Gasteizko Ingeniaritza Eskolako Automozioko Ingeniaritzako Graduko 4. mailako ikasle talde batek MUBIL Mobility Awards 2024 ekitaldietara joateko aukera izan zuen. Ekitaldi ospetsu hori urriaren 22an egin zen, ostegunean, Donostian, eta mugikortasun jasangarriaren eta automobilgintzako teknologiaren arloko proiektu berritzaileak saritzen ditu, ikasleei sektoreko lider eta profesionalekin konektatzeko aukera baliotsua eskainiz.

Ekitaldian, ikasleek aktiboki parte hartu zuten, sarituei galderak ingelesez eginez, aurkeztutako proiektuetan duten interesa erakutsiz eta nazioarteko ingurunean moldatzeko duten prestakuntza nabarmenduz. MUBIL Mobility Awards delakoetara joateak indartu egiten du Vitoria-Gasteizko Ingeniaritza Eskolak ikasleei ikasgelaz haragoko prestakuntza-esperientziak eskaintzeko duen konpromisoa, mugikortasunean eta jasangarritasunean berrikuntza sustatzen duten ekimenetan parte hartzera motibatuz.