besoaren mugimenduaz adierazi zion ontzira jauzi egin zezan. Josu Landa «Odolbildua», 2002 - 13. orr.

Lucyk besoen gainean pausatzen du burua. Oskar Arana «Lotsaizuna» - John Maxwell Coetzee, 2004 - 204. orr.

Zerbitzaria, mindurik eta amorratuta, zoko batera baztertu zen, ezpain-zapia besoan. Fernando Rey «Gure etxeko kontuak» - Natalia Ginzburg, 2004 - 56. orr.

Haren esku neskaren besoan pausatuak, gero sorbaldan, gero berriro besoan, haren esku haragitsu hark. Joxe Austin Arrieta «Homo Faber» - Max Frisch, 2001 - 113. orr.

Zerrenda horia zeraman besoan. Anjel Lertxundi «Ihes betea», 2006 - 81. orr.

Ez zen esnatzen, eta besoetan hartu nuen.-Hator -esan dit besotik tiraka-, erleei eztia kendu behar zienagu. Koldo Biguri «On Camillo» - Giovanni Guareschi, 2001 - 25. orr.

-Besotik helduta eduki nau puska batean-. Mirentxu Larrañaga «Peaceful soldadua» - Michael Morpurgo, 2006 - 182. orr.

Gauero bezala, Faedistarreneko neskak herri aldera abiatu ziren, ia ilundurik, elkarri besotik helduta, bizkor-bizkor. Josu Zabaleta «Gauza baten ametsa» - Pier Paolo Pasolini, 1998 - 174. orr.

Gero, Henryri besotik oratu eta Carson Cityra eraman zuen berekin ezkontzera. Javi Cillero «Hollywood eta biok», 1998 - 87. orr.

Trukean, besotik kontu zidan, zerbitzariak xeheak itzuli bitartean. Aingeru Epaltza «Rock'n'roll», 2000 - 168. orr.

Frankek besoetan hartuko zuen, besoen artean estutuko zuen. Irene Aldasoro «Dublindarrak» - James Joyce, 1999 - 59. orr.

Horra non, ezustean, anaia besoen artean hil zaion, istripu batean. Daniel Landart «Anaiaren azken hitza», 1999 - 8. orr.

Kontua da han ez dagoela inolako koadrilarik, inolako soinujolerik besoetan akordeoi txuri nakaratu bat duela. Bernardo Atxaga «Groenlandiako lezioa», 1998 - 47. orr.

Utz nazazu besoetan eramaten. Antton Olano «<//jokoa.com>» - Gemma Lluch, 2002 - 47. orr.

Ematen zuen soinekotik kanpora irteten zitzaizkiola loreak, aurpegian gora eta besoetan behera. Unai Elorriaga «Van't Hoffen ilea», 2003 - 50. orr.

Harry eseri egin zen; besoetan oilo-ipurdia ari zitzaion jartzen, nahiz eta suak dir-dir berotu. Iñaki Mendiguren «Harry Potter eta sorgin harria» - J.K. Rowling, 2000 - 40. orr.

Ohe batean hil zen, halako dama baten besoetan. Koro Navarro «Artistakume baten erretratua» - Dylan Thomas, 1999 - 152. orr.

Umeak jostari topatzen genituen, ama gazteen eskutik edo inude janzkerako emakumeen besotan. Txillardegi «Putzu», 1999 - 334. orr.

Ohetik besotan hartu, bainuontziraino musuka eraman eta uretan gozo-gozo uzten ninduelako. Antton Olano «<//jokoa.com>» - Gemma Lluch, 2002 - 100. orr.

Haren besoetara bildua zinen jadanik, negar hipaka, hura ere negarretan. «Harreman arriskutsuak» - Choderlos de Laclos, 1997 - 342. orr.

Besoetara etorri zitzaidan gaixoa, eta barkatzeko eskatu zidan. Oskar Arana «Brooklyngo erokeriak» - Paul Auster, 2006 - 143. orr.

Haren besoetatik poliki askatu, eta ohetik jaiki naiz, ahalik eta zarata gutxiena atereaz. Patxi Iturritegi «Behi eroak», 2003 - 44. orr.

Bi poliziak besoetatik gogor eutsi eta hegazkinean sartu dute. Berria - Harian 2005-06-04

Amaren besoetatik indarrez bereizi behar dute. Gotzon Garate «India harrigarria», 2001 - 126. orr.

Lepoa bi besoez inguratzen zidan, eta aurpegian antzematen zitzaion larridura. Inazio Mujika Iraola «Gerezi Denbora», 1999 - 20. orr.

Karga nuen zangoetan, karga besoetan, karga betazaletan. Aingeru Epaltza «Mailuaren odola», 2006 - 160. orr.

Maleta astun bat eskuan eramatean, tentsioan jartzen dira besoko hezurrak. Irene Aldasoro «Giza gorputza lanean» - John Lenihan, 2006 - 17. orr.

Berriki egindako esperimentuek erakutsi dute besoko arteria erradialeko odola 21,5 ºC-ra jaitsi daitekeela. Irene Aldasoro «Giza gorputza lanean» - John Lenihan, 2006 - 181. orr.

