Egungo Euskararen Hiztegia (EEH)

mundu 1 izatea duten eta izan duten gauza guztien multzoa. ik unibertso.

Aditu zien cherokee-ei, munduaren hasiera eta amaiera azaltzen. Anton Garikano «Maitea» - Toni Morrison, 2004 - 160. orr.

Mundua mundu denetik hor egon da ekonomiaren eta ekologiaren arteko bateratasunaren arazoa, izan. Iñaki Heras «Txanponaren bi aldeak», 2003 - 307. orr.

Mundua mundu denez geroztik jakin nahi izan du gizakiak nola ibiltzen diren herraturik alderrai horiek. «Loroaren teorema» - Denis Guedj, 2006 - 174. orr.

Kristo mundua mundu izan aurretik zegoen Jainkoaren asmotan. distira urrun, hits eta gorrixka zuen, arratsaldeko azken ordukoa, edo munduaren azken ordukoa bezalakoa. Elizen arteko biblia 1 P 1,20

Hara, ni zuekin nauzue munduaren azkenera arte. Askoren artean «Asisko Frantzizko, Asisko Klara», 2002 - 121. orr.

-Munduaren amaiera da hau! Josu Zabaleta «Gerrako pilotu» - Antoine Saint-Exupéry, 2003 - 98. orr.

2 Lurrarekin erkatzen den zernahi argizagi.

Gizona ez litzateke adimen zorrotzekoa beste munduetan jendea bizi denik sinetsiko ez balu. Josu Zabaleta «Fantasiazko ipuinak» - Guy de Maupassant, 2000 - 387. orr.

Beste munduetatik etorririko zelula geldi eta dirdiratsuak. Jon Alonso «Lisboako Setioaren Historia» - José Saramago, 2000 - 216. orr.

Egia da inguruan hotsak aditzen direla, baina beste mundu batekoak dira. Jon Alonso «Lisboako Setioaren Historia» - José Saramago, 2000 - 270. orr.

Garrasiak iristen ziren urrutiko mundu batetik. Anton Garikano «Farorantz» - Virginia Woolf, 2001 - 169. orr.

Beste mundu bateko izakiren baten agerpenaz ari zarela ematen du haren gainean hitz egiten duzunean. Oskar Arana «Brooklyngo erokeriak» - Paul Auster, 2006 - 98. orr.

Erraiten ditek ezen Indietan dagoela mundu berria, baina bada unibertsoan mundu berri gehiagorik: izan ere, planeta bakoitza duk mundu berri bat, eta izar bakoitza, orobat. Joan Mari Irigoien «Lur bat haratago», 2000 - 115. orr.

3 unibertso txiki baten osatzailetzat hartzen diren gauzen multzoa; nolabait ezaugarritzen den gizadi edo gizarte zatia. ik mundutxo.

Hura bezalako komisaria bateko mundu txikian. Iban Zaldua «Etorkizuna», 2005 - 101. orr.

Baina musikaren mundu akademikoak ez zion jaramon handirik egin, hots zakarrekoa eta tonalitate mugatukoa zelako. Koldo Izagirre «Elgeta, sasiaren sustraiak», 2001 - 9. orr.

Hori dela-eta, bi mundu bezala ginen, edo, zehatzago esanda, haiek ziren mundua, eta ni haien artean ibili ohi zen izaki arrotz bat. Xabier Mendiguren Elizegi «Arbelaren gainean», 2004 - 90. orr.

Idazle hauen mundu sinbolikoak eta hizkerak Biblian du bere iturri aberatsena. Askoren artean «Asisko Frantzizko, Asisko Klara», 2002 - 17. orr.

Nire mingainaz amaren gorputz osoa ari nintzela miazkatzen, pozoiz kutsatu nahiko banu bezala, zorabiatu, erotu eta betiko nire mundu imajinarioan gorde, neure egin. Jasone Osoro «Korapiloak», 2001 - 85. orr.

Testu homerikoen azterketan hasten denak berehala antzematen du gure kategoria filosofikoekin ezin dela mundu homerikoa ulertu. Askoren artean «Filosofiako gida», 2004 - 32. orr.

