Egungo Euskararen Hiztegia (EEH)

pieza 1 iz tresna edo makina batean alda daitekeen atala. ik peza.

Makinak ez du balio bere helburua betetzeko, harik eta mekanismoaren azken pieza bere lekuan jartzen zaion arte. Irene Aldasoro «Giza gorputza lanean» - John Lenihan, 2006 - 269. orr.

Makina batean ezarrita zegoen pieza bati so gelditu ziren. Pablo Sastre «Elurretan hotsak», 2004 - 15. orr.

Sarri, autoen piezak askatzen izaten dugu lanik handiena. Berria - Gaiak 2004-07-01

Gurpilak eta pinoiak limaz egokitzen genituen, eta piezak ez ziren trukagarriak. Pablo Sastre «Eguzkipekoak», 2003 - 129. orr.

[Fabrikan] piezei lehen leundua ematen zaie, beste enpresa batzuetarako. Eskarne Mujika «Atzo» - Agota Kristof, 2004 - 44. orr.

Niri dagokidanez, zulo bat egiten diot pieza jakin bati, beti zulo bera pieza berean hamar urtez. Eskarne Mujika «Atzo» - Agota Kristof, 2004 - 44. orr.

Behin bizikleta bat, piezetan, ekartzea lortu zuten, bizikleta burdinazko bat, beltzez pintatua. Felipe Juaristi «Airezko emakumeak», 2003 - 265. orr.

Pieza asko egiten ditugu baina ez dira hemen muntatzen. Berria - Ekonomia 2004-11-09

Landabengo enpresak 900 langile ditu eta Volkswagentzat ere egiten ditu piezak. Berria - Ekonomia 2004-08-26

1940ko hamarkadan Mark I izeneko makina bat egin zuen IBMn lan egiten zuen Harvard-eko ingeniari batek: 16 metro luze, 3 metro garaiera, milioi bat pieza, 850 km hari. Pello Salaburu «XX. mendearen argi-itzalak», 2001 - 99. orr.

2 (izenondo eta izenlagunekin)

Irakurleari kartak erakustea, hala nola erlojugile trebeak mekanismoaren pieza txikerrak agerian jartzen baititu langile mutilaren aurrean. Javi Cillero «Hollywood eta biok», 1998 - 9. orr.

Dorreko esku-eskaileretatik igo eta, erloju-gelara iristean, tresnaren aurrean geratu ziren; tresna zaharrak ziren, pieza lodiz eginak. Koldo Biguri «On Camillo» - Giovanni Guareschi, 2001 - 287. orr.

Pieza erraldoi bat zerabilen hortik hara gruak. Pablo Sastre «Elurretan hotsak», 2004 - 15. orr.

Automobilendako pieza osagarriak. Aingeru Epaltza «Rock'n'roll», 2000 - 348. orr.

Fabrikan pieza solteak egiten dira. Eskarne Mujika «Atzo» - Agota Kristof, 2004 - 44. orr.

-Burdinazko piezak egiteko makina bat. Jon Maia «Riomundo», 2005 - 127. orr.

Pieza metaliko bat erori eta kalte larriak eragin ditu Navalen gasontzian. Berria - Ekonomia 2006-02-15

Volkswagen, Ford eta Suzuki bezalako enpresentzat egiten dira hor beribil-pieza hidraulikoak. Herria 2003-03-10

Nire kezkak, ordezka-ezinezko piezaren bat norbaitek ostu ote lezakeen edo, ez du Herbert den mendrenik ere ikaratzen. Joxe Austin Arrieta «Homo Faber» - Max Frisch, 2001 - 253. orr.

Prozesaketaren fase bakoitzak behar duen tresneriaren pieza espezializatu guztiak zehaztuz. Irene Aldasoro «Giza gorputza lanean» - John Lenihan, 2006 - 190. orr.

3 irud/hed

Hirurehun pieza ezberdinetan desmuntatu eta berrehun kutxatan sartu behar izan zuten berrehun eta hogeita bost tonako estatua. Harkaitz Cano «Belarraren ahoa», 2004 - 17. orr.