Besoko tendinitisak jota egon naiz orain dela gutxi arte. Berria - Kirola 2004-05-08

Ez erabat hezur eta azal huts, ostera, ze larrupean hanturik nabarmentzen zitzaizkion besoetako giharrak, aparailuetako sokak baino zailduagoak. Edorta Jimenez «Sukar ustelaren urtea», 2004 - 224. orr.

Gizakiaren buruko, besoetako eta hanketako hezurrak. Jenaro Garate «Gizakia maitagogoa da», 2001 - 15. orr.

Neskatoaren besoetako bat luzatuta zegoenez, horrek enbarazu egin zien denbora apur batez. Julen Gabiria «Peter Pan» - James Matthew Barrie, 2004 - 288. orr.

Betaurrekoen ordez ukipen-leiarrak jarrarazi zizkion; haren armairua erabat berritu zuen; beso eta zangoetako ilea kenarazten zion aldizka, tratamendu mingarriekin. Oskar Arana «Brooklyngo erokeriak» - Paul Auster, 2006 - 48. orr.

Badugu segur holako pilotarien beharra, besoz eta jokoz. Herria 2001-04-05

3 (izenondo eta izenlagunekin)

Gizonak uko egin zion, ordea; eta andre laborariak ia altxatu egin zuen bere beso indartsuez eta azenario eta arbien artera bota. Karlos Zabala «Parisen sabela» - Emile Zola, 2004 - 19. orr.

Beso boteretsuek lagundu zioten barrurantz, han beste zortzi edo hamar emakume zeuden, norbaitek ulertzen ez zen hizkuntza batean hitz egin zuen, jausgailuak banatzen hasi zenean. Berria - Kultura 2004-08-22

Bere itzelezko beso gihartsuetan burusi-pila bat zeukan. Iñaki Mendiguren «Harry Potter eta Azkabango presoa» - J.K. Rowling, 2002 - 19. orr.

Haren beso zaintsuei erreparatu nien. Edorta Jimenez «Sukar ustelaren urtea», 2004 - 224. orr.

Berak bekozko ilunez begiratu zien neskaren beso mehe samurrei. Jose Morales «Zazpi urkatuak» - Leonid Nikolaievitx Andreiev, 2006 - 155. orr.

Oreztaz beteriko beso lodiak amantalaz garbitzen ari zela. Lopez de Arana «Manhattan Transfer» - John Dos Passos, 1999 - 21. orr.

Uste du gorputz ariketak eginez, bere zango gizen eta beso mardulek enborrera indarra erakartzen dutenean, minak ihes egingo duela. Pako Aristi «Urregilearen orduak», 1998 - 151. orr.

Maitalearen begiak bulldog-aurpegi gizen batean eta bi beso motz sendoen gainean pausatu ziren segundo batean edo bitan. Irene Aldasoro «Dublindarrak» - James Joyce, 1999 - 99. orr.

Espero ez nuen indarrez besarkatu ninduen bere beso labur-meharrekin. Aingeru Epaltza «Rock'n'roll», 2000 - 93. orr.

Bere beso argizari kolorekoak. Patziku Perurena «Harrizko pareta erdiurratuak», 2004 - 18. orr.

Beso luzatuaren muturrean eusten nion pistolari. Alberto Ladron Arana «Eguzki beltzaren sekretua», 2004 - 163. orr.

Harik eta irakasleak, aurpegia gorri, ia ubel, bere beso kulturista hura altzatu eta mahai ukabilkada bat jo, pumb, eta zirko domadore begiradaz oihu egin zuen arte [...]. Joseba Sarrionandia «Lagun izoztua», 2001 - 240. orr.

Kopeikin kapitaina konturatu zen lan egin beharko zuela, baina beso bakarra zeukan, ezkerrekoa hain zuzen ere, ulertzen? Jose Morales «Arima hilak» - Nikolai Gogol, 1998 - 291. orr.

Naturak zauriak ekiditen lehenago irakatsi zuen beso ezkerrak artoski ezkutuari aurre egin baino. Xabier Amuriza «Gauzen izaeraz» - Lukrezio, 2001 - 279. orr.

Eskuineko besoa apur bat jasoz, saihetseko zauria agerian jarri eta ontzitxo bat eskatu zion. Askoren artean «Asisko Frantzizko, Asisko Klara», 2002 - 1110. orr.

Hanka izoztu eta galdurik, eta ezkerreko besoaren giltzadura hautsita. Josu Zabaleta «Anne Franken egunkaria» - Anne Frank, 2004 - 101. orr.

4 (hitz elkartuetan lehen osagai gisa) ik besa.

Begi bat bestea baino garaiagoa, beso-giltzadura korapilatsua. Juan Garzia «Bizi alegiazkoak» - Marcel Schwob, 2002 - 16. orr.

Bere ariketak bukatzeko beso mugimendu azkar batzuk eginda, jaun agurgarria janzten hasten da. Josu Zabaleta «Anne Franken egunkaria» - Anne Frank, 2004 - 89. orr.

Beso-ukaldi guti batzuetan neskatxarenganat doi iritsi, eta haren eta kaimanaren artean ipini zen. Joan Mari Irigoien «Lur bat haratago», 2000 - 569. orr.