Mendia, bere magalean gauzkan zerbait izatetik ideien munduraino irristatu eta eroria dago gaur mendizale amorratuenen gogoan. Iñaki Segurola «Gaur ere ez du hiltzeko eguraldirik egingo», 2005 - 274. orr.

Politikaren mundu okaztagarri horretan. Txillardegi «Labartzari agur», 2005 - 56. orr.

Hain zuzen, inoiz izan al da mundu kristauan arrazoi hauek sortu eta bultzatu ez duten gerrarik? Esteban Antxustegi «Herritarra» - Thomas Hobbes, 2004 - 120. orr.

VIII-XI. mendeetako mundu musulmanean handia izan zen merkataritza-jarduera. Koro Navarro «Ekonomiaren globalizazioa» - Jacques Adda, 2004 - 21. orr.

Apezpikutzaren egoitzaren barrua beste mundu bat da. Edorta Jimenez «Hemingway eta euskaldunak zerbitzu sekretuetan», 2003 - 94. orr.

Emilio Salgarik erakutsi zidan hitzen bidez mundu berriak sor daitezkeela. Ana Urkiza «Zortzi unibertso, zortzi idazle», 2006 - 191. orr.

4 bizi garen planeta; Lurra giza bizitzearen egoitzatzat hartua.

-Mundua geldiarazi? Anjel Lertxundi «Azkenaz beste», 2005 - 57. orr.

Gizadiaren eta munduaren etorkizuna dago jokoan. Askoren artean «Asisko Frantzizko, Asisko Klara», 2002 - 54. orr.

Mundu guztia kurrituko nian hi bilatu eta hona ekarrarazteko. Xabier Olarra «Azken hitzordua» - Sandor Marai, 2003 - 209. orr.

-Mundu erdian barrena ibilia zara, jauna: pozik egingo nuke nik ere beste horrenbeste. Joxe Austin Arrieta «Homo Faber» - Max Frisch, 2001 - 284. orr.

Eta Xazaman ados agertu baitzen, biek elkar hartu, eta munduan barrena abiatu ziren. Patxi Zubizarreta «Mila gau eta bat gehiago» - Anonimoa, 2002 - 16. orr.

Txekiar Akademiak mundu guztiko genetista-jendea gonbidatu du elkarretaratze batera. Juan Garzia «Sagua, eulia, eta gizakia» - François Jacob, 2004 - 41. orr.

Hamar egun geroago hil zen [...] baraualdi luzeak ahiturik, erlijio-estasi atergabe batean murgildurik, mundu honetan irauteko gogorik gabe. Jose Morales «Arima hilak» - Nikolai Gogol, 1998 - 11. orr.

Eta alboetara zabaltzen ziren bi besoak munduko azken mugetaraino luzatzen zirela ematen zuen. Askoren artean «Asisko Frantzizko, Asisko Klara», 2002 - 885. orr.

Mundu zabaleko edozein bazterretan. Iñaki Segurola «Gaur ere ez du hiltzeko eguraldirik egingo», 2005 - 48. orr.

Zeren, nola Elkano izan baitzen, euskalduna izateagatik, bi aldiz espainiar, munduari bira emanez Espainia are handiagoa egiten zuela, [...]. Joan Mari Irigoien «Ipuin batean bezala», 2002 - 23. orr.

-Mundu hau gorabehera beldurgarriz beteta dago. J.M. Olaizola "Txiliku" «101 gau», 2000 - 129. orr.

Irrits gaiztoez, mundu honetako axolaz eta bizitza honetako arduraz oso-osorik munduaren morroi direnak. hizkuntzak, munduko edozein hizkuntzak, eta are gehiago hizkuntza agoniko batek, batu egiten du barrurantz, eta banatu eta bereizi kanporantz. Askoren artean «Asisko Frantzizko, Asisko Klara», 2002 - 97. orr.

Mundura jaiotako lehen gizakia ote zara, bada? Elizen arteko biblia Jb 15,7

Hona ni hemen, bada, bakarrik munduan, ez baitut jada ez anaiarik, ez lagunik, ez gizarterik, neu neroni besterik. Imanol Zurutuza «Errautsera arteko sugarra», 2002 - 17. orr.

