Egungo Euskararen Hiztegia (EEH)

bizimodu (2.054 agerraldi, 229 liburu eta 428 artikulutan; ETCn 20.177 agerraldi) iz 1 bizitzeko modua. ik bizimolde; biziera; bizilege.

Biziak, bizitzak, bizimoduak eta bizilegeak ontzen dute heriotza azkenerako. Iñaki Segurola «Gaur ere ez du hiltzeko eguraldirik egingo», 2005 - 140. orr.

Izatekotan, bizimodu nahi nuke poesia, ez bizibide. Joxerra Garzia «Egonean doazen geziak», 2000 - 45. orr.

Hastapenetan, lapurretatik bizitzea bizimodu bat zen. Esteban Antxustegi «Herritarra» - Thomas Hobbes, 2004 - 98. orr.

Finlandiako bizimodua du gustuko. Berria - Mundua 2004-04-21

Garai baten eta bizimodu batzuen margolan itzela eskaini zuen Zolak obra erraldoi horretan. Karlos Zabala «Parisen sabela» - Emile Zola, 2004 - 11. orr.

Bizimodu horrek eraman zuen hondamenera, eta bihotza etsipen beltzez bete zitzaion bere zeregina ezin buruturik. Karlos Zabala «Parisen sabela» - Emile Zola, 2004 - 68. orr.

Anaiok, hau da gure Erregela eta bizimodua, eta gure anaiartera etorri nahi izango duten guztiena. Juan Martin Elexpuru «Delituez eta zigorrez» - Cesare Beccaria, 1999 - 99. orr.

Aingeruen bizimoduaz ezer gutxi dakigu. lekua, gizartea, jendeen bizimodua, lan motak..., horiek denak ezagunagoak zazikio kontatzaileari. Oskar Arana «Lotsaizuna» - John Maxwell Coetzee, 2004 - 45. orr.

Eurek berdin jokatu dute, eta oso argi eta lasai mintzatu dira Irango bizimoduari buruz. Jon Arretxe «Ekialdeko mamuak», 2003 - 93. orr.

Nora joango da, non egingo bizimodua? Hasier Etxeberria «Mutuaren hitzak», 2005 - 68. orr.

Daudela gurekin lurralde honetan, eta egin dezatela hemen beren bizimodua, zabala baita lurraldea. Jose Antonio Mujika «Agindutako lurraren bila I», 2002 - 96. orr.

Bila ezazu beste bizimodu bat, irakasle jauna. Oskar Arana «Lotsaizuna» - John Maxwell Coetzee, 2004 - 252. orr.

Jacques laztana, entzun diat bizimodua ondo doakiala. Eskarne Mujika «Berdin dio» - Agota Kristof, 2005 - 35. orr.

Geu ere goiko bizimodura moldatu ginen orduan, txalupa haien itsasoan igerian, argizari urtuaren usaineko uretan, zazpi mila santu eta aingerurekin. Joseba Sarrionandia «Kolosala izango da», 2003 - 38. orr.

Hainbeste aldatu da bizimodua. Arantxa Iturbe «Kontu-jaten», 2006 - 101. orr.

Eta, ezinbestean ere, egia esan, neure bizimodua errotik aldatzera deliberaturik, Martxel neure anaiarekin konpondu nituen Putzu kaleko neure partearen salmentaren gorabeherak. Txillardegi «Putzu», 1999 - 329. orr.

Gaixoen bizimodua hobetzea helburu duten terapia alternatiboak. Berria - Gaiak 2004-04-11

Beren bizimoduari eutsi nahi dieten indiarrak laguntzen ditu taldeak. Berria - Gaiak 2004-10-03

Don Carlos, Don Isidro Ortiz de Urruela, Don Manuel Santakrutz apaiza... poesia zegoen horien bizimoduetan. Txillardegi «Putzu», 1999 - 378. orr.

Bizimoduaren kalitate hobea segurtatuko duen lana aurkitzea. Juan Ignacio Pérez / Pello Salaburu «Unibertsitatea eta euskal gizartea gaur», 2003 - 20. orr.

Bizimodua ateratzeko, frantses eskola bat ematen zuen goizean goiz Miromesnil kalearen goialdean. Karlos Zabala «Parisen sabela» - Emile Zola, 2004 - 350. orr.

Cape Technical University-n ateratzen du bizimodua. Oskar Arana «Lotsaizuna» - John Maxwell Coetzee, 2004 - 10. orr.

Eskuak ditudalako atera dut bizimodua. Felipe Juaristi «Airezko emakumeak», 2003 - 55. orr.

Pobreek lan egin behar baitute bizimodua aurrera ateratzeko. Askoren artean «Asisko Frantzizko, Asisko Klara», 2002 - 139. orr.

Ez zuela zenbaitek duen zorte ona, bizimodua eseririk ateratzekoa, alegia. Jon Alonso «Lisboako Setioaren Historia» - José Saramago, 2000 - 364. orr.

Uste dut bortxatzea dutela bizimodua. Oskar Arana «Lotsaizuna» - John Maxwell Coetzee, 2004 - 207. orr.