Beso-luzaketa eta zapladatxoekin hasten da. Xabier Olarra «Antropologo bat Marten» - Oliver Sacks, 2003 - 116. orr.

Aurpegi-keinuak eta beso-imintzio esajeratuak egiten ditu istriborreko baranda gainetik. Patxi Iturritegi «Behi eroak», 2003 - 79. orr.

-Jarri, lasaitu eta utzi alde batera oihuak eta beso-astindu horiek -agindu zion Monak. Fernando Rey «Hobe nuen etxean gelditu» - Horace McCoy, 2002 - 199. orr.

Bera da beso-borrokan onena laugarren mailan. Oskar Arana «Brooklyngo erokeriak» - Paul Auster, 2006 - 218. orr.

Beso-atal horrek mardultasun desiragarria erakusten zuen dama askorengan. Jose Morales «Arima hilak» - Nikolai Gogol, 1998 - 240. orr.

Bostehun burdinazko zurdatz zenbatu zituzten, eta askoz gehiago oraindik beso-, gerri- eta berna-zirgiloak. Askoren artean «Asisko Frantzizko, Asisko Klara», 2002 - 978. orr.

Nik stop egin, bozina jo, eta Herbertek berriro beso-keinuak: Aurrera! Joxe Austin Arrieta «Homo Faber» - Max Frisch, 2001 - 255. orr.

Gogaituen suspergarri, erortzera doazenen eusle, jauzi direnen beso-indar, dohakabe guztien esku-emaile eta kontsolagarri! Patxi Ezkiaga «On Kixote Mantxako» - Miguel de Cervantes, 2005 - 152. orr.

5 (hitz elkartuetan lehen osagai gisa elkarketak izenondo balioa duela)

Nolatan aterako dut neure kabuz bizibidea hanka-motza eta beso-bakarra izanik? Jose Morales «Arima hilak» - Nikolai Gogol, 1998 - 296. orr.

Gaexento perratzaile beso-indartsuak ikusi zuen begi zoliez. Felipe Juaristi «Itzarri nahi ez zuen printzesa», 2002 - 7. orr.

Berea balute bezala sentitzen zutela zango- eta beso-motzek hark egindako ordezkoa. Inazio Mujika Iraola «Gerezi Denbora», 1999 - 116. orr.

Hilerriko lau langile beso-bilduek astirik ez emateko elkar hitzartuak ziruditen, ozta-ozta disimulaturiko irrien artean orgatilari gero eta biziago bulkaka. Aingeru Epaltza «Rock'n'roll», 2000 - 70. orr.

Neska-lagunak lapurtu zizkieten marinel beso-tatuatu sendoekiko euren herra erredimitzeko. Harkaitz Cano «Neguko zirkua», 2005 - 43. orr.

Juana bazihoala, etxe txuritik etorki, Yago beso-hautsia haien parean gelditu zen. Pablo Sastre «Elurretan hotsak», 2004 - 136. orr.

Jesusek, haien gogoetak igarririk, beso-elbarriari esan zion: [...]. Elizen arteko biblia Lk 6,8

Hilerriko lau langile beso-bilduek astirik ez emateko elkar hitzartuak ziruditen. Aingeru Epaltza «Rock'n'roll», 2000 - 70. orr.

6 (hitz elkartuetan lehen osagai gisa elkarketak adizlagun balioa duela)

Eta Herbert beso-keinuka: Stop!, nik stop egin, bozina jo, eta Herbertek berriro beso-keinuak: Aurrera! Oraingoan ere, beso-zabalik hartu zuen Ginebrak zaldun gazte lerdena. Bestela Pepponek greba orokorrera deitu eta beso-gurutzatuta egonaraziko gaitu denok". Irina ipini eta beso-hutsik nahasten hasi zenean, [...]. Joxe Austin Arrieta «Homo Faber» - Max Frisch, 2001 - 255. orr.

Hilerriko langile ezagunak, beso-bildurik oraingoan ere. Aingeru Epaltza «Rock'n'roll», 2000 - 236. orr.

Txarto aparkaturiko autoak beso-indarrez kendu guran. Edorta Jimenez «Europako mugetan barrena», 2000 - 42. orr.

7 (hitz elkartuetan lehen osagai gisa, elkarte kopulatiboetan)

Lehoi-emearen gisa zelatan etzanik, harrapakinaren beso-buruak zarrastatzen ditu. Elizen arteko biblia Dt 33,20

Baina uztaia tente, beso-eskuak lasaituak uzten dizkie Jakoben Jainko indartsuak. Elizen arteko biblia Has 49,24

Ezponda Baithan aspaldi ahantziak ziren bizia beso-bizkarrak behartuz atera beharraren neke eta izerdiak. Aingeru Epaltza «Mailuaren odola», 2006 - 164. orr.

Anaren beso-papar belztuei so. Aingeru Epaltza «Rock'n'roll», 2000 - 50. orr.

Gutizia sartu zitzaidan neskatxaren beso-izterrak ikusteko. Javi Cillero «Hollywood eta biok», 1998 - 136. orr.

