Egungo Euskararen Hiztegia (EEH)

kate (orobat katea g.er. kataia g.er. eta gate g.er.) 1 iz maila edo eraztun formako atal elkarri lotuen saila, lotura gisa edo apaingarri gisa erabiltzen dena.

Non zen, ordea, [...] esklaboen kateak apurtu eta egiptoarren orgak urperatzen dituen Hura? Juan Garzia «Sistema periodikoa» - Primo Levi, 1998 - 78. orr.

Horma artean sartu nau, aterabiderik gabe; kate astunez lotu nau. Elizen arteko biblia Nk 3,7

Ainguraren kateen karranka. Lopez de Arana «Manhattan Transfer» - John Dos Passos, 1999 - 104. orr.

Hartz bat kate batetik lotuta zekarrela etorri zen gero gizona. Koro Navarro «Zalakain abenturazalea» - Pio Baroja, 2006 - 59. orr.

Kate batetik zintzilik zeraman eskuko poltsarekin. Joxean Agirre «Romain zen bere izena», 2003 - 20. orr.

Navas de Tolosa-ko batailan miramamolinak burdinazko kate batez ingurarazi zuen bere eremua. Koldo Izagirre «Idi orgaren karranka» - Victor Hugo, 2002 - 199. orr.

Harri hotza eta kate beltz lodia baino ez. Ramon Saizarbitoria «Gorde nazazu lurpean», 2000 - 456. orr.

Ardatz horretan brontzezko kate malgu bat joango da lotuta. Santiago Iruretagoiena «Arkitekturaz hamar liburuak» - Vitruvio, 2000 - 4530. orr.

Auzoan bazuten putzadera lurpeko bat, ur ateratzeko txirrika, urontzi, kate eta guzi. Patziku Perurena «Trapuan pupua», 2001 - 54. orr.

Esku bat komuneko kate hondatuxearekin borrokan. Aingeru Epaltza «Rock'n'roll», 2000 - 34. orr.

Berdez margotutako atearen ertzeko kate bati tira egitean txintxarri hotsa entzun zuen barnealdean. Joxemari Urteaga «Ordaina zor nizun», 2001 - 91. orr.

Xehe xeheki miatzen gituzte, orduan galtzen ditut ene estilo urrestatua, lepoko gatea bere medailekin, muntra eta moltsa. Michel Oronoz «Oilandoiko ermita», 2001 - 114. orr.

Kate zilarkara batek uztaitzen zion eskuineko txorkatila. Aingeru Epaltza «Rock'n'roll», 2000 - 233. orr.

Zeinen polita zure lepoa, urrezko kate horiekin! Elizen arteko biblia Kt 1,10

Oinak katean lotu zizkioten, burdinazko lepokoa erantsi. Elizen arteko biblia Sal 105,18

2 (hitz elkartuetan lehen osagai gisa)

Kate-erloju bat ere bai, kristalik eta orratzik gabea. Juan Kruz Igerabide «Hauts bihurtu zineten», 2005 - 17. orr.

Zutabe-buruetan zeuden kapitel haietarako sare antzeko apaindurak egin zituen eta kate-xortak, kapitel bakoitzerako zazpi. Elizen arteko biblia 1 Erg 7,17

Aska bateko uretan Axenariok ikusi ditu kate-hondakinak, gurpil uztaiak, pala zahar bat. Itziar Otegi «Axenario» - Jules Renard, 2006 - 110. orr.

Maitemindua nauzu zeure begirada bakar batez, bihotz-lotua zeure lepoko kate-bira batez. Elizen arteko biblia Kt 4,9

Sekulako zintzarri eta kate azantzaz sei mandok tiratutako diligentziari behako ikaratu bat egiten ziola. Koldo Izagirre «Idi orgaren karranka» - Victor Hugo, 2002 - 83. orr.

Sineskeriaren kate-hotsak eta fanatismoaren garrasiak entzun ditut egiaren intziriak itotzen. Juan Martin Elexpuru «Delituez eta zigorrez» - Cesare Beccaria, 1999 - 21. orr.

