Biografia

Durk Gorter Ikerbasque ikertzaile-irakaslea da Euskal Herriko Unibertsitatean UPV/EHU. Bera da Donostia Research group on Education And Multilingualism (DREAM) ikertaldeko buru. Hezkuntza eleaniztuna, Europako hizkuntza gutxituak eta hizkuntza paisaiaren inguruan egiten du ikerketa. Bere argitaratze berrienak dira: Multilingual Education: Between language learning and translanguaging (2015, Jasone Cenoz katedradunarekin ko-editatua) eta System (2020) aldizkariko ale berezia Pedagogical translanguaging: navigating between languages at school and at the university. Eleaniztasuna eta Hezkuntza Europar Masterrean (EMME) irakasten du. Erredakzio burua da Language, Culture and Curriculum izeneko aldizkarian. International Association of Multilingualism erakundeak Distinguished Scholar of Multilingualism izeneko saria eman zion.

Informazio gehiago: http://www.ikerbasque.net/durk.gorter