Ardi gaixoak beso-bizkarrez bultzaka eta adarka bazkatokitik kanpora bota dituzuelako. Ohartu nintzen ezen beso-bular ingurua odoletan zuela. Elizen arteko biblia Ez 34,21

8 (hitz elkartuetan bigarren osagai gisa)

Steffi Prokopek leun-leun jarri zuen bere haur-beso mehea Dembaren sorbaldan. Anton Garikano «Bederatzietatik bederatzietara» - Leo Perutz, 2003 - 84. orr.

Lepo argal-argal eta samurra eta neskatxa-beso orobat argalak ziren haren adinaren adierazgarri bakarrak. plazeraren atsegin guztiak gozatu ditudala zure jainko-besoetan. Jose Morales «Zazpi urkatuak» - Leonid Nikolaievitx Andreiev, 2006 - 25. orr.

9 (hitz elkartuetan bigarren osagai gisa, elkarte kopulatiboetan)

Barne patioko esekitokira emana aurkitu nuen, buru-besoak leihotik kanpora. Aingeru Epaltza «Rock'n'roll», 2000 - 392. orr.

Alkatea zutik jarri zen berehala eta, esku-besoak gurutzatuta. Berria - Mundua 2004-05-27

Haren aurpegitxoaren lerro zehazgabeak, haren hanka-beso arinak. Karlos Zabala «Parisen sabela» - Emile Zola, 2004 - 171. orr.

Pixka batean horrela gelditu nintzen, hedatuak zango-besoak eta tira-tira soina. Aingeru Epaltza «Rock'n'roll», 2000 - 48. orr.

10 hainbat animaliaren aurreko gorputz adarra.

Ehizarako ere, eskueran arkurik edo baleztarik ez bazen, ehiztariak hartzaren besoetara, oreinaren adarretara edota basurdearen hortzetara hurbildu beharra zeukan. Jon Alonso «Lisboako Setioaren Historia» - José Saramago, 2000 - 50. orr.

Kumea besoetan daraman hartz bat bezala. Harkaitz Cano «Neguko zirkua», 2005 - 22. orr.

Bizkor oldartuz, zaldiak aurreko besoak jaso zituen Heliodororen aurka. Elizen arteko biblia 2 M 3,25

Etorri zuan txakurra, banan banan hartu, eta lehenengo bat, jarri paretaren kontra, besoak jaso, katxeatzerakoan bezala. Pako Aristi «Venezuela, iraultza isilaren hitzak», 2000 - 75. orr.

Goiori entzuna nion sare karramarroak txikiak direla eta euren aliketa lako besoez sareak ebakitzen dituztela. Joseba Sarrionandia «Lagun izoztua», 2001 - 348. orr.

15 zakurri besoak moztu. Gotzon Garate «Zakurra, zeure laguna», 2002 - 66. orr.

Askotan besoarekin eskatzen dituzte horrelako balakuak [zakurrek]. Gotzon Garate «Zakurra, zeure laguna», 2002 - 30. orr.

Ile motza eta latza zuen, eta gorila-besoak. Iñaki Mendiguren «Harry Potter eta sorgin harria» - J.K. Rowling, 2000 - 69. orr.

11 janzkietan, besoari dagokion zatia.

Bere kamiseta beso gabetik galtzarbeko bizarrak eta rock talde niretako ezezagun baten irudi koloreanitzak marru egiten zieten inguruko eliztarrei Zango sagarretarainoko galtza motx beltzak, oihal oneko palto beso motxa xingolaz eta zilarreko botoiez apaindua, gerriko berde iluna. Aingeru Epaltza «Rock'n'roll», 2000 - 134. orr.

Kolore deigarriko atorra bat, palto beso motx urdin ilun bat eta gerriko gorri bat atera zituen kutxa batetik. Elena Touyarou «Hautsi da katea» - Toti Mtz. de Lecea, 2004 - 201. orr.

Besoak ukondoetaraino tolestu nituelarik, Hanleyk orroka esan zidan: [...]. Mirentxu Larrañaga «Peaceful soldadua» - Michael Morpurgo, 2006 - 119. orr.

Kasaka-jantzian zetorren, urdin-kolorezkoa oihala, gonak motxak, besoak ukalondoraino eta lepokorik gabea. Patxi Ezkiaga «On Kixote Mantxako» - Miguel de Cervantes, 2005 - 82. orr.

Soinekoari sabeleko gunean eutsirik, ukondoa bildurik, mahukaren luzera, beso-zuloaren jauskera edo izur baten barnegunea ebaluatzeko. Joxan Elosegi «Nola hustu nuen gurasoen etxea» - Lyidia Flem, 2005 - 68. orr.

Etorkizuneko soinekoari sabeleko gunean eutsirik, ukondoa bildurik, mahukaren luzera, beso-zuloaren jauskera edo izur baten barnegunea ebaluatzeko, eta bekokia zimurturik, ahoaren ertzean koloretako buruorratz batzuk ageri zituela. Joxan Elosegi «Nola hustu nuen gurasoen etxea» - Lyidia Flem, 2005 - 68. orr.

Eta berdin bere alkandora, beso-muturrak pasaratuak iruditu zitzaizkidan. Bernardo Atxaga «Soinujolearen semea», 2003 - 103. orr.