Kate-dantzan joaten ziren soroetan gaindi. Anton Garikano «Maitea» - Toni Morrison, 2004 - 155. orr.

Kate-orratzak, eraztunak, esku-muturrekoak banatzen ikusi zituen zaharrak. Felipe Juaristi «Azken gutuna» - Vassili Grossman, 2005 - 15. orr.

Urregorrizko kate-eraztunak agirian ditudala. Iñigo Aranbarri «Hizlandia», 2006 - 43. orr.

-Lanak eduki zituzten lema askatzeko, kate-kandatu batekin zegoen trabatua. Koldo Izagirre «Sua nahi, Mr. Churchil?», 2005 - 279. orr.

Kate-zakur hauts kolore gisako bat, alegia, bakardadearen gau minari zaunka. Patziku Perurena «Trapuan pupua», 2001 - 9. orr.

3 (hitz elkartuetan bigarren osagai gisa)

Burdin gate batekin estekatuaak. Michel Oronoz «Oilandoiko ermita», 2001 - 65. orr.

Trakzio-kateek gurpil koskadunak hartu eta karranka egiten zuten. Lopez de Arana «Manhattan Transfer» - John Dos Passos, 1999 - 327. orr.

Urrezko hortzetan, erloju-kateetan eta gorbata-orratzetan. Lopez de Arana «Manhattan Transfer» - John Dos Passos, 1999 - 173. orr.

Ikaragarri nabarmentzen zen urrezko erloju kate txerlotu bat, erdian katenbegi handiak zituena. Matías Múgica «Hiltzaile baten aitormena» - Joseph Roth, 2004 - 37. orr.

4 irud/hed

Denak baitzeuden iluntasunaren kate berberaz loturik. Elizen arteko biblia Jkd 17,18

5 (atxilotuaren edo mendean dagoenaren irudi gisa; pl.)

Deabruen kateetan preso egondako jendeari bezala hitz egiten dizuet. Askoren artean «Asisko Frantzizko, Asisko Klara», 2002 - 621. orr.

Lehenengo aitaren bekatuagatik ilunpearen menpean kateetan gintuen printzearen eskutik gu atera eta Aita Jainkoarekin adiskidetzeko. Askoren artean «Asisko Frantzizko, Asisko Klara», 2002 - 1196. orr.

Hainbeste aurreiritzi, hainbeste kate zentzugabe hausten jakin izan duen herriari ez zaio batere kostako jainkoaren mamua sakrifikatzea, erregearena baino hutsalagoa baita. Juan Martin Elexpuru / Bego Montorio «Filosofia apaingelan» - Sade, 2001 - 220. orr.

Eurek hainbat kate apurtu izanagatik garelako gu libreago. Juan Martin Elexpuru / Bego Montorio «Filosofia apaingelan» - Sade, 2001 - 57. orr.

Lagunek agiraka egiten zioten kate artean pozik zegoelako. Askoren artean «Asisko Frantzizko, Asisko Klara», 2002 - 280. orr.

Berrion honen bozeramaile naiz kate artean. Elizen arteko biblia Ef 6,20

Orain hautsiko dut zapaltzen zaituen uztarria, orain apurtuko zure kateak. Elizen arteko biblia Na 1,13

Injustizi kateak hautsi eta uztarri-hedeak etetea, zapalduak libratu eta uztarri oro apurtzea. Elizen arteko biblia Is 58,6

· sing Analfabeto izateak, diruezak, tradizioak eta senarren mende egoteak kate itogarria leporatzen diete emakumeei ezkontzan. Gotzon Garate «India harrigarria», 2001 - 109. orr.

6 mota edo sail bereko osagaien segida.

Hots-adierazleen osagaiek bata bestearen atzetik agertu behar dute ezinbestez: kate bat osatzen dute. Isabel Arrigain «Hizkuntzalaritza orokorreko ikastaroa» - Ferdinand de Saussure, 1998 - 100. orr.

