2006-2007 ikasturtean egindako 3. hitzaldi-ziklo honetan, egungo nazioarteko agendaren alderdi nagusietako batzuk aztertu ziren. Ikastaroaren bidez, eztabaida espezializaturako esparrua zehaztu, eta analisirako elementuak eman nahi ziren, XXI. mendearen hasierako mundu konplexu hau hobeto ulertze aldera.

Nazioarteko Ikasketen Katedrak eta Nazioarteko Lankidetza Deszentralizatua: Bakea eta Garapena Masterrak antolatu zuten mintegi hau, Euskal Energiaren Erakundearen laguntzaz. Energia eta garapenerako lankidetza arloan, prestakuntza-bide bat ireki nahi da. Lankidetzaren munduan diharduten eta beren prestakuntza teorikoa eta praktikoa osatu nahi duten pertsonei eskaintzen zaie; izan ere, etorkizunean, interes handikoa izan daiteke beren lanetan.

Tshimpanga Matalak, Nazioarteko Harremanetako irakaslea Lubumbashiko Unibertsitatean, Kongoko Errepublika Demokratikoaren krisiak nazioartean duen eragina azaldu zuen.

Estrasburgoko Giza Eskubideen Nazioarteko Institutuko kide eta AEDIDHko presidente Carlos Villan Durán jaunak Nazio Batuetan sortutako kontseilu berria aztertu zuen. Antolatzaileak: CEINIK eta UNESCO Etxea.

Carmelo Angulo diplomazialariak XXI. mendeko diplomaziaren erronkak izan zituen hizpide. Mintegia batera antolatu zuten Katedrak eta Nazioarteko Lankidetza Deszentralizatua: Bakea eta Garapena Masterrak. 

Ikastaro honetan, Afrika eta bertako errealitatea ongi ezagutzen duten estatuko eta nazioarteko adituak bildu ziren. Nazioarteko Ikasketen Katedrak eta Nazioarteko Lankidetza Deszentralizatua: Bakea eta Garapena Masterrak antolatu zuten batera.

Limako Unibertsitateko irakasle Oscar Murillok Peruko azken urteotako egoera politiko gorabeheratsuari buruz hitz egin zuen.