Jaka erantzi, alkandora-besoak jaso eta mehatxari hasi zen hurbiltzen. Koldo Biguri «On Camillo» - Giovanni Guareschi, 2001 - 54. orr.

Joanesek ez zuen xuxen jakin ea, halako batez, atorra-beso puntarekin edo zerekin, zaindari txarpil haren eskua perekatu zuen ala ez. Eneko Bidegain «Anbroxio», 2002 - 156. orr.

12 besaulkietan, besoak jartzen diren alboko ataletako bakoitza.

Aitak kolpe bat eman zion sofaren besoari: [...]. Anjel Lertxundi «Zorion perfektua», 2002 - 161. orr.

Sofaren besoan eserita zegoen. Mirentxu Larrañaga «Hona hemen gu biok» - Dorothy Parker, 2006 - 178. orr.

Edalontzia jartzen zuen besaulkiaren beso gainean, fariasa pizten zuen. Alberto Barandiaren «Mundu txikia», 2005 - 18. orr.

Neure ondoan eseri da, jesarlekuaren besoan. Sonia Gonzalez «Ugerra eta kedarra», 2003 - 198. orr.

Sei maila zituen errege-aulkiak; bizkarraldea biribila zuen eta jarlekuaren alde banatan besoak. Elizen arteko biblia 1 Erg 10,19

Aulkiaren besoa jo du eskuarekin pare bat aldiz. Xabier Paya «Desio izeneko tranbia» - Tennessee Williams, 2006 - 149. orr.

Pasilloak bereizita, aulki-beso batean kokatua zegoen Nofutur. «Loroaren teorema» - Denis Guedj, 2006 - 502. orr.

Aulki-besoetako batek, eskumakoak, kutxa moduko halako bat dauka josita. Edorta Jimenez «Europako mugetan barrena», 2000 - 262. orr.

13 irud/hed

Zortzi besoko munstro hark gizona besarkatu eta Atlantiko erdiko sakonetara eraman zuela. Paddy Rekalde «Ragga-ragga dator gaua», 2006 - 133. orr.

Terrala usteltzen zen patioko haritzen beso luzeetan. Karlos Linazasoro «Ez balego beste mundurik», 2000 - 137. orr.

Estuproaren besoetara bultzatu ninduen Honorék. Joxan Elosegi «Ahardikeriak» - Marie Darrieussecq, 2004 - 33. orr.

Hizkuntza bera besoz eta zangoz katigatuta gelditu zaigula. Patxi Altuna «Gogojardunak» - Inazio Loiolakoa, 2004 - 21. orr.

Gobernua besoak gurutzatuta egon da, eta ez du bere ardura bete. Berria - Euskal Herria 2006-01-19

Saakashvilik besoa luzatu dio Abashidzeri elkarren artean eta modu baketsuan Adjaria eta Georgia arteko arazoa konpondu ahal izateko. Berria - Mundua 2004-05-06

Chavezek oposizioari elkarrizketarako besoak zabaldu dizkio. Berria - Mundua 2004-08-22

Liburu hura irakurtzean, Ibaia zuten aurrean, itsasoaren besoa den ibaia. Felipe Juaristi «Airezko emakumeak», 2003 - 15. orr.

Mississippiren deltako beso ugarietako batean antolatu zuen bere gotorlekua. J.M. Olaizola "Txiliku" «Bizitza eredugarriak», 2006 - 126. orr.

-Eta besoa ubidea -erantsi zuen injineru holandarrak, bere lurraldean ubideak egiten aritua baitzen. Felipe Juaristi «Itzarri nahi ez zuen printzesa», 2002 - 109. orr.

Ered Lithuiko iparraldeko kate gris eta lanbrotsuak beso luzea hedatzen zuen hara, irtengunearekin bat egin arte, eta bi hauen muturren artean haran meharra zegoen. Agustin Otsoa «Eraztunen Jauna III» - J.R.R. Tolkien, 2004 - 252. orr.

Odol ttantta batek bost besoko izar horia zikindu zuen. Itxaro Borda «Zeruetako erresuma», 2005 - 96. orr.

Ekaitza iragarriz, hedoiek zerua iluntzen zutela Porte d'Ivryn atera ginen metroaren besoetarik. Itxaro Borda «Entre les loups cruels», 2001 - 188. orr.

Limarako bidea hartu, Panamako lur-besotik. Joan Mari Irigoien «Lur bat haratago», 2000 - 539. orr.

La Hispaniolatik Portobelorat, nondik iragan beharko baitzuen bi ozeanoak bereizten zituen lur-besoa, Panamaraino, handik Limarat joaiteko. Joan Mari Irigoien «Lur bat haratago», 2000 - 520. orr.

Agorrila zen Avaloneko lur besoan. Aurelia Arkotxa «Septentrio», 2001 - 132. orr.

14 irud/hed (tresnetan)

Kixoteren etxean bizi nintzen, harekin eta Santxorekin irteten nintzen okerrak zuzentzera, erroten besoetatik zintzilik jartzen nintzen. Juan Kruz Igerabide «Hauts bihurtu zineten», 2005 - 30. orr.