-Mundutik urrutiratutako mistizismo bat eraiki zuen, eta guri ere oso urrutikoak egiten zaizkigu haren mistizismoa. Anjel Lertxundi «Zorion perfektua», 2002 - 111. orr.

5 gizadia, gizartea; gizakiak.

Nondik datorkizu orduan mundu guztia zure ondoren ibiltze hori? Askoren artean «Asisko Frantzizko, Asisko Klara», 2002 - 961. orr.

Hark bere burua eskaini zuen gure bekatuak barkatzeko, eta ez gureak bakarrik, bai eta mundu osoarenak ere. Elizen arteko biblia 1 J 2,2

Bere fedeaz gaitzetsi egin zuen mundu sinesgabea, eta fedetik datorren salbamenaren oinordeko egin zen. Elizen arteko biblia Heb 11,7

Mundu honetako jakinduria, izan ere, zorakeria da Jainkoaren begietan. Elizen arteko biblia 1 Ko 3,19

Sistema ekonomiko batek, kapitalismoak alegia, mundu osoan duen nagusitasuna Mundu posible batek, mundua nolakoa izan zitekeen islatzen du. Koro Navarro «Ekonomiaren globalizazioa» - Jacques Adda, 2004 - 13. orr.

Gero, etxetik irten eta beste mundu batean bizi behar genuen. Joseba Sarrionandia «Lagun izoztua», 2001 - 56. orr.

Beste mundu eta beste sasoi batetik heldu diren albiste, gutun, argazkiak. Joseba Sarrionandia «Lagun izoztua», 2001 - 92. orr.

Baziren beste ordu batzuk Vienako negu hartan, non, tarteka, mundu guztiak zoriontsu ematen zuen. Xabier Olarra «Azken hitzordua» - Sandor Marai, 2003 - 67. orr.

Beste mundu bat dago itsasoaren bestaldean. ik beherago 11. Koro Navarro «Zortzi kontakizun» - Isaac B. Singer, 2002 - 43. orr.

6 gizarteko bizitza, atseginen eta handikerien lekutzat hartua.

Apaltasun santuak garaitzen ditu harrokeria eta gizaki munduzale guztiak eta munduko gauzen zalekeria guztia. Askoren artean «Asisko Frantzizko, Asisko Klara», 2002 - 93. orr.

Txiki-txikitatik gurasoek lotsagabeki hezi zuten, munduko hutsalkeriari jarraituz, Izan ere, Jesu Kristo gure Jaun eta Salbatzailea ezagutu eta munduko lohikeriei ihes egin ondoren, berriro haietara erortzen direnentzat, azkenengo egoera hau lehenengoa baino okerragoa da. Askoren artean «Asisko Frantzizko, Asisko Klara», 2002 - 181. orr.

Hori baino gehiago eman dit Jaungoikoak, zu, munduko atseginak arbuiatuz, haren morroi ikustea. Imanol Unzurrunzaga «Hainbat idazlan» - San Agustin, 2003 - 238. orr.

Errazkiago etor daitezen munduko ospe hutsalera, eta gero hantuste larrira Patxi Altuna «Gogojardunak» - Inazio Loiolakoa, 2004 - 970. orr.

7 (hitz elkartuetan lehen osagai gisa) ik mundial.

Etorkizuneko mundu-ordenarantz. Iñaki Mendiguren «Historiaren azterketa II» - A.J. Toynbee, 2000 - 462. orr.

Mundu-mailako komunikazio-sare berriak. Iñaki Mendiguren «Historiaren azterketa II» - A.J. Toynbee, 2000 - 37. orr.

Hirugarren milurtekoaren hasieran, mundu mailako ordena liberal baten sorreraren kontra estatuek eta gizarteek egiten duten erresistentziak ez duela indarrik batere galdu. Koro Navarro «Ekonomiaren globalizazioa» - Jacques Adda, 2004 - 177. orr.

GATTetik Merkataritzaren Mundu Erakundera. Koro Navarro «Ekonomiaren globalizazioa» - Jacques Adda, 2004 - 176. orr.

