Ikergunea

Ikuspegi Orokorra

Ikergune hau eraikita, Arabako Campusak zerbitzu bat eman nahi die Gizarte eta Giza Zientzien arloko ikerketa zientifikoan dihardutenei, garrantzi handiko jakintza arloa baita campus honetan.

Gaur egun, Arabako Campusak Lascaray Ikergunea du, Zientzia Esperimentalen eta Osasun Zientzien arloko ikerketara bideratuta dagoena. Ikergune berria abian jarrita, maila handiko ikerguneak izango ditu Gasteizek jakintzaren hainbat adarretan, inguruneko garapen ekonomiko eta kulturalarentzat lagungarri izango direnak.

Micaela Portilla Ikergunea ikerketaren erreferentzia bilakatuko da Euskal Herrian, gaur egun ez baitago antzeko ezaugarririk biltzen duen zentrorik. Bertan, aukera izango dute diziplina zientifiko horietako bikaintasun ikertaldeek hainbat baliabide eskueran izateko –gune bereziak eta laborategi partekatuak, eta azpiegiturak eta zerbitzuak–, betiere kalitateko ikerketari ahalik eta erantzunik onena eman diezaioten.

Izena

Micaela Josefa Portilla Vitoria (Gasteiz, 1922ko uztailak 30 – 2005eko urriak 8) XX. mendeko euskal historialari, antropologo eta pedagogo gailenetakoa dugu. Azterlan eta argitalpen ugarien egile, nabarmentzekoa da pedagogiaren arloan egin zuen lana, ikerketan eta dibulgazioan egin zuen lanarekin txandakatu zuena.

Biografia laburtua

 

Historialari gailena izateaz gain, Micaela Portilla dibulgatzaile handia izan zen, bere jakintzak partekatzeko beti prest. Aspaldiko bideak interesatzen zitzaizkion bereziki (bere obran garrantzi handikoak), oraindik zutik dauden baselizak eta desagertutakoak, harginak eta zizelkariak, eta leinuak. Jakituria handiko emakumea zen, ezagutzak transmititzeko ere dohain berezia erakutsi zuena. Henrike Knörr (1947-2008) UPV/EHUko euskal filologiako katedradunaren hitzetan, "harentzat, zientzia, doitasuna eta zehaztasuna, ikerlanaren eskakizunak, azken batean, ez zeuden mundu guztiarengana heltzeko nahiarekin kontraesanean. Justu kontrakoa. Agerikoa zen ezagutza haiek zabaltzeko hark erakutsitako ardura".

Gasteizko Niño Jesús ikastetxean hasi zituen ikasketak, 1933an Gasteizko bigarren hezkuntzako institutuan jarraitu zituenak. Maisutza (1941) eta Filosofia eta Letrak karrera ikasi zituen. Complutense Unibertsitatean zabaldu zituen bere ikasketak, Geografia eta Historia espezialitatean. Lizentziaturako memorian, 1954an, Torres de Mendozas, Guevaras y Ayalas en Álava izenburua zuen lana aurkeztu zuen, bere doktorego tesiaren atarikoa izango zena, eta funtsezko bere obrarena: Torres y casas fuertes en Álava (1977). Bere ekoizpenaren beste lan nabari batzuk izan ziren Quejana, solar de los Ayala (1983), Las torres de Mendoza y Martioda (1985), Vitoria gótica (1986) eta Una ruta europea. Por Álava a Compostela. Del paso de San Adrián al Ebro (1991).

Lehen Hezkuntzako irakasle izan zen Arabako probintziako herri hauetan: Untzillako eskolan (Aramaio) 1945ean, gero Zallan, Agurainen eta Gasteizen –bertako Ramiro de Maeztu institutuan Odón Apraizen laguntzaile izan zen–. Apraizek, maitekor, Zabalate deitzen zion, Portilla herriko euskal izena, eta denbora batez Leocadia Zabalate goitizena erabili zuen Micaelak arteari eta historiari buruzko egunkarietako kolaborazioak sinatzeko. Irakasleen Unibertsitate Eskoletako katedradun zela (1956), irakaskuntzan jardun zuen Cádizeko Eskola Arruntean (Maisutza Eskola), Gasteizkoan, eta azkenik, Madrilgoan, non 1987an erretiratu zen 43 urtez bertan lanean aritu ondoren.