Akordio horren bitartez, A380 hegazkinaren fuselajeko pieza handiak egingo ditu Arabako enpresak. Berria - Ekonomia 2004-01-18

Ibarra besamotzak pieza garrantzitsua izan behar zuen euskaldunen isilpeko makinerian. Alberto Ladron Arana «Eguzki beltzaren sekretua», 2004 - 54. orr.

Kontuak kontu, antzerkian eta bizitzan, pertsonaia interesgarria ez da pieza batekoa. Juan Garzia «Hamlet» - William Shakesperare, 2002 - 10. orr.

Falta zen pieza da, gaixotasunaren mekanismoak bateratzen baititu gorputzeko hainbat ehunetan. Berria - Gaiak 2004-10-15

4 xakean eta kideko jokoetan, mugitzen diren osagaietako bakoitza.

Ez nintzen nekatzen zurezko pieza pitzatuak lauki zuri-beltzeko zelai mugatuan barrena mugitzeaz. Alberto Ladron Arana «Xake mate», 2002 - 19. orr.

Xake joko bat muntatu nuen, xake taula orrialde batean marraztuz eta piezak ogi mamiz eginik. Filipe Bidart «Bakartasunaz bi hitz», 2004 - 92. orr.

Joko-taula prest zagok, eta piezak mugitzen hasita. Agustin Otsoa «Eraztunen Jauna III» - J.R.R. Tolkien, 2004 - 30. orr.

Hiru pieza mugituz, xake matea egiten ahalegintzen da hura; gu aurrea hartzen saiatzen gara. Koro Navarro «Zortzi kontakizun» - Isaac B. Singer, 2002 - 53. orr.

Pieza zurien atzean beste ate bat ikusten zuten. Iñaki Mendiguren «Harry Potter eta Azkabango presoa» - J.K. Rowling, 2002 - 254. orr.

Pieza beltzekin jokatzen zuen jokalari alemanak bere erregina mugitu zuen. Alberto Ladron Arana «Xake mate», 2002 - 20. orr.

Erregeari buruz xake jokoko pieza nagusia zela erran zidan. Alberto Ladron Arana «Xake mate», 2002 - 96. orr.

Bi aldiz aztertu behar izan nuen jokaldia, piezaz pieza eta laukiz lauki aztertu ere. Alberto Ladron Arana «Xake mate», 2002 - 35. orr.

-Gu xakeko piezak izan beharko dugula pentsatzen dut -esan zion Ronek. Iñaki Mendiguren «Harry Potter eta Azkabango presoa» - J.K. Rowling, 2002 - 254. orr.

Haien begietan ni peoi ziztrin bat baizik ez nintzen, pieza ttipia, anitzetan trabagarri gertatzen den pieza ezdeusa. Alberto Ladron Arana «Xake mate», 2002 - 32. orr.

Hala ere, xake-pieza zaharrak ez ziren eragozpen bat. Iñaki Mendiguren «Harry Potter eta Azkabango presoa» - J.K. Rowling, 2002 - 179. orr.

5 multzo edo osotasun homogeneo bat osatzen duten mota bereko osagai bereizia. ik atal.

Mosaikoaren piezak nolako, mosaikoa ere halako, egia da. Anjel Lertxundi «Mentura dugun artean», 2001 - 101. orr.

Banan-banan hartuta, mosaiko bateko pieza bakar baten garrantzia zeukaten: hutsala. Fernando Morillo «Gloria Mundi», 2004 - 22. orr.

Pieza asko ditu alargunaren puzzleak. Imanol Zurutuza «Errautsera arteko sugarra», 2002 - 21. orr.

Buruhauskarriaren piezek antolaera anitz onartuko balute bezala. «Kuskue tanden», 2004 - 156. orr.

Zein erraz uztartzen diren zenbaitetan puzzlearen piezak. Imanol Zurutuza «Errautsera arteko sugarra», 2002 - 113. orr.

"Pieza gehiegi dauzka puzzle honek" pentsatu zuen argazki zatiak mahai gainean zabaldu zituenean. Joxemari Urteaga «Ordaina zor nizun», 2001 - 176. orr.

Puzzle handi baten piezak gara, eta Ministro xume batek dozena erdi pieza baizik ez ditu ikusten ahal. Jon Alonso «Euskal karma», 2001 - 119. orr.

Lehen urte honetan, gorpuzkinak garbitu, eta eskeletoak eta kontserbatutako piezak zehaztea izan dela lan nagusia. Berria - Harian 2006-03-22

Mahaia prestatzen ari zen afarirako eta gurasoen arreoko zilarreriaren piezei banan-banan distira ateratzen. Anjel Lertxundi «Ihes betea», 2006 - 13. orr.

Arretarik handienaz haren artxibo partikularra arakaturik, honako pieza hauez osatua dela egiaztatu dut: [...]. Juan Garzia «Ipuin hautatuak» - Jorge Luis Borges, 1998 - 34. orr.

Borgesen ironia ez datza bakarrik idazketa eta keinuetan, baizik eta piezen osotasunean bertan ere. Juan Garzia «Ipuin hautatuak» - Jorge Luis Borges, 1998 - 13. orr.

Gure herri-poesiatik salbatzen zuen pieza bakarra honako kopla zahar xume hau zen. J. Garzia / A. Egaña / J. Sarasua «Bat-bateko bertsolaritza», 2005 - 22. orr.

Esan zezakeen, esate baterako, beste aforismo batzuen gaineko aforismoak direla liburu honetako pieza gehienak: meta-aforismoak. Joxerra Garzia «Egonean doazen geziak», 2000 - 9. orr.

Piezaz pieza osatzen duk bilduma. «Loroaren teorema» - Denis Guedj, 2006 - 454. orr.

Ez zeuden oraindik erabat biluzik, azken pieza intimoa jantzirik zuten, emakumeak bularretakoa ere kendu gabe zeukan. Jon Alonso «Lisboako Setioaren Historia» - José Saramago, 2000 - 347. orr.

Baina Napumoceno jaunaren bulegoko pieza nagusia, dudarik gabe gela dominatzen zuena, idazmahaia zen. Bego Montorio «Napomuceno da Silva Araujo jaunaren testamentua» - Germano Almeida, 2003 - 68. orr.

Belarritakoak, eraztunak eta horrelako beste pieza batzuk aurkitu ditugu hilobi batzuetan. Berria - Gaiak 2004-08-05

6 (hitz elkartuetan bigarren osagai gisa)

Nire Lego-pieza guztiak kartoizko kaxa batean bildu eta Gabriel lehengusu txikiari eman nizkion. Jesus Mari Mendizabal «35 kilo esperantza» - Anna Gavalda, 2004 - 52. orr.

Afaltzeko yogur bat eta fruta-pieza bat ematen diogu, besterik ez. Xabier Mendiguren Elizegi «Arima enkoniatuak», 2006 - 132. orr.

Jada altzari-pieza gehienak, astunenak, igoak zituzten eramaileek, tarteka puxka txikiagoak ere bai. Eduardo Matauko «Emakume ezezagun baten gutuna» - Stefan Zweig, 2005 - 13. orr.

7 (artilleriakoak)

Artilleriako 347 pieza ere badira, hogei mila balarekin. Edorta Jimenez «Sukar ustelaren urtea», 2004 - 161. orr.

101,2ko 3 pieza eta 47,6ko 2 zituen, 86 lagunek osaturiko eskifaiak maneiatuak. Edorta Jimenez «Kilkerren hotsak», 2003 - 239. orr.

Artilleria pieza haietako baten itzalpean atondua nuena,bere benetako zereginerako utzi behar izan nuen, ontzian beste askok bezala. Edorta Jimenez «Sukar ustelaren urtea», 2004 - 137. orr.

8 oihal, ehun edo kideko zerbaiten zatia, osotasun bat osatzen duena.