Leihoetako tantak atzerantz irrist egin eta ibai ttipi bihurtzen zirenean, haizetakoaren beso garbitzaileek ur-jauziak baztertuz ordulariaren tik-taka gogora ekartzen zutenean. Lander Garro «Orain galdera berriak ditut», 2004 - 98. orr.

Palankaren besoak bermapuntua zentrotik hurbilago baldin badu, ezin izango da pisua altxatu. Santiago Iruretagoiena «Arkitekturaz hamar liburuak» - Vitruvio, 2000 - 4770. orr.

Eta, ez jakin nola, garabiaren 50 tonako beso artikulatua hautsi eta langilea zegoen kabinaren gainera erori zen. herria¬

Horrela, garabi-besoa urrun iristeko gai zen. Edorta Jimenez «Sukar ustelaren urtea», 2004 - 58. orr.

Garabi-besoak, goi muturrean eskegita, ildo biko gurpiltxoa zeukan, erraz jira-bira eragiteko moduan ardaztua. Edorta Jimenez «Sukar ustelaren urtea», 2004 - 57. orr.

Zubiaren erdian garabi-ibilgailu handi bat ari zen, gorri mina; haren besotik behera, kable gotorra ugaldearen erdira zintzilikatzen zen Argimutilaren gerritik ateratzen diren hiru beso-bikoteetariko bakoitzak bere kopa izango du behealdean. Aingeru Epaltza «Rock'n'roll», 2000 - 37. orr.

Begiak alderatu gabe jarraitu zuen, eskailerak jaitsi, token-a zirrikituan sartu, beso mekanikoak biratu, berriz eskailerak eta andena. Iñaki Zabaleta «110. Street-eko geltokia», 2003 - 143. orr.

Nerbioak sartzeko diren makinaren beso horiek, izan ere, teinkatu direnean, biek batera eta berdin kolpea eman behar dute. Santiago Iruretagoiena «Arkitekturaz hamar liburuak» - Vitruvio, 2000 - 450. orr.

Haizeak putz eta txistu egiten zuen arbolen adaxka biluzietan eta sasietan, eta semaforoan transmisiokateei hotsa aterarazten, eta semaforoaren besoari bultza egin eta dardararazten. Fernando Rey «Zorrotz begiratutako trenak» - Bohumil Hrabal, 2002 - 95. orr.

Kasetoi lan luze urreztatu eta guztiz apaindu batek ertza ematen zion ispilu karratu eskerga bati, zeinaren erditik lau besoko armiarma lanpara bat zintzilik baitzegoen. Karlos Zabala «Parisen sabela» - Emile Zola, 2004 - 86. orr.

Azkeneko modeloetan, T-aren besoetako muturrak ere biltzen ditu kobrezko haritxoak. Luis Elberdin «Sexua noiznahi», 2005 - 97. orr.

15 (indarraren edo eraginaren irudi bezala)

Esaera zaharrak ere hori dio: otomandarren besoa luzea da, munduko beste muturreraino ere ailegatzen da. Fernando Rey «Ararat mendiaren sumina» - Yasar Kemal, 2003 - 52. orr.

Etsaiaren besoa hain da luzea! Agustin Otsoa «Eraztunen Jauna III» - J.R.R. Tolkien, 2004 - 161. orr.

PPren beso armatuak hil du Angel. Berria - Euskal Herria 2004-03-14

16 (lanaren irudi bezala)

Gerla denboran beso guziak behar. Marzel Etxehandi «Alemaniara deportatua» - Grégoire Joannateguy, 2003 - 78. orr.

Ez omen zuten bertan fusilatu besoak behar zituztelako lezoiak egiteko. Koldo Izagirre «Sua nahi, Mr. Churchil?», 2005 - 40. orr.

Alemanen indar industrialak gero-ta gehiago beso galdegiten ditu. Marzel Etxehandi «Alemaniara deportatua» - Grégoire Joannateguy, 2003 - 78. orr.

17 luzera neurria, besoaren luzeraren kidekoa.

Bere garbitasunagatik merezi izan zuen San Frantzisko Jainkoagan murgildua eta lurretik jasoa behin baino gehiagotan ikustea; batzuetan hiru besoko altueran, inoiz laukoan edo pagoaren puntaraino ere bai. Askoren artean «Asisko Frantzizko, Asisko Klara», 2002 - 1082. orr.

Hango neurrian, nolanahi ere, tales berdin 3,25 egiptoar beso zen; 276,25 beso, beraz, guztira. «Loroaren teorema» - Denis Guedj, 2006 - 56. orr.

Golias filisteartzarraren kondaira ematen digunean; zazpi beso t'erdi bazituela alegia, eta neurri-gaindiko handia da hori. Patxi Ezkiaga «On Kixote Mantxako» - Miguel de Cervantes, 2005 - 104. orr.

"Lofoden eta Moskoe bitartean" dio, "hogeita hamasei edo berrogei besokoa da uraren sakona. Koro Navarro «Kontakizunak» - Edgar Allan Poe, 2000 - 62. orr.