Gasteizko Eskola Arrunteko zuzendari izan zen (1958-1964), Eskola Arrunten Ikuskatzailetza Nagusiaren aholkulari (1967-1971), Arte Ederretako Errege Akademiako kide urgazle izan zen (1982) baita Historiako Errege Akademiakoa ere (1988) Araban. Gainera, erakunde hauetako kide izan zen: Euskalerriaren Adiskideen Elkartea (1971), Eusko Ikaskuntza, Arabako Ondare Artistikoaren Kontserbazio Batzordea, Foru Aldundiaren Museoetako Aholkularitza Batzordea, Euskadiko Ondare Monumentalaren Aholkularitza Batzordea eta Euskal Kulturaren Kontseilu Nagusia.

UPV/EHUk honoris causa doktore izendatutako aurreneko emakumea izan zen, 1993an.

Kokapena

Micaela Portilla Ikergunea UPV/EHUren Arabako Campusean dago kokatuta.

Helbidea:

Centro de Investigación Micaela Portilla Ikergunea
Justo Vélez de Elorriaga kalea, 1
01006 Vitoria-Gasteiz

Telefonoa: (+34) 945014003
 

Eraikina

Eraikinaren ezaugarriak

Eraikina Lascaray Ikergunearen ondoan dago eta sotoko solairuan lurpeko aparkaleku bat (3.194 m2) du. Eraikinaren gainerakoa (5.814 m2) hainbat gune biltzen dituzten lau solairutan dago banatuta.

Eraikin honen proiektua UNE-EN 14006 ekodiseinuaren araudiari jarraituz garatu da, eraikuntza-sistema tradizionalen eta berritzaileen bitartez. Eraikin honetarako CLT zurezko panelak erabili dira fatxadaren kanpoaldeko estalkirako, eta egitura hormigoi armatuzkoa da. Fatxada aireztatua hormigoi polimero uhinduzko panelekin errematatuta dago. Material beroa denez gero, barneko guneak diseinatzeko ere erabili da zura. Kanpotik sartzen den argia da eraikin honetako beste elementu nabarmen bat, barne-patioetan eta atzealdeko fatxadako gortina-horman zehar sartzen dena.
 

Gora

Zerbitzu partekatuak

Ikertaldeen lokalez gain, eraikinak bi laborategi ditu –hizkuntzalaritzakoa bat eta arkeologiako hiru– talde erabiltzaileentzat.

1.  Ikerketa
Hizkuntzalaritza laborategiak:

Micaela Portilla Ikerguneak hizkuntzalaritzako 2 laborategi ditu eraikinaren 3. solairuan (3.3 eta 3.4 lokalak), eta bakoitzak 88,31 m2-ko azalera du.

  •  "Hizketaren Pertzepzioko Laborategia". Kabina intsonorizatu bat (30,50 m2) esperimentaziorako 8 lanposturekin. Kristalezko itxitura batek banatzen ditu postuak, gela isilera komunikatuta. Gela isilean 2 lanpostu daude, eta kanpoko mostradorea 4 posturako, kabina intsonorizatua kontrolatzeko.
  •  "Hizkuntzalaritza Esperimentaleko Laborategia": 2 Faraday kabina eta 2 kabina akustiko intsonorizatu, 30,50 m2–koak, esperimentaziorako 4 posturako; kabinak bistaz komunikatzen dira gela isilarekin. Era berean, gela isilak 4 postu ditu kabinak kontrolatzeko.
Arkeologiako Laborategiak:

Ikerguneak arkeologiako 4 lokal ditu eraikinaren sotoko solairuan, eta honela daude banatuta:

  •  Arkeologiako materialen harrera (52 m2)
  •  Materialen flotazioa, garbiketa eta lehortzea (96 m2), sarbide zuzena duena eraikineko garajetik.
  •  Arkeologiako materialen biltegiratzea (92 m2)
  •  Laginen prestaketa eta materialen tratamendua (92 m2)

Eraikinaren sotoan aztarna arkeologikoen gordailu bat ere dago, "Flotazioa, Garbiketa eta Lehortzea" lokaleko konketetatik isurtzen den ura gordailu batera doana –eraikinaren gainerako lekuetatik independentea–.

