Araudi honek curriculumeko kanpoko praktikak arautzen ditu, Erizaintzako Gradukoak (Leioa) eta Fisioterapiako Gradukoak (Medikuntza eta Erizaintza Fakultatea-UPV/EHU), Universidad del PaísVasco/Euskal Herriko Unibertsitateko ikasleen kanpoko praktikei buruzko arautegia oinarri hartuta (Gobernu Kontseiluak 2019ko uztailaren 12an onartua).

FISIOTERAPIAKO GRADUA

1. Praktikak ikasturtearen barruan egiten dira, praktiken egutegian zehaztutako aldietan.
2. Zentroak era telematikoen bidez (automatrikula) aukeratu behar dira, eta matrikulatzeko ordena hurrengo formula bidez egingo da, Graduko Ikasketen Gestiorako Arautegian aipatzen den moduan, alegia.
3. Ebaluazio sistema kasuan kasuko Irakaskuntza Gidan jasota dago.
4. Praktikaldiaren aurretik, bitartean eta ondoren kontuan hartu beharrekoak:
   • Praktika txanda bakoitzaren hasierako eta amaierako datak mugatuta daude. Fisioterapia Practicuma ezin da ezarritako datetatik kanpo egin; Fisioterapia Practicumeko Batzordeak aparteko egoerak baloratu eta onartuta ondoren, salbuespenak egon daitezke.
   • Ikasleak erantzukizun zibileko asegurua du hirugarrenei sor liezaoikeen kalteengatik.
   • Praktikei buruzko informazio eguneratua Fisioterapiako Graduaren web gunean dago eskuragarri.
   • Fisioterapia Practicumeko Irakaskuntza Gida Fisioterapiako Graduaren web gunean dago eskuragarri.
5. Ikasleen betebeharrak praktikak egingo dituzten zentroan:
   • Ikasleak Fisioterapia Practicumeko Irakaskuntza Gida ezagutu behar du, ezaugarri espezifikoekin eta eskuratu beharreko gaitasunekin.
   • Ikasleak jakin behar du zentroak non dauden.
   • Nahitaezkoa da praktika zentrora joatea: Fisioterapiako Practicuma aurrez aurreko jarduera da, eta ikasleak praktiketara joaterik ez badauka, begiraleari eta Practicumeko Batzordeari jakinarazi beharko die, ahalik eta aurrerapen handienarekin (huts egitea aurreikusi egin daitekeenean) edo ahalik eta azkarren (bat-bateko arrazoiengatik ezustekoa denean huts egitea). Huts egiteak justifikatu egin behar dira eta berreskuratu (egiaztagiria Fisioterapia Practicumari posta elektronikoz bidali: practicum.fisioterapia@ehu.eus).
   • Jantziak: Ikasleak UPV/EHUko jantziak izan behar ditu jantzita praktiketan eta oinetako egokiak. Erakunde bakoitzak bere jarduerarako egokia den beste edozein arropa mota eramatea eskatu dezake. Ikasleak poltsikoko goniometroa eta oharrak hartzeko koadernoa eramango du.
   • Erakundeak ezarritako ordutegia eta egutegia bete beha dira.
   • Isilpean gorde behar dira pazienteen eta erakundearen datuak. Erabat debekatuta dago pazientearen datu pertsonalak edo historia klinikoa erabiltzea, bai eta irudiak eta bideoak hartzea ere. Horrelako datuak erabili nahi izanez gero, baimen agiri bat egin, sinatu eta aurkeztu beharko da.Lanbide-sekretua legezko betebeharra da eta zorrotz bete behar da.
   • Erabiltzailearekin, osasun-taldearekin eta langileekin harremanak elkarrekiko errespetuzko jarreraz zuzendu behar dira.
   • Mugikorra ezin izan da praktika zentroan erabili.
6. Praktikak hasi aurretik:
   • Praktika zentro bakoitzean, ikasleei hainbat dokumentu eskatu ahal izango dizkiete, eta ikasleak nahitaez bete eta entregatu beharko ditu praktika zentroan praktika klinikoak egin ahal izateko.