18 besoak gurutze adlag

Betaurrekoen gainetik begiratu zenuenean pintxe barria topatu zenuen besoak gurutze aspertu plantan. Koldo Izagirre «Nik ere Germinal! egin gura nuen aldarri», 1998 - 45. orr.

Azalduko didazu zer den GMBH hori? -galdetu zidan nire gainekoak besoak gurutze jarriz. Joxan Elosegi «Durduzaz eta dardaraz» - Amélie Nothomb, 2003 - 57. orr.

-Uste duzu telebistakoak, ezer jakin izan balute, besoak gurutze geratuko zirela? Anjel Lertxundi «Zorion perfektua», 2002 - 67. orr.

Ez baitzen, hurbiltzekorik ere, bi besoak kurutze egoitekoa, konduak egin zituen eta behar zen lekura helarazi, ordaindua izaiteko gisan. Angel Aintziburu / Jean Baptiste Etxarren «Luzaiden gaindi», 2002 - 162. orr.

· Besoak papoan gurutze, ezkaratzeko bortan azaldu zen. Itxaro Borda «Zeruetako erresuma», 2005 - 225. orr.

19 beso arte (orobat besoarte g.er.)

Susmo txarrak ekiditeko, maitale aurkitu berriaren besoarte epela oilarrak kantatu baino lehen utzi zuen emakumeak. Martin Anso «Elezaharren bidetik», 2004 - 44. orr.

Ez zuen Gualteriok nahi zuen bezala erreakzionatu, kontsolamendua, beraren besoarte epelean aurkitu beharrean, elizan aurkitu baitzuen. · (deklinabide atzizkiekin) ik besarte. Stanek beso artean hartu zuen emakumea, burua atzerantz bota zion eta musu eman. Martin Anso «Elezaharren bidetik», 2004 - 191. orr.

Zangoak tolestu eta beso artean biltzen ditu hotzetik babestu nahiz. Antton Olano «<//jokoa.com>» - Gemma Lluch, 2002 - 57. orr.

Neska txipiño hura beso artean estutzeko gogo handia etorri zitzaion. Koldo Izagirre «Sua nahi, Mr. Churchil?», 2005 - 227. orr.

Emakume hura beso artean gordetzeko desiraren aurka borrokatu behar izan nuen. Ramon Saizarbitoria «Gorde nazazu lurpean», 2000 - 457. orr.

Nik beso artean ongi estututa neukan nire ihesaldietarako poltsa, ihes egiteko baino esku artean zerbait edukitzeko gehiago. Josu Zabaleta «Anne Franken egunkaria» - Anne Frank, 2004 - 124. orr.

Koadroa besarkaturik bezala zeukan beso artean. Hasier Etxeberria «Mutuaren hitzak», 2005 - 26. orr.

Har nazazu eta estutu zure beso artean. Patxi Zubizarreta «Mila gau eta bat gehiago» - Anonimoa, 2002 - 44. orr.

Neskatoa berehala oldartu zitzaion beso artera, bekokia beraren bularraren kontra estutuz eta osaba ahal zuen bezain estu besarkatuz. Oskar Arana «Brooklyngo erokeriak» - Paul Auster, 2006 - 154. orr.

Hark keinu txiki bat egin balio, han, erreka hegian, beso artera joanen zitzaion. Elena Touyarou «Hautsi da katea» - Toti Mtz. de Lecea, 2004 - 252. orr.

Besarkatu egin nuen, baina gero neu ere ohartu nintzen hura eszena samurregia zela, eta beso artetik emeki-emeki askatu zitzaidanean lasaitu egin nintzen. Ander Irizar «Eszterren ondarea» - Sandor Marai, 2003 - 81. orr.

20 beso azpi (deklinabide atzizkiekin) ik besazpi.

Egun batean, beso azpian egunkaria eta liburu lodi bat zekarrela itzuli zen aita. Juan Kruz Igerabide «Nire aitaren fusila» - Hiner Saleem, 2004 - 38. orr.

Gero maleta esku batetik bestera aldatu eta beso azpian jarri zuen bizarreko gauzen poltsa. Koro Navarro «Zertaz ari garen maitasunaz ari garenean» - Raymond Carver, 2003 - 168. orr.

Beso azpian hartu du eta etxera abiatu gara. Iban Zaldua «Etorkizuna», 2005 - 56. orr.

Telebista beso azpian zuela, berarekin joateko esan zidan, eta saltzailearen etxera itzuli ginen; ohetik atera genuen. Juan Kruz Igerabide «Nire aitaren fusila» - Hiner Saleem, 2004 - 45. orr.

Gizonezko gazte bat azaldu zitzaion zirrituaren barruan, andreari beso azpitik indarrez heldu, eta herrestan eramaten hasi zena kioskorantz. Josetxo Azkona «Patata soro bat», 2004 - 14. orr.

21 beso-bakar ik besobakar.

22 beso-gain ik besagain.

23 beso-euskarri besoari eusteko makulua.

Bere eskuineko eskua bendaz lotu-lotu eginda eta beso-euskarrian zuela. Iñaki Mendiguren «Harry Potter eta sorgin harria» - J.K. Rowling, 2000 - 103. orr.

