Ekonomia eta Berrikuntzaren Kudeaketa Gela 2011n sortu zen Ekonomia eta Enpresa Fakultatean (antzinako Ekonomia eta Enpresa Zientzien Fakultatean), Tecnalia Research & Innovation, UPV/EHU eta fakultatearen arteko hitzarmena oinarri, eta helburu dauka ikaskuntza aurreratua sustatzea eta hedatzea, eta ekonomiaren eta berrikuntzaren kudeaketaren arloko ikerketarekiko interesa piztea.  

Jarduerak honako hauen bidez burutuko dira:

► Irakaskuntzaren arloko lankidetza eta ikaskuntza guneak praktiketan.

► Ekonomiaren eta berrikuntzaren kudeaketaren arloko gradu amaierako lanak, master amaierakoak eta doktorego tesiak bultzatzea, bi aldeen interesekoak.

► Ikerketa programak eta proiektuak

► Ikerketa zientifiko eta teknikorako azterketa zehatzak, fakultateko eta Tecnaliako kideekin lantalde mistoak osatuta.

► Informazio zientifiko eta teknikoa erabiltzeko elkarrekikotasuna.

► Lankidetza programak ikasketetarako, esperimentaziorako, ekintzailetza jarduerak sustatzeko eta enpresak sortzeko lanerako metodo berriak erabilita.

► Lankidetzako ikerketa guneak: gelan egiten den ikerketaren emaitzak elkarrekin argitaratzeko taldeak eta gaiak.

► Ikaskuntza tailerrak, saio irekiekin, gaietan sakontzeko, gainbegiratzeko eta trukerako.

Ekonomia eta Enpresa Fakultateko dekanoaren idazkaria:

secretaria-decano.fee@ehu.eus