Programa espezifikoa: Europako Ikerketa Azpiegiturak (INFRAIA)
UPV/EHU: Onuraduna
UPV/EHU IP: Ibon Cancio
Proiektuaren hasiera: 2015/06/01
Proiektuaren amaiera: 2019/05/31

Deskribapen laburra: Itsas bioteknologia (urdina) gakoa da itsas organismoen biodibertsitate bakarraren potentzial ekonomiko izugarria askatzeko. Potentzial hori oraindik ere gutxiegi ustiatuta dago neurri handi batean, ikerketa-zerbitzuen arteko konektagarritasun faltagatik, zientzia industriarekin lotzeko zailtasun praktiko eta kulturalengatik eta ikerketa, garapen eta berrikuntzako (I+G+b) eskualde-politiken zatiketa handiagatik. Oztopo horiek gainditzeko, EMBRICek (European Marine Biological Resource Infrastructure Cluster) ikerketa biologikoko eta gizarte-zientzietako azpiegiturak lotuko ditu (EMBRC, MIRRI, EU-OPENSCREEN, ELIXIR, AQUAEXCEL, RISIS) eta hiru dimentsiotako interkonektibitatea sortuko du: zientzia, industria eta eskualdeak.

EMBRICen helburuak honako hauek dira: (1) kalitate handiko zerbitzuen lan-fluxu integratuak garatzea baliabide biologikoak, analitikoak eta datu-baliabideak eskuratzeko, eta teknologia eta laguntza-praktika komunak inplementatzea; (2) zientziak industriarekin duen lotura indartzea, enpresak inplikatuz eta teknologiaren transferentzia-zerbitzuak federatuz; (3) I+G+b politikak desfragmentatzea eta itsas eskualdeak EMBRICen eraikuntzan inplikatzea.

Itsasoko baliabide biologikoetatik abiatuta, aurkikuntza zientifikoen eta berrikuntzaren erritmoa bizkortzea honako hauen bidez lortuko da: (i) zerbitzuetara bideratutako diziplina anitzeko lan-fluxu teknologikoak ezarriz; (ii) itsas produktu natural berrien bioprospekzioan eta akuikulturan markatzaileek lagundutako hautaketan oinarritutako baterako garapen-jarduerak eginez; (iii) gaikuntza eta ezagutzen transferentzia; (iv) nazioz gaindiko sarbide pilotua klusterraren instalazio eta zerbitzuetara. EMBRICek itsas eskualde kontrastatuetako TTko funtzionarioak ere konektatuko ditu, TTko praktiketan kohesio handiagoa sustatzeko. Politiken arduradunekin lankidetzan arituko da, Europako itsas eskualdeetan errotuta dagoen azpiegitura birtual paneuropearraren kluster bat sendotzeko, bioekonomia urdina sostengatuko duena.