Osasunerako Mundu Erakundeak baieztatu ez badu ere, gaitza Txinak agertu zela uste dute zientzialariek. Berria - Gaiak 2004-02-05

Mundu-gizarte bat, non gizadia libratu den lehenik gerra eta klase-gatazkatik eta lortu duen biztanleriaren arazoa konpontzea. Iñaki Mendiguren «Historiaren azterketa II» - A.J. Toynbee, 2000 - 396. orr.

mundu-merkataritzaren hazkunde-indizea. Koro Navarro «Ekonomiaren globalizazioa» - Jacques Adda, 2004 - 73. orr.

Mundu-sistema kapitalistaren hedakuntzaren ondorioz. Iñaki Heras «Txanponaren bi aldeak», 2003 - 295. orr.

Gerra ondoren izan den mundu-atzeraldirik gogorrena ekarriko zuen konbinazio horrek. Koro Navarro «Ekonomiaren globalizazioa» - Jacques Adda, 2004 - 166. orr.

Urrutiko oasi-estatu horretatik sortu eta garatu zela arabiar mundu-inperio musulmana. Iñaki Mendiguren «Historiaren azterketa II» - A.J. Toynbee, 2000 - 55. orr.

Erromako mundu-hiriko hiritar guztiak. Iñaki Mendiguren «Historiaren azterketa II» - A.J. Toynbee, 2000 - 92. orr.

Modu horretan sartu nintzen Adelaren buruan, haren mundu-ikuspegian, haren esperientzia historikoan, haren erroetan. Juan Kruz Igerabide «Hauts bihurtu zineten», 2005 - 66. orr.

Mundu-bazterretako biztanleak harri eta zur daude zure mirarien aurrean. Elizen arteko biblia Sal 65,9

Jantzi beltz luze bat soinean duela irudikatzen da, hamabi izarreko koroa loriatsu bat daramala buruan, oina zeru-bolaren gainean, mundu-bola jasoz eskuin eskuan. Juan Garzia «Bizi alegiazkoak» - Marcel Schwob, 2002 - 129. orr.

8 (hitz elkartuetan bigarren osagai gisa)

Itxaropen Oneko lurmuturra eta ondorengo beste batzuk aurkitu zirenean, Italia ez zen gehiago izan merkataritza-munduko erdigunea. «Legeen espirituaz II» - Montesquieu, 1999 - 59. orr.

Lan-munduan arrakasta lortzeko tresna. Lopez de Arana «Manhattan Transfer» - John Dos Passos, 1999 - 11. orr.

Enpresa-munduko hizkera erabiltzera, bigarren negozio-lerro bat. Aingeru Epaltza «Rock'n'roll», 2000 - 388. orr.

Leku bitxiro aparta zuen indioilarrak familia-mundu sotil, bare eta maratz hartan. Juan Garzia «Sistema periodikoa» - Primo Levi, 1998 - 21. orr.

Neure barne-mundura bilduta, neure arnas hotsari adi-adi. Mirentxu Larrañaga «Peaceful soldadua» - Michael Morpurgo, 2006 - 142. orr.

Chicago ez zen arte-munduaren erdigunea, baina ez zen basamortu galdu bat ere. -Bai jardun aspergarria antzerki-munduaren tentazioei buruz egin duena! Oskar Arana «Brooklyngo erokeriak» - Paul Auster, 2006 - 49. orr.

Muga-markoa da, batez ere, hemen darabilguna (zenbait koadrotan, ilusio bidez, muga-markoa koadroaren diegesi-mundua luzatzeko erabili izan bada ere). Josu Zabaleta «Irudia» - Jacques Aumont, 2004 - 140. orr.

9 beste mundu mug geroko bizitzaren egoitza.

Beste munduan elkartuko gara; ikusten nauzunean, ez eman bizkarra. Jose Morales «Zazpi urkatuak» - Leonid Nikolaievitx Andreiev, 2006 - 110. orr.

Naturaz gaineko egoera izatea graziari esker mundu honetan eta betiereko loriari esker beste munduan. Piarres Xarriton «Enkiridion» - Martin Azpilkueta, 2006 - 131. orr.

Begirunea dioten edo maite duten hori beste munduan zerbitzatzera joateko. «Legeen espirituaz II» - Montesquieu, 1999 - 136. orr.

Beste munduan ez duzu sinesten ala? Joseba Sarrionandia «Kolosala izango da», 2003 - 94. orr.

Mexikoko indigenek hildakoaren hilobian zakur hil bat sartzen zuten, beste munduan lagun izan zezan. Gotzon Garate «Zakurra, zeure laguna», 2002 - 13. orr.

Zalantza zuela berenak ez ote zuen egingo bera beste mundura, mundu beltz laiotz horretara joanez gero. Felipe Juaristi «Airezko emakumeak», 2003 - 43. orr.

Hala, grabitate-zentrua, nolabait esan, oraingo bizitzatik geroaldikora aldatu zen, eta beste munduak asko irabazi bazuen ere, ez da dudarik hemengo honek asko galdu zuela aldaketan. Iñaki Mendiguren «Historiaren azterketa II» - A.J. Toynbee, 2000 - 96. orr.

Hiru aukera omen dituzu: edo mundu hau, edo beste mundua, edota Australia. Antton Olano «Fidel izan beharraz» - Oscar Wilde, 2000 - 75. orr.

10 mundu bat jendetza. ik mundutza.

Mundu bat bilduko da igandean Barakaldon, 12.000 bertsuzalez goiti (txartela guziak jadanik salduak dira), finaleko 8 bertsularien entzuteko. Herria 2005-12-15

Astelehen goiz huntan, mundu bat bazagon haren ehorzketetan, Baiona-Santandreseko elizan. Herria 2004-01-15

Mundu bat bildu da BECen: negozioetarako hiri txiki baten modukoa da erakustazoka egunotan.Gasteiztik abiaturik Baionan bururatu da 12. korrika, udaletxearen aitzinean, mundu bat bazela azken korrikalariari ongi etorri bero baten egiteko. Berria - Ekonomia 2006-03-10

Mundu bat bildu da Erroman karia horretara eta berriz ere agertu da Aita Saindua nekatua, ezindua, utziz bertze bati predikuaren irakurtzea. Herria 2003-10-23

Mundu bat biltzen da ibaiko bi aldeetan. Berria - Kirola 2004-03-20

Gertakari hitsa eta ezin onetsia, zer erraiten ahal da besterik? larunbatean, mundu bat bildu da Donostian izigarrikeria horren salatzeko. Herria 2001-02-01

· Jazz mundu bat bilduko da Donostian. Berria - Kultura 2004-05-01

11 mundu berri (orobat Mundu Berri) mug Amerika.

Mundu Zaharra ahantzi nahi baduk, hoa, bai, itsasoaren bertzalderat, non baitago Mundu Berria. Joan Mari Irigoien «Lur bat haratago», 2000 - 514. orr.

Gaztelania baita Espainiako inperioaren hizkuntza, mundu zaharra eta mundu berria uztartzen dituena. Joan Mari Irigoien «Lur bat haratago», 2000 - 223. orr.

Sortu zen urte hartan berean, Mundu Berria aurkitu zuen Cristobal Colonek, irakitan zeudelarik Europan Berpizkundea eta Humanismoa. Piarres Xarriton «Enkiridion» - Martin Azpilkueta, 2006 - 29. orr.

Berrogei bat urtetan, Espainiak mundu berriaren konkista burutu zuen, eta hura kolonizatzen ere hasi zen. Koro Navarro «Ekonomiaren globalizazioa» - Jacques Adda, 2004 - 27. orr.

Mundu Berriaren aurkikuntzak, "gizakia zer da? Askoren artean «Filosofiako gida», 2004 - 277. orr.

" galdera, premiazko bihurtu du eta inportantzia politiko-moralez kargatu du: gizakiak ote dira indioak? esklabo beltzak Afrikatik Mundu Berriko plantazioetan lan egitera eramatea. Askoren artean «Filosofiako gida», 2004 - 277. orr.