2 (izenondo eta izenlagun eta kidekoetan)

Gezurra zuen maite, eta bizimodu bikoitza. Bizimodu jakin batekin gaixotasun bat sortzen bada, bizimoduari bere horretan eutsita gaixotasuna hor egongo da; baita sendagaiekin ere. Joxean Agirre «Romain zen bere izena», 2003 - 63. orr.

Ofizio eta bizimodu berekoen artean sortu ohi diren konplizitateak. «Kuskue tanden», 2004 - 153. orr.

Etxeko jauna eta gonbidatua bizimodu lasaiaren plazerrei buruz hitz egiten hasi ziren. Jose Morales «Arima hilak» - Nikolai Gogol, 1998 - 53. orr.

Erabilitako liburuen denda bateko jabearen bizimodu lasai eta baketsua. Oskar Arana «Brooklyngo erokeriak» - Paul Auster, 2006 - 242. orr.

Baina badu lana, gaixoak, ez du bizimodu erraza. Josu Zabaleta «Anne Franken egunkaria» - Anne Frank, 2004 - 6. orr.

Lan gogorra zen -bizimodu gogorra-, baina, orain, uztera zihoala, ez zitzaion bizimodu guztiz gaitzesgarria ere iruditzen. Irene Aldasoro «Dublindarrak» - James Joyce, 1999 - 56. orr.

Bizimodu petrala da, hauxe. Xabier Olarra «Antropologo bat Marten» - Oliver Sacks, 2003 - 81. orr.

Hil-artean-bizi tankerako bizimodu zozoan trabaturik. ondenatuta zeunden bizimodu garratz eta kexu amaigabeko batera. Xabier Olarra «Antropologo bat Marten» - Oliver Sacks, 2003 - 123. orr.

Lanbideagatik bizimodu txarreko emakumea bada ere, fidatzen da harekin. Oskar Arana «Lotsaizuna» - John Maxwell Coetzee, 2004 - 9. orr.

Arabiar musulman primitiboek zakar astindua zuten beren bizimodu arkaiko tradizionala. Iñaki Mendiguren «Historiaren azterketa II» - A.J. Toynbee, 2000 - 68. orr.

Planetako biztanle guztiek bizimodu duina izatea baita erronka. Itziar Eizagirre / Amaia Lizarralde «Garapen iraunkorra», 2005 - 38. orr.

Norbait hitzez edo egitez fede eta bizimodu katolikotik okertzen bada eta onbideratzen ez, gure Anaiartetik erabat egotzia izan bedi. Askoren artean «Asisko Frantzizko, Asisko Klara», 2002 - 146. orr.

Bere bizitzako gainontzeko egunak Milanen eman zituen, oso bizimodu iluna eramanez. Juan Martin Elexpuru «Delituez eta zigorrez» - Cesare Beccaria, 1999 - 10. orr.

Daramagun bizimodu ez-naturalak eragiten ditu, eta beste zenbait, azkenik, ez dira diruditen bezain garrantzizkoak. Irene Aldasoro «Giza gorputza lanean» - John Lenihan, 2006 - 255. orr.

Zoriontsutzat daukat neure burua bakarrik bizi naizelako, nire iritziz horixe baita gizonezkoen taxuzko bizimodu bakarra. Joxe Austin Arrieta «Homo Faber» - Max Frisch, 2001 - 135. orr.

Honek guztiak ez didala nire lehengo bizimoduko alderdi tamalgarrienak minez oroitzen uzten. Joxan Elosegi «Ahardikeriak» - Marie Darrieussecq, 2004 - 8. orr.

Andre zahar hark axolagabetasun estoikoz erantzuten zien eguneroko bizimoduen nahigabe materialei. Karlos Zabala «Mikel Strogoff» - Jules Verne, 2002 - 281. orr.

Lozorrozko bizimodu bat zeraman. Josu Zabaleta «Jakintzaren arbola» - Pio Baroja, 2006 - 201. orr.

Ez ote zuten ba nahiko, arrakastarik ez bada ere, gutxienez, patxadako bizimodu erosorik? Patziku Perurena «Trapuan pupua», 2001 - 293. orr.

Esplikatu zidanez, bizimodu sedentarioa eginez, gizen-deposito bat formatzen da begietan barrena, osasunaren kaltean. Juan Garzia «Sistema periodikoa» - Primo Levi, 1998 - 69. orr.

Ipuin kontalari baten bizimoduko joan-etorri etengabekoa. J.M. Olaizola "Txiliku" «Bizitza eredugarriak», 2006 - 122. orr.

Andre zahar hark axolagabetasun estoikoz erantzuten zien eguneroko bizimoduen nahigabe materialei. Karlos Zabala «Mikel Strogoff» - Jules Verne, 2002 - 281. orr.

Nekazari-inguruetako bizimodua bere hutsaltasun ergel osoan. Oskar Arana «Lotsaizuna» - John Maxwell Coetzee, 2004 - 224. orr.

Landa-giroko bizimoduaren utopia (eta ukronia) delakoan. Edorta Agirre «Baietz okerreko bidea aukeratu! », 2006 - 99. orr.

Ez du inoiz oso begi ona eduki nekazaritza-giroko bizimoduaren edertasunari erreparatzeko. Oskar Arana «Lotsaