UPV/EHUko Ikasleen Araudian ezarritakoaren arabera, ikasketak eta lan-jarduera uztartu behar dituzten ikasleek, astean 20 ordutik gorako lanaldia badute eta lanaldi hori kanpoko praktiketara joatearekin bateraezina bada, praktiken karteldegia egokitzea eska dezakete. Eskabidea egiteko, egoera hori egiaztatu behar da, honako agiri hauek aurkeztuta:

1. Gizarte Segurantzan alta ematea eta dagokion lan-kontratua, asteko 20 ordutik gorako lanaldia adierazten dueña, eskoletara joatearekin bateraezina den lanaldia.
2. Ikasleak behar bezala sinatutako memoria. Bertan, honako hauek adieraziko dira: lanaldia, kontratuaren iraupena, zein irakasgai edo ikasgaitara joatea ezinezkoa zaion, eta zer irakasgaitara joan ez den.

Eskaerak fakultatearen web orrian eskuragarri dagoen inprimakia erabiliz izapidetu behar dira. Garaiz eta behar bezala egindako eskaerei baino ez zaie erantzungo, epez kanpo bidalitako eskabideak ez dira baloratuko.

Behin baloratuta, ikasleei korreo elektronikoz jakinarazio zaie ebazpena.

Eskaerak egiteko datak:

• Zaintzaren Praktikarako Sarreran matrikulatutako ikaslea (lehen maila): 2024ko martxoaren 11tik 24ra.
• Practicum I (bigarren maila): 2023ko irailaren 25etik urriaren 8ra.
• Practicum IIIan matrikulatutako ikaslea (hirugarren maila): 2023ko azaroaren 6tik 19ra.
• 2024ko urtarrilean (laugarren maila) hasten diren IV. eta V. practicumetan matrikulatutako ikaslea: 2023ko azaroaren 6tik 19ra.