Programa espezifikoa: Marie Sklodowska-Curie banakako bekak (IF)
UPV/EHU: Koordinatzailea
UPV/EHU IP: David Mecerreys
Proiektuaren hasiera: 2019/01/01
Proiektuaren amaiera: 2021/12/31

Deskribapen laburra: Gaur egun, segurtasun-kezka garrantzitsuek mugatu egiten dute litiozko baterien erabilera, eskala handian, ibilgailu elektrikoetarako eta biltegiratze egonkorrerako. Eroankortasun ioniko handia duten arren, litiozko baterietarako elektrolito likido konbentzionalak oso sukoiak dira eta bateriaren karkasatik iragaz daitezke. Elektrolito seguruagoak behar dira hurrengo belaunaldian bateria kargagarriak sortzeko.

eJUMP beka globalaren helburua da kristal plastiko ioniko organikoetan (OICP) oinarritutako elektrolito nanokonposatu berritzaileak garatzea, egoera solidoko elektrolito mota berri bat, segurtasun intrintsekoa eta eroankortasun ioniko handikoa. eJUMPen ikuspegia material konposatuak prestatzean datza, elektrolito solido organikoetatik eta nanopartikula polimerikoetatik abiatuta. Material horiek errefortzu gisa jardun dezakete, baita funtzioak gehitu ere, espezifikoki diseinatutako nanopartikulen interfazeen bidez. eJUMPek sortutako ezagutzak lagunduko du elektrolito solido mota berri hori fabrikatzeko diseinu-irizpide espezifikoak ezartzen.