Gai horien horniduran gertaturiko eten orok ekoizpenaren kate osoa geldiaraz baitezake. Koro Navarro «Ekonomiaren globalizazioa» - Jacques Adda, 2004 - 124. orr.

Lurringaien katearen zuzendaria. Joxan Elosegi «Ahardikeriak» - Marie Darrieussecq, 2004 - 89. orr.

ADN zati horietariko bakoitzak kate polipeptidiko bat ekoizten du. Juan Garzia «Sagua, eulia, eta gizakia» - François Jacob, 2004 - 61. orr.

Kate metaboliko bat etetea. Juan Garzia «Sagua, eulia, eta gizakia» - François Jacob, 2004 - 53. orr.

Ekosistema urbanoaren kate trofikoa, behintzat, primeran zebilen. Patxi Iturritegi «Behi eroak», 2003 - 94. orr.

Gertakarien katea egoki berrosatuz zihoan. Juan Garzia «Sistema periodikoa» - Primo Levi, 1998 - 211. orr.

Ezpainetara etorri zaio haren izena, horrela, oroitzapenen kate horretatik ihesi-edo. «Bizia lo», 2003 - 26. orr.

Nire baitan daramadan kate ikusezin hori zenbait artistak, idazlek, nobeletako heroiek eta nire haurtzaroko emakume batzuek osatzen dute. Joseba Urteaga «Gertakizuna» - Annie Ernaux, 2003 - 30. orr.

Nahiz eta gainerakoan osorik sentsuen munduan kokatu behar den izadiaren katearen osakide gisa. Ibon Uribarri «Arrazoimen hutsaren kritika» - Immanuel Kant, 1999 - 203. orr.

Ahoz ahoko katea imajinatu nuen: Kristinak Josefinari, Josefinak Ximurrari, Ximurrak Ttipiri, Ttipik Charlyri eta Charlyk auskalori:"Aizak, badakik Edu eta Kristina...?". Aingeru Epaltza «Rock'n'roll», 2000 - 54. orr.

7 (hitz elkartuetan lehen osagai gisa)

Bonba atomikoaren hondamena ikusi ondoren, kate-erreakzio EZ nuklear bat sortzeko asmo irmoa jaio zen hainbat pentsalariren artean: kontzientzia eta komunikazio kate-erreakzioa nahi zuten, antzeko ezer ez gertatzeko inoiz. Fernando Morillo «Gloria Mundi», 2004 - 91. orr.

8 (hitz elkartuetan bigarren osagai gisa)

Hainbat manifestazio, elkarretaratze, gose-greba, giza kate e.a. izan dira aldarri horren alde. Txema Ramirez de la Piscina «Ikus gaitzazuen», 2004 - 70. orr.

Belaunaldiek zeharkatzen zuten emakume-kate batean harrapatuta sentitzen nintzen lehenengo aldiz. Joseba Urteaga «Gertakizuna» - Annie Ernaux, 2003 - 74. orr.

Familia-kate luzeak osatzea da Mendebaldeko eta Japoniako ezaugarria, eta kate horietan metatuz joango da ondarea. ik beherago 12. Koro Navarro «Ekonomiaren globalizazioa» - Jacques Adda, 2004 - 22. orr.

Ubide-kate hori inoiz ez zen bat etorri muga politiko batekin. Iñaki Mendiguren «Historiaren azterketa II» - A.J. Toynbee, 2000 - 274. orr.

Malagako hotel-kate bateko nagusiaren semea zen Sergio. Joan Mari Irigoien «Ipuin batean bezala», 2002 - 12. orr.

Kasu guztietan, erreakzio-kate linealak ditugu. Juan Garzia «Sagua, eulia, eta gizakia» - François Jacob, 2004 - 105. orr.

Benetako muntatze-kate likido bat da odola. Irene Aldasoro «Giza gorputza lanean» - John Lenihan, 2006 - 187. orr.

Gure agenteek, produkzio-kateetan zitalki maskaraturik. 10.000tik gora astekari [...] eta 2.000tik gora telebista kate. Jon Alonso «Euskal karma», 2001 - 87. orr.

BBC telebista kate publikoak IRArekin izan duen portaera. Txema Ramirez de la Piscina «Ikus gaitzazuen», 2004 - 100. orr.

Estatuko hiriburuko irrati-kate nagusietako bateko esatari guztiz ezaguna grinatsu mintzo zen. Aingeru Epaltza «Rock'n'roll», 2000 - 395. orr.

PPren agindu zorrotzpean ez zeuden beste TB eta irrati kate batzuk. Txema Ramirez de la Piscina «Ikus gaitzazuen», 2004 - 138. orr.

Gero oihu kate bat etorri zen, sutan den etxe bat itzaltzeko orduan osatzen den kuboz kuboko giza- katearen antzekoa. Harkaitz Cano «Pasaia blues», 1999 - 180. orr.

Bat-batean aldatu zen Fructuosoren aurpegia, eztul-kate batean trabatuta. Inazio Mujika Iraola «Gerezi Denbora», 1999 - 40. orr.

Hots kate bat sortarazten duten ahoaren eta laringearen mugimendu guztiak. Isabel Arrigain «Hizkuntzalaritza orokorreko ikastaroa» - Ferdinand de Saussure, 1998 - 67. orr.

Menpeko esaldi-kateetan. Iñigo Aranbarri «Hizlandia», 2006 - 125. orr.

Medikuaren ezpainetatik ateratzen diren hitzak letra kateetan ikusten dituzu zureganantz hegan. «Eta emakumeari sugeak esan zion», 1999 - 134. orr.

9 (hitz elkartuetan bigarren osagai gisa, gauza abstraktuekin)

they-Ø+be-ing+come kateari ezarrita. Itziar Laka «Egitura sintaktikoak» - Noam Chomsky, 2003 - 88. orr.

Eta handik berriro bere transmigrazio katea hasarazi. Josu Zabaleta «Fantasiazko ipuinak» - Guy de Maupassant, 2000 - 45. orr.

Gero ihesaldi eta itzulera kate bat hasi duk, amaiezina dirudien horietakoa. Iban Zaldua «Etorkizuna», 2005 - 96. orr.

Silogismo kate baten ondoan. Xabier Kintana «Alderraien gidaria» - Mose ben Maimon, 2006 - 40. orr.

Bizitzaren sorrera ere oinaze kate ederra izan zen. Joseba Sarrionandia «Lagun izoztua», 2001 - 184. orr.

Gogoeta-kate bat eragin zion horrek Ruche jaunari. «Loroaren teorema» - Denis Guedj, 2006 - 447. orr.

Herrialde asko dira globalizazio prozesuaren balio kate horretan integratu ahal izan direlako, hein batean bada ere, txirotasunetik atera direnak. Iñaki Heras «Txanponaren bi aldeak», 2003 - 210. orr.

Ez dut ukatzen: kasualitate bat baino gehiago izan da dena; kasualitate-kate oso bat, zehazki. Joxe Austin Arrieta «Homo Faber» - Max Frisch, 2001 - 29. orr.

Eta handik berriro bere transmigrazio katea hasarazi. Josu Zabaleta «Fantasiazko ipuinak» - Guy de Maupassant, 2000 - 45. orr.

10 telebista edo irrati katea.

BBC kate prestigioduneko web gunera egindako bisitek %47ko igoera izan zuten. Txema Ramirez de la Piscina «Ikus gaitzazuen», 2004 - 43. orr.

Futbola eta errugbia Canal + gateak erosi ditu eta ikusi nahi dituenak pagatu behar du. Herria 2002-10-10

Satelite bidezko kate hau 1996ko azaroaz geroztik ari da bere seinalea aireratzen. Txema Ramirez de la Piscina «Ikus gaitzazuen», 2004 - 57. orr.

Melodramak kate guztietan. Sonia Gonzalez «Ugerra eta kedarra», 2003 - 97. orr.

Musika bideoak ematen zituen etengabe kate hark. Joxemari Iturralde «Euliak ez dira argazkietan azaltzen», 2000 - 183. orr.