Beste askok bezala, bere gurasoek «mundu berrirako bidea» hartu zuten XX. mendearen hasieran, Euskal Herrian ikasitako artzain lana han ere beharrezkoa izango zelakoan. Berria - Kultura 2004-06-06

Maien, Yucatandar, Mexikar eta Andeetako zibilizazioak Mundu Berrian. Iñaki Mendiguren «Historiaren azterketa II» - A.J. Toynbee, 2000 - 403. orr.

12 mundu ekonomia (orobat munduekonomia g.er.)

Merkantilismoaren garaian, landa-eremuak mundu-ekonomia periferiaren parte ziren oraindik ere; munduekonomia hori kontinenteko espazioen integrazioaz eta txertakuntzaz garatu zen, kanpotik barrura zihoan mugimendu batean, nazioarteko merkataritzatik barneko merkataritzara. Koro Navarro «Ekonomiaren globalizazioa» - Jacques Adda, 2004 - 35. orr.

Mundu-ekonomia bat, hau da, kapital metaketa mundu osoan bizi duen ekonomia bat. Iñaki Heras «Txanponaren bi aldeak», 2003 - 206. orr.

Munduko ekonomia, sistema integratu gisa duela hamarraldi batzuk taxutzen hasi zena, mundu-ekonomia europarra izan zen hasieran, bestela esanda, ardatza Europan zuen mundu ekonomikoa zen. Koro Navarro «Ekonomiaren globalizazioa» - Jacques Adda, 2004 - 15. orr.

Mundu ekonomia, termino makroekonomikoetan, nabarmen hazi da azken hiru hamarkadetan zehar. Itziar Eizagirre / Amaia Lizarralde «Garapen iraunkorra», 2005 - 72. orr.

Egoera ekonomikoki egonkor batean, Estatu Batuen indar hegemonikoaren babespean, globalizatu egin zen munduekonomia kapitalista.Lau egunez hor, bestelako mundu ekonomia bat dute erakusten eta ez dela denbora galtzerik erraiten, beste orduz Brasileko Porto Alegrekoan egin zuten bezala. Koro Navarro «Ekonomiaren globalizazioa» - Jacques Adda, 2004 - 57. orr.

13 mundu gerra mundu osoa hartzen duen gerra.

Utopia edo kimera liberala izan da, azken beltzean, gizadiak XX. mendean sufritu dituen bi mundu gerra bortitzen eragile nagusietakoa. Iñaki Heras «Txanponaren bi aldeak», 2003 - 100. orr.

Hogeita Hamar Urteko gerra, Napoleonen gerrak, Lehen eta Bigarren Mundu Gerrak. Koro Navarro «Ekonomiaren globalizazioa» - Jacques Adda, 2004 - 47. orr.

Lehen Mundu gerra piztu baino pixka bat lehenago. Felipe Juaristi «Airezko emakumeak», 2003 - 270. orr.

Lehen Mundu Gerra hasi zen horrela, lau urte iraungo zuena. Pello Salaburu «XX. mendearen argi-itzalak», 2001 - 58. orr.

Lehen Mundu-Gerrako lubakietan. Edorta Jimenez «Europako mugetan barrena», 2000 - 113. orr.

Badakigu 1916. urtean -Lehen Mundu Gerra bero-beroenean zela- Felix Errusiako armadan izena ematera joan zela. J.M. Olaizola "Txiliku" «Bizitza eredugarriak», 2006 - 245. orr.

Bigarren Mundu Gerra osteko deskolonizazio prozesuaren ondoren. Joxe Azurmendi «Euskal Herria krisian», 1999 - 125. orr.

Gero, Bigarren Mundu Gerran parte hartu zuen, kontraespioitza zerbitzuan edo. Javi Cillero «Hollywood eta biok», 1998 - 90. orr.

1941etik 1944 bitartean, Bigarren Mundu Gerraren bete-betean, eraitsitako abioetatik salto egin eta bizirik ihes egindako pilotuak Euskal Herriaren Hegoaldera ekartzeko sare bat antolatu zuen Frantziako erresistentziak, Bidasoa ibaian barrena, 'La ligne' deitu zutena. Pako Aristi «Gauza txikien liburua», 2004 - 139. orr.

Bigarren Mundu Gerran ere atxilotu egin zutela eta naziei ihes egin ziela fusilatu behar zuten unean. Jokin Urain «Errotarria», 2006 - 88. orr.

Bigarren Mundu Gerra amaitzear zelarik hil zen Birmanian. Edorta Jimenez «Kilkerren hotsak», 2003 - 236. orr.

Geroztik, azkenaldi honetan (azkeneko mundu gerratik hona), [...]. Josu Zabaleta «Irudia» - Jacques Aumont, 2004 - 19. orr.

14 mundu ikuskera (orobat munduikuskera g.er)

Deskribapen global batek fenomeno guztiak erdigune bakar baten inguruan biltzen ditu: hastapena, esanahia, espiritua, mundu ikuskera, multzoaren forma. Xabier Arregi «Jakitearen arkeologia» - Michel Foucault, 2003 - 17. orr.

Jakina da K. a. VI-IV. mendeetako ilustrazioak [...] errefusatu egingo dituela garai zaharretako mundu-ikuskerak, baina horrek ez digu bidea ematen aurreko guztia mitotzat edo literaturatzat hartzeko. Askoren artean «Filosofiako gida», 2004 - 28. orr.

Mundu-ikuskera objektiboa eta subjektiboa kontrajartzen ditu, lehen eta hirugarren pertsonaren arteko asimetria epistemologikoan oinarritzen dena, hain zuzen. Askoren artean «Filosofiako gida», 2004 - 188. orr.

Okerra egin izanaren aukera aitortzen zuten lau hitz haiek erabat harritu zuten Nora, aitaren pitzadurarik gabeko mundu-ikuskerak ez baitzuen sekula halako duda-mudaren bitsik ere onartzen. Anjel Lertxundi «Azkenaz beste», 2005 - 46. orr.

Antzerki itxura duen harribitxi honek ezin hobeto laburbiltzen ditu "markes dibinoaren" sexu-fantasia mugagabeak eta mundu-ikuskera zorrotz eta iraultzailea. Juan Martin Elexpuru / Bego Montorio «Filosofia apaingelan» - Sade, 2001 - 305. orr.

15 mundu mapa (orobat mundumapa) munduaren mapa.

Bere anaia, eskopeta hartu eta egongela erdiko mundu mapa esferikora apuntatzen ari zen. Harkaitz Cano «Neguko zirkua», 2005 - 166. orr.

Esatariaren arabera, geografia gehiago edo gutxiago malgutzen da, eta mundu mapetan Peters-en proiekzioarekin bezala, herri txikienak probintziarik handienaren neurria hartzen du. Iñigo Aranbarri «Hitzak eta giltzak», 2001 - 20. orr.

Bidari, erromes, merkatari eta abarren datuak hartuz osatuxe omen zuen lehen mundumapa Isidrí judutarrak. Patziku Perurena «Trapuan pupua», 2001 - 155. orr.

16 mundu merkatu (orobat mundumerkatu)

Lehengaien mundu-merkatuen egonkortasunerako proiektuek berez izaten duten anbiguitatean datza auzia. Koro Navarro «Ekonomiaren globalizazioa» - Jacques Adda, 2004 - 125. orr.

Geldirik zegoen mundumerkatu baten gainean, hazkundea ezin etorri zen merkatu-kuotak irabaztetik baino. Koro Navarro «Ekonomiaren globalizazioa» - Jacques Adda, 2004 - 35. orr.

hitz multzoen maiztasunak (gutxienez 9 aldiz agertzen direnak)

beste mundu bat (64); beste mundu batean (39); beste mundu bateko (13); beste mundu batekoa (10); beste mundu batera (10); beste mundu batetik (9); bestelako mundu (11); bigarren mundu gerra (68); bigarren mundu gerrak (9); bigarren mundu gerrako (16); bigarren mundu gerran (55); bigarren mundu gerraren (70); bigarren mundu gerraz (13); emakumeen mundu martxa (18); emakumeen mundu martxak (12); euskal mundu (15); hirugarren mundu (13); lehen mundu gerra (22); lehen mundu gerrako (12); lehen mundu gerran (21); lehen mundu gerraren (27); lehenengo mundu (10); mendebaldeko mundu (11)