1.1. helburua: Enplegagarritasuna sustatzen duten gaitasunak garatzen laguntzea

Baldintza egokiak sortzea ikasleek eta tituludunek tituluen gaitasunak eremu profesional errealetan gara ditzaten, enplegagarritasuna sustatzeari begira.

Ekintzak

1.1.1. Kanpoko praktika akademikoak eta egonaldiak indartzea erakunde laguntzaileetan (publikoak, pribatuak eta gizarte erakundeak), tituluaren zeharkako gaitasunen eta gaitasun espezifikoen garapenarekin burutuko diren prestakuntza proiektuen bidez, hainbat kolektibo eta egoeratarako:

• Estatuko erakundeetan diharduten ikasleak.
• Nazioarteko testuinguru profesionaletan ari diren ikasleak.
• Desgaitasunen bat duten ikasleak, estatuko eta nazioarteko erakundeetan.
• Estatuko eta nazioarteko testuinguru profesionaletan diharduten tituludunak, horretarako sortutako programa espezifikoen baitan.

1.1.2. Ikasketa Amaierako Lanen (GRAL, MAL, doktorego tesiak) garapena sustatzea, erakunde laguntzaileetan, eragileengan inpaktu positibo bat eragingo duten proiektu berritzaileak garatzeko: unibertsitatea (ikasleak-irakasleak), erakunde laguntzailea eta gizartea.

1.1.3. Unibertsitate prestakuntza duala sustatzea graduetan eta masterretan.

1.1.4. Ikasleak egonaldietan edo kanpoko praktiketan laguntzen eta orientatzen dituzten erakunde laguntzaileetako tutoreak trebatzea, unibertsitateko tutorearekin koordinatuta.

1.1.5. Hobekuntzak kudeatzea eta ezartzea ikasleen kanpoko egonaldiak eta praktikak erregistratzen diren aplikazioetan, erakundeen eskaintzak grabatzea eta eragileek eskaintza horiek ebaluatzea errazteko.

1.2. helburua:  Zeharkako gaitasunak bultzatzea

Ikasleen eta tituludunen enplegagarritasunari lotutako zeharkako gaitasunen garapena bultzatzea.

Ekintzak

1.2.1. Koordinazio horizontala eta bertikala indartzea zeharkako gaitasunak garatzeko titulazioaren baitan.

1.2.2. Prestakuntza osagarriko ikastaroak eskaintzea, UPV/EHUren Zeharkako Gaitasunen Katalogoak zehaztutako gaitasunei loturikoak, graduko azken mailetako eta masterretako ikasleei.

1.2.3. Enplegu baliabideei buruzko online prestakuntza modulu bat diseinatzea eta inplementatzea (CV, aurkezpen gutuna, elkarrizketa, enplegua bilatzeko atariak…) graduko ikasle guztientzat, titulazioaren nahitaezko irakasgai baten baitan* (aldez aurretik erabakiko den ordu kopuru batekin).(EUP: Enplegurako Unibertsitate Prestakuntza).

1.2.4. Lankidetza kanpoko erakundeekin eta hainbat titulaziotako ikasleekin, lankidetza proiektuetan oinarritutako metodologien bitartez, ikasleen ahalduntzea indartzeko.

1.2.5. Zeharkako gaitasunei buruzko prestakuntza eskaintzea EHUalumni sareko kideei.

* Aurretik, ikastegietan hitzartu beharko litzateke, graduko tituluen arduradunekin batera, zer irakasgai den egokiena enplegurako baliabideak integratzeko.Modulua diseinatuko lukete online ikastaroen diseinuan espezializatutako pertsonek, eta online atazak eta ebaluazio automatikoa izango lituzke. Hala, irakasle-ikertzaileen esku egongo lirateke ikastaroa eta moduluaren kalifikazio automatikoa.