Mugikortasun eta dibulgazio diru-laguntzen deialdia
III. MODALITATEA: Nazioarteko ikerketa-proiektuetan parte hartzea sustatzea
Deialdi honen helburua da UPV/EHUk nazioarteko ikerketa-partzuergoetan (bereziki Horizonte Europa) eta nazioarteko sare, plataforma eta elkarteetan parte har dezan sustatzea.
Nork eska dezake laguntza?
- UPV/EHUri modu iraunkorrean lotutako langile doktore funtzionarioak edo lan-kontratudunak.
- Zientzia, Teknologia eta Berrikuntzari buruzko 14/20211 Legearen 23. artikuluaren modalitatean kontratatutako langileak (ikertzaile prestuak).
- Ramón y Cajal programako langile kontratatuak
- UPV/EHUn lehen mailako atxikipena duten Ikerbasque programako langileak
- UPV/EHU-CSIC zentro mistoetako doktore atxikiak
- Unibertsitateko ospitaleetako irakaskuntza-unitateetako irakasle laguntzaileak, irakasle laguntzaile doktoreak eta irakasle elkartu doktoreak.
Izaera, laguntza-modalitateak eta gehieneko zenbatekoa
Laguntzek UPV/EHUko langileen bidaia-, ostatu- eta mantenu-gastuak eta/edo 2023ko urtarrilaren 1etik abenduaren 31ra edo deialdi berria argitaratu arte egindako jarduerei dagozkien aholkularitza-gastuak finantzatuko dituzte soilik.
Laguntza horiek bateraezinak dira helburu bera duen beste edozein dirulaguntzarekin.
Eskaera guztiak e-mailez bidaliko dira helbide honetara: proyectoseuropeos@ehu.eus. Eskaera aurkeztu ondoren, eta Nazioarteko I+G Bulegoaren oniritzia jaso ondoren, "Justifikazioa" atalean zehaztutako baldintzetan jaso ahal izango du laguntza.
A MODALITATEA. Aholkularitzarako laguntza.
- A1 modalitatea. 3.000 €arte, UPV/EHUk koordinatutako proposamenak prestatzen eta aurkezten lagunduko duten aholkularitza-zerbitzuak kontratatzearen kostua laguntzeko (bereziki, Horizonte Europa).
- A2 modalitatea. 1.500 €arte, UPV/EHUk koordinatu gabeko proposamenak prestatzeko eta aurkezteko aholkularitza-kontratazioaren kostua laguntzeko.
Eskaera egiteko behar den dokumentazioa:
- Nazioarteko I+G eskaera formularioa
- 3 aholkularitza-enpresaren aurrekontua, hautatutakoa adierazten duen lana egiteko. Aholkularitza-enpresaren kontratazioa Kontratuen Legearen arabera egin beharko da; beraz, 3 aurrekontu eskatzen ez badira, behar bezala arrazoitu beharko da.
- Ikertzaile eskatzailearen curriculuma
Justifikazioa
- Nazioarteko I+G laguntzaren justifikazioa inprimakia bete eta bidaltzea proyectoseuropeos@ehu.eus helbidera. Bertan, aholkularitza-fakturaren zenbatekoa adieraziko dute, jatorrizko fakturarekin batera.
- Fakturak UPV/EHUren izenean egon behar du (IFK: Q4818001B, Sarriena auzoa sn, 48940 Leioa).
B MODALITATEA. Bidaietarako laguntza.
Honako jarduera hauek lagunduko dira:
- B1 modalitatea. UPV/EHUk koordinatutako proposamen bat (bereziki, Horizonte Europa) aurkeztea helburu duten nazioarteko prestakuntza-bileretan parte hartzea: 3.500€ gehienez proposamen bakoitzeko.
- B2 modalitatea. UPV/EHU onuraduna (bereziki Horizonte Europa) den proposamen bat aurkezteko helburua duten nazioarteko prestakuntza-bileretan parte hartzea: 1.900€ gehienez proposamen bakoitzeko.
- B3 modalitatea. UPV/EHUrentzat interesgarriak diren l+D+i-ko estrategia kolektibo sektorialak bultzatzen dituzten nazioarteko plataforma teknologikoen eta sare eta elkarteen bileretan parte hartzea: 1.900€arte akreditatutako kide bakoitzeko.
- B4 modalitatea. Infodayetan parte hartzea (erakunde ofizialek antolatuak): gehienez 1.400€ ikerketa-talde bakoitzeko.
Bidaia-gastuak zerbitzu-kalte-ordainen eta ordezkaritza-gastuen araudira egokitu beharko dira. Nazioarteko ostatu- eta mantenu-gastuek ezin izango dituzte gainditu araudiaren II. eranskinean herrialde bakoitzeko jasotzen diren gehieneko kopuruak.
Eskaera egiteko behar den dokumentazioa:
- Nazioarteko I+Grako eskaera-inprimakia, behar bezala beteta, bidaia-kostuen zenbatespen bat barne.
- Sail edo Institutuko zuzendariaren dagokion lizentzia
- Gonbidapen edo izen-emate gutuna
- Ikertzaile eskatzailearen curriculuma
- Hiru bidaia-agentziaren aurrekontua, hegaldiak eta ostatua izapidetzeko. Nazioarteko I+G Bulegoaren oniritzia jaso ondoren eta agentziaren kargua hartzeko oganika adieraziko du.
Justifikazioa
- Gastuak IZAPIDE bulego birtualaren bidez aurkeztea (eskabidean Nazioarteko I+G Bulegoaren organo bat sartuko da, eta une egokian adieraziko dizugu).
- Nazioarteko I+G laguntzaren justifikazioa inprimakia bete eta bidali proyectoseuropeos@ehu.eus helbidera. Bertan, laguntzaren xede den jarduerari buruzko txosten labur bat jasoko da.
Bazterketak
- UPV/EHUkoak ez diren langile-gastuak ez dira finantzatuko.
- Araudiaren zenbatekoak gainditzen dituzten ostatu- eta mantenu-gastuak ez dira finantzatuko.