 
2.- Lanerako eta bileretarako gelak, eta ekitaldi aretoa

Ikerguneak hainbat gela ditu bileretarako, lan egiteko, mintegietarako eta emaitzak aurkezteko, baita ekitaldi areto bat ere.
 

Areto mota Edukiera eta Kokapena Ezaugarriak

Ekitaldi aretoa

108 pertsona
Beheko solairuan		 Ikus-entzunezko ekipoa + Ordenagailua
Atrila

5 bilera-gela

 14 pertsona gela bakoitzeko:

- 0.1 eta 0.9 gelak (beheko solairuan)

- 1.8 gela (1. solairuan)

- 2.5 gela (2. solairuan)

- 3.5 gela (3. solairuan)		 Pantaila mugikorra
Arbela

5 langela mintegietarako eta emaitzak aurkezteko

 Beheko solairuan:
- 0.2 gela (40 pertsona)

- 0.3 gela (16 pertsona)

- 0.6 gela (16 pertsona)

- 0.7 gela (40 pertsona)

- 0.8 gela (62 pertsona)		 Ikus-entzunezko ekipoa + Ordenagailua edo Pantaila mugikorra
Arbela

2 langela banakoentzat edo taldeentzat

 Beheko solairuan:
- 0.4 eta 0.5 gelak (24 pertsona)

- 0.10, 0.11 eta 0.12 gelak (20 pertsona)

 Erreserba egin behar izanik gabe, unibertsitateko ikertzaileen artean partekatzeko.
Mahai elektrifikatuak edo idazbesaulkiak

 

Gora

Guneak erreserbatzeko

Ikergunea astelehenetik ostiralera dago irekita, 08:00etatik 21:00etara.

Kontaktu telefonoa: +34 945 01 4003

  • Unibertsitate jardueraren barruan diharduten unibertsitateko langileek honako formularioa bete behar dute. Erreserbak deien ordenari jarraituz finkatuko dira eta Ikerguneko atezaintza arduratuko da eskatutako erreserba email bidez baieztatzeaz edo, hala badagokio, ezertatzeaz.

 

  • Norbere aldetik jokatzen duten unibertsitateko  langileei eta unibertsitatez kanpoko eskatzaileei, aldiz, honako prozedura aplikatuko zaie:
     
Gora

Zerbitzuak

Doktorego Eskola

Doktorego Eskola (DOKe) UPV/EHUren doktoregoko ikasketak kudeatzen dituen ikastegia da. Ikasketa horien bidez doktore titulua eskuratzen da, ikertzaile gisa aritzeko gaitasuna ematen duena.

Ikerketaren arloko errektoreordetza

 Ikerketaren arloko Errektoreordetzaren helburu estrategikoen artean, azpimarratzekoak ditugu bikaintasunean oinarritutako ikerketa garatzea eta ezagutzak sortzeko eta ezagutza horiek enpresei zein erakundeei eskualdatzeko laguntza eskaintzea.


Ikerketaren arloko Errektoreordetzak:

  •  Zientzialari gazteak eta beren ikerketa-lanen emaitzak gizartean txertatzeko bideak jartzen ditu.
  •  Unibertsitatearen eta Gizartearen artean ikerketa-gaietako komunikazioa eta ezagutza hobetzen ditu.
  •  Unibertsitateko ikertzaileek egitasmoetako deialdietan parte hartzeko aukera kudeatzen eta sustatzen du, eta ikerketa-arloko beste erakunde batzuekin lankidetza bultzatzen du.
  •  Unibertsitatearekin lankidetzan jardun nahi duten enpresa eta erakundeei aholkularitza eskaintzen die, eta beren I+G eskaerak eta aholkularitza ikerketa-taldeetara bideratzen ditu. 
  •  Ikerketen emaitzak babesteko eta ondoren ustiatzeko bideak finkatzen ditu, patente eta jabetza intelektualeko objektuen bitartez.
  •  Oinarri Teknologikoa duten Enpresak sortzeko aholkularitza- eta lankidetza-lana eskaintzen du; baita lankidetza estrategikorako sareak sortzeko laguntza ere.