Elizaren muturra oihal pieza ikaragarri handiek apaintzen zuten, dilindan eta hegan, ia lehenbiziko estaitik espaloiraino. Karlos Zabala «Parisen sabela» - Emile Zola, 2004 - 259. orr.

Ingalaterrako oihal piezak, zetazkoak eta lihozkoak gehienak. Felipe Juaristi «Itzarri nahi ez zuen printzesa», 2002 - 52. orr.

Fabrikako sala luze eta estuak iruteko makinaz, ehundegi mekanikoz eta lurrun-motorrez bete zituen, egunean bost mila oihal-pieza ekoizteko helburuarekin. Iban Zaldua «Gezurrak, gezurrak, gezurrak», 2001 - 101. orr.

· Horma-irudia metro eta erdi luze eta metro bat zabal da; pieza bakarrekoa. Monika Etxebarria «Goragalea» - Jean Paul Sartre, 2003 - 183. orr.

Biltzen ninduen zerrenda edo xingola pieza-bakarra zela bururatu zitzaidan. Koro Navarro «Kontakizunak» - Edgar Allan Poe, 2000 - 110. orr.

9 zati bereizia.

SC idazkia pieza bakar bezala agertzen da berez, atalburuetan banatu gabe. Askoren artean «Asisko Frantzizko, Asisko Klara», 2002 - 911. orr.

Metalezko pieza bat, gainazal leuna grabatuta zuena. «Kuskue tanden», 2004 - 100. orr.

Tornuzilean finkatutako metal pieza bat grabatzen ari zen, esku batean zizela eta bestean mailua hartuta. «Kuskue tanden», 2004 - 107. orr.

Arrain eta haragi piezak platerean gerora zerbitzatuko diren tamaina eta forman ebakita. Edorta Agirre «Baietz okerreko bidea aukeratu! », 2006 - 63. orr.

10 musika lan laburra baina beste baten zatia ez dena.

Zergatik ez diguzu pieza bat jotzen, David? Bernardo Atxaga «Soinujolearen semea», 2003 - 9. orr.

Soinujoleak Nik banuen kamarada bat piezari ekin zion. Anjel Lertxundi «Ihes betea», 2006 - 11. orr.

Hari ikasi zizkion aurreneko piezak, eta oraindik ere haren piezak jotzen ditu inoren aurrean nabarmendu nahi duenean. Xabier Etxabe «Lurtarra da begiratua», 2004 - 134. orr.

Galga malenkoniatsu hori lortu ezinik gelditzen nintzen Schumannen pieza batzuekin. Anjel Lertxundi «Zorion perfektua», 2002 - 9. orr.

Sarriegik bi pieza ondu zituen, "Euskal-Billera" eta "Sporti-Clay" izenekoak, izen bereko erakundeentzat. Askoren artean «Rataplan» - 82. orr.

Goiezutako bandaren pieza zahar bat ikasi berria dugu Leitzan, Fermin Tolatxenekoaren belarri finari esker. Patziku Perurena «Trapuan pupua», 2001 - 228. orr.

Horrelakoa izan zen piano, klarinete eta biolarako pieza. Berria - Kultura 2004-04-01

Orkestinako tronpeta-joleak pieza ospetsu bat iragarri zuen mikrofonotik. Bernardo Atxaga «Soinujolearen semea», 2003 - 364. orr.

Baltsa jo, tangoa jo edo pasodoblea jo, baserritarrek antzera samar egiten zuten dantzan pieza edozein izanda ere. Xabier Etxabe «Lurtarra da begiratua», 2004 - 51. orr.

Lau bat ordu behar izan zituzten dozena erdi bat pieza grabatzeko. Iñigo Aranbarri «Sakabi, soinu txikiaren handitasuna», 2003 - 60. orr.

Elgetak soinuari bi botoi erantsita lortu zuen dantza lotuko pieza asko jo ahal izatea. Iñigo Aranbarri «Sakabi, soinu txikiaren handitasuna», 2003 - 55. orr.

