KIFADOSSIOA
Elementu kimiko berri bat sintetizatzea lortu da Kimika Fakultatean! Urte eta pertsona askoren lanari esker lortu da elementu berri hau, Kifadossioa (Kimika Fakultatea Donostia San Sebastian, io atzizkia). Fakultateko kide guztien ekarpenari esker, ikertzaile, irakasle, ikasle, teknikari eta administrazio langileei esker, lorpen garrantzitsu hau gauzatu da, auzolanean eta elkarkidetzan. Modu berezian aurkitutako elementu honek propietate bereziak izan behar zituen, noski. Jarraian argitzen dira:
- Sinbolo atomikoa: Kf
- Zenbaki atomikoa: 50, Fakultatearen adina.
- Masa atomikoa: 1000, Fakultatean lan eta ikasten duten pertsona kopurua.
- Balentziak:
2: Fakultatean atxikitutako bi Nobel saridun
4: Fakultatetik jaiotako ikerketa zentroak
7: Fakultateko Euskadi Ikerkuntza Sariak.
- Elektronegatibitatea: 300 (artikulu zientifiko urtean)
- Ionizazio potentziala eta afinitate elektronikoa: 151-200 (Shangai ranking-a)
Propietate hauek egiten dute gure #Kifadossioa elementu berezi eta maitatua. Hori dela eta, gure 50. Urteurreneko ospakizunen sinboloa.