Estatu mailako kate handi baten menpeko irrati batera. Aingeru Epaltza «Rock'n'roll», 2000 - 110. orr.

1993ko Gabonak ziren eta Fox-TV laugarren katea zen orduan audientziaren rankingean. Txema Ramirez de la Piscina «Ikus gaitzazuen», 2004 - 23. orr.

TV 5: Hau da frantses gate bat kablearen bitartez har daitekeena. Herria 2001-08-02

11 kate begi ik katebegi.

12 kate luze

Piztia bakoitzak larruzko lepoko sendoa zeukan, kate luze bati lotua. Iñaki Mendiguren «Harry Potter eta sorgin harria» - J.K. Rowling, 2000 - 96. orr.

· Haren azpitik urrezko kate luze-luzea eta fin-fina atera zuen. Iñaki Mendiguren «Harry Potter eta sorgin harria» - J.K. Rowling, 2000 - 319. orr.

Eta normalean ez dut lotzen; nahiz kate luzea prest egon, aurreko gako borobil bati atxikia. Txillardegi «Labartzari agur», 2005 - 217. orr.

· irud/hed Baina kate luzean elkartu zirenean, harritu egin zen Ivors andereñoak eskua irmo estutzen ziola sentitzean. Irene Aldasoro «Dublindarrak» - James Joyce, 1999 - 282. orr.

Glukosa, zelulosa katea luze bati dagokio, errosario bateko alea bezala. Juan Garzia «Sistema periodikoa» - Primo Levi, 1998 - 302. orr.

Eta Ebe, kate luze baten azken maila, frustrazioaren alaba. Sonia Gonzalez «Ugerra eta kedarra», 2003 - 153. orr.

Neu nintzen, nire arbasoen kate luzean, batxilergo osoa ikasi behar zuen lehena. Xabier Mendiguren Elizegi «Nerabearen biluzia», 1999 - 18. orr.

Kate luze baten kate-begia baita gaurko literatur jarduna, eta, adanismoaren tentaldia gainditurik. Anjel Lertxundi «Mentura dugun artean», 2001 - 36. orr.

Filosofo helenikoen kate luzea Sokratesengandik Plotinorenganaino. Iñaki Mendiguren «Historiaren azterketa II» - A.J. Toynbee, 2000 - 436. orr.

Konplikazio kate luzea du. Koro Navarro «Zortzi kontakizun» - Isaac B. Singer, 2002 - 111. orr.

Biziaren kate luze hori; eta gu hor, bat besteen artean. Menane Oxandabaratz «Ez da musik», 2006 - 89. orr.

Alabaina, bizidun guztiak hatsaren kate luzearen partaide dira, lehen bezala orain ere, zenbaitetan hauts eta besteetan hats. Itxaro Borda «Hiruko», 2003 - 112. orr.

13 kate maila (orobat katemaila)

Amaierarik gabeko katea zirudien; kate maila bakoitzak beste bat zekarren atzetik, egunak gaua bezala. Imanol Zurutuza «Errautsera arteko sugarra», 2002 - 58. orr.

Argitu gabe dago kate hori noraino hedatu behar litzatekeen, ea barne hartu beharko lituzkeen "ezaugarri autista" bakan batzuk [...] ala kate-maila bitxi, eszentriko, pedante edo barnekoitzat hartu beharko litzatekeen, gehienez ere, autistena. Xabier Olarra «Antropologo bat Marten» - Oliver Sacks, 2003 - 242. orr.

Trukerako txanpontzat dauzkatela uste dute, Espainiako Gobernuaren esku eurak direlako kate-mailarik ahulena. Berria - Harian 2006-03-26

Orain konturatzen naiz katea baten katemaila bati oratu niola Ryokorekin ibili nintzenetik aurrera. Javi Cillero «Hollywood eta biok», 1998 - 153. orr.

Burezur hura besteak ez bezalakoa zen eta tximuen eta gizakiaren arteko kate-maila galdua izan zitekeela sinetsi zuten gehienek. J.M. Olaizola "Txiliku" «101 gau», 2000 - 80. orr.