Modako piezak, helduta dantzatzeko pasodobleak, tangoak, txotisak eta abarrak. Pako Aristi «Gelatxo, soinuaren bidaia luzea», 2001 - 30. orr.

Agintariek soinu-jotzaileak zigortzea ere eguneroko kontua zen erromerietan, helduko piezak jotzen zituztela eta. Xabier Etxabe «Lurtarra da begiratua», 2004 - 66. orr.

Ikusirik nola musika pieza horiek donostiar guztiak elkartzen dituzten. Askoren artean «Rataplan» - 84. orr.

11 (hitz elkartuetan lehen osagai gisa)

Pieza sorta zabala baldin bazuen ikasle ona zelako zen. Iñigo Aranbarri «Sakabi, soinu txikiaren handitasuna», 2003 - 54. orr.

12 (hitz elkartuetan bigarren osagai gisa)

Musika-pieza landuak gogoratzeko eta ikasteko. Xabier Olarra «Antropologo bat Marten» - Oliver Sacks, 2003 - 79. orr.

Beste dantza-pieza bat hasi zen segidan. Anjel Lertxundi «Argizariaren egunak», 1998 - 54. orr.

Urola bailaran garai bateko erromerietan jotzen ziren trikiti pieza zaharrak berreskuratu eta grabatu dituzte. Berria - Kultura 2004-03-19

13 arte lana.

Joan behar zuen egunen batean San Telmo museora, pieza hura ikustera. «Kuskue tanden», 2004 - 108. orr.

Horretarako balio ezean, museoko pieza bitxi alferrikakoa baino ez da hizkuntza. Joxerra Garzia «Itsasoan euri», 2003 - 0. orr.

14 antzerki lana.

Leandro eta izenik ezagutzen ez diodan emakume pinpirin bat irten dira jantokiaren erdira, eta pieza labur bat jokatu dute han bildutakoon entretenigarri. Anjel Lertxundi «Konpainia noblean», 2004 - 191. orr.

Goizean, Joko-Moko, burrasoen antzerki tropak, "Jostagailuak" pieza emanen du Haritz Barnen, Agnes Arruebarrenak idatzirik. Herria 2005-06-30

Bunin-en pieza bat jokatu behar dute arratsaldeko bostetan: The dark alley. Edorta Jimenez «Europako mugetan barrena», 2000 - 263. orr.

Pieza bat dute batzuek begiz jota; bizpahirurekin jokatzen dute beste hainbatek; helburu jakinik gabe, ondo pasatzea beste xederik ez du zenbaitek. Xabier Mendiguren Elizegi «Uda betiko balitz», 2003 - 57. orr.

15 metalezko dirua.

Bost zentimoko txanpon baten bila hasi nintzen Friedeli deitzeko, baina berrogeita hamarreko pieza bat eta bi dolarreko txartela baino ez nituen aurkitu. Koro Navarro «Zortzi kontakizun» - Isaac B. Singer, 2002 - 111. orr.

Urre eta zilar piezak erakutsiz, planoekin batera. Felipe Juaristi «Itzarri nahi ez zuen printzesa», 2002 - 109. orr.

16 ordezko pieza ik ordezko 9.

hitz multzoen maiztasunak (gutxienez 3 aldiz agertzen direnak)

burdinazko pieza (3); instrumento hutsezko pieza (4); izeneko pieza (8); jazz pieza (3); jotako pieza (3); metalezko pieza (5); metalezko pieza bat (3); museoko pieza (4); musika pieza (9); ordezko pieza (3)

pieza bakar (4); pieza bakarra (8); pieza bakarreko (7); pieza barrien (3); pieza bat egin (3); pieza bat falta (4); pieza bat hartu (3); pieza bat jo (3); pieza bat jotzen (5); pieza bat mugituz (4); pieza bat mugitzen (3); pieza bati ekin (3); pieza beltzen (3); pieza bera (5); pieza berri (6); pieza berria (6); pieza berriak (15); pieza bitxi (3); pieza bukatu (3)