Beso zauritua beso-euskarrian, guajiro kapela buruan eta bizar polito hazia, gerrillari peto-peto ageri da Rolando Cubela orduko argazkietan. Edorta Jimenez «Hemingway eta euskaldunak zerbitzu sekretuetan», 2003 - 291. orr.

Haren beso-euskarri bigunek atzitu eta gogor heldu zidaten, nola landare haragijaleek intsektu buruarina atzitu eta hondarreraino ezeztatzen duten. Matías Múgica «Hiltzaile baten aitormena» - Joseph Roth, 2004 - 52. orr.

24 beso-motz ik besomotz.

25 beso-zango (orobat besozango g.er.) pl beso eta zangoak.

Unaik are eta kemen handiagoz eragin zien bere robotaren beso-zangoei. Aingeru Epaltza «Rock'n'roll», 2000 - 163. orr.

Besoetan hartzen duenean, txotxongilo batenak bailiran zimurtzen zaizkio neskari beso-zangoak. Oskar Arana «Lotsaizuna» - John Maxwell Coetzee, 2004 - 35. orr.

Petrusek beso-zangoak luzatzen ditu, aurpegia eguzkiaren distirari bete-betean emanez. Oskar Arana «Lotsaizuna» - John Maxwell Coetzee, 2004 - 180. orr.

Neurri horretara iristen ez direnei, tira egiten die beso-zangoetatik, tamaina egokia iritsi arte. Joxerra Garzia «Itsasoan euri», 2003 - 116. orr.

Burua dut guztiz sorgor, lokietan taupadak eta mailukadak, beso-zangoak minberatuta oso. Eduardo Matauko «Emakume ezezagun baten gutuna» - Stefan Zweig, 2005 - 9. orr.

Buru asko eta beso-zango ugariz hornitua omen zen, eta leku bat baino gehiagotan ikusi omen zuen aldi berean. Xabier Olarra «Deabruaren hiztegia» - Ambroise Bierce, 2001 - 130. orr.

26 zango-beso pl zango eta besoak.

Han beraz gaixo bildotxak lau zango-besoak estekaturik. Herria 2004-04-01

Xingolak, itzuli asko eginez, zango-besoak eta gorputza inguratzen zizkidan, eta burua bakarrik uzten zidan libre. Koro Navarro «Kontakizunak» - Edgar Allan Poe, 2000 - 105. orr.

Mugaide galdu berriaren sensazio beroak, hormatzen zihoazkion zango-besoak epeldu zizkion. Itxaro Borda «Zeruetako erresuma», 2005 - 339. orr.

Astia du oraindik pentsatzeko, korderik galdu ez badut ondo nago, zango-besoek huts egin eta erori aurretik. Oskar Arana «Lotsaizuna» - John Maxwell Coetzee, 2004 - 124. orr.

27 besoz beso adlag elkarri besotik helduta.

Besoz beso ibili ziren biak, Peppone eta On Camillo. Koldo Biguri «On Camillo» - Giovanni Guareschi, 2001 - 85. orr.

Besoz beso zihoazen, adiskideen antzera, saskien eta barazkien gainetik pasatuz. espaloian, besoz beso eta salbu, egiaztatu ere bai nik neure sonbreilua galdu berria nuela. Karlos Zabala «Parisen sabela» - Emile Zola, 2004 - 38. orr.

Biak goxoan, besoz beso. Janbattitt Dirassar «Bihotzeko mina», 1997 - 38. orr.

28 irud/hed elkarrekin.

Gilenekin besoz beso egin nituen munduaren lehen ezagutzak. Aingeru Epaltza «Mailuaren odola», 2006 - 92. orr.

Salisbury-ko lautadan, soldaduzko entrenamendu-esparruan, besoz beso aritu baikinen, laster batean ezagutu genuen elkar denok. Mirentxu Larrañaga «Peaceful soldadua» - Michael Morpurgo, 2006 - 109. orr.

Elkarlanean besoz beso jardutekotan. Pello Zabala «Zeruan zer berri», 2006 - 184. orr.

Kateak eta lis-lorea berriz ere besoz beso, gaztelu harroaren kontra. Aingeru Epaltza «Lasto sua», 2005 - 42. orr.

hitz multzoen maiztasunak (gutxienez 3 aldiz agertzen direnak)

aitaren beso (4); bere beso (59); bere beso artean (5); bere beso luzeak (4); beren beso (4)

beso artean (60); beso artean hartu (4); beso artera (7); beso artetik (8); beso azpian (14); beso bakarra (5); beso banatatik (6); beso bat luzatu (5); beso batean (11); beso batek (7); beso batekin (8); beso baten (10); beso batetik (13); beso batetik heldu (4); beso batez (21); beso batez inguratu (4); beso bati (4); beso biak (9); beso biluziak (6); beso eta hanka (5); beso eta zangoak (6); beso gainean (13); beso gainetik (4); beso gaitza (4); beso gihartsuak (5); beso guztiak (4); beso handi (4); beso hankak (6); beso luzatuaren (4); beso luze (6); beso luzea (6); beso luzeak (8); beso motz (7); beso zabalik (25); beso zabalik hartu (4); beso zango (5); beso zangoak (12); besoz beso (19)