14 kate motzean (orobat kate motxean)

Kate motzean lotuta zeuzkaten jabeek beren maskotatxoak. Harkaitz Cano «Pasaia blues», 1999 - 42. orr.

Etxean kate motzean hazia, bakardadean otoitz librean hezi zuen bere burua, sentikorra eta bihozbera izaki. Pello Zabala «Naturaren mintzoa», 2000 - 202. orr.

Kate motxean lotu nuen nire burua asteburuko jardun hauekin. Pello Zabala «Zeruan zer berri», 2006 - 114. orr.

Kapitan putakume hark denak kate motxean lotuta eduki nahi, nonbait, eta pernocta eta asteburuko paseak-eta tantaka ematen omen zituen. «Kuskue tanden», 2004 - 17. orr.

Azpitartek uste du «beharginak kate motzean lotzeko azpijokoa» dela. Berria - Ekonomia 2004-10-06

Baina, hala ere, jendea biak lotzera ohitu da, eta Mari Antonek barru-barrutik madarikatzen du bere izenari ezinbestean -hotsen arteko antzaren kate motzean- lotzen zaion lokuzioa. Anjel Lertxundi «Konpainia noblean», 2004 - 214. orr.

15 kate-mutur (orobat katemutur)

Aurki, luzatu egingo ziren segmentuok, dela kate-muturretatik elkarrekin lotuz, dela bakoitza bikoiztuz, behin bakarrik edo behin baino gehiagotan. Juan Garzia «Sagua, eulia, eta gizakia» - François Jacob, 2004 - 108. orr.

Familiak presio izugarria jasango zuen soluziobiderik ez zegoela ikusita, eta presio hori, handiturik, Moralestarrengana pasatuko zen, eta haiengandik, berriz, areagoturik, katemuturrera, hots, neuregana. Joxemari Iturralde «Euliak ez dira argazkietan azaltzen», 2000 - 98. orr.

16 kate-orratz ik kateorratz.

17 kate-zulo (corpusean katezulo soilik) ontizetan ainguaren katea igarotzeko zuloa.

Balea hesteak izango dira urgainean, ainguran eta helizean trabatuko dira, eta Malcom, ainguraren katetik hesteak kentzen hasia, irristatu eta katezuloaren kontra eroriko da. Joseba Sarrionandia «Lagun izoztua», 2001 - 259. orr.

18 mendi kate ik mendikate.

hitz multzoen maiztasunak (gutxienez 3 aldiz agertzen direnak)

bukaerako kate (7); elikadura kate (3); erloju kate (5); espainiako irrati kate (3); espainiako kate (3); euskarazko kate (5); euskarazko kate kopurua (3); giza kate (10); giza kate bat (5); irrati kate (24); irrati kate batean (3); irrati kate batek (3); irrati kate bati (3); kate arabiarrak (5); kate artean (3); kate astunez (4); kate astunez lotu (3); kate bakarra (3); kate baten bidez (4); kate batetik zintzilik (4); kate begi (5); kate begia (3); kate beltz (3); kate erreakzio (3); kate erreakzioa (6); kate handi (6); kate komertzialera (5); kate komertzialera iritsi (5); kate kopurua (4); kate luze (15); kate luze baten (3); kate luzea (7); kate luzeak (4); kate luzean (3); kate maila (12); kate motxean (4); kate motxean lotu (3); kate motzean (34); kate motzean lotu (16); kate motzean lotuta (3); kate motzean lotzeko (4); kate osoa (7); kate pribatu (4); kate pribatuak (5); kate publikoa (4); kate publikoak (7); kate publikoan (5); kate talde (3); kate trofikoaren (4); lepoko kate (3); madrilgo irrati kate (3); mendi kate (6); telebista kate (95); telebista kate arabiarrak (5); telebista kate pribatu (3); telebista kate pribatuak (5); telebista kate publikoa (3); telebista kate publikoak (5); telebista kate publikoan (3); telebistako kate (3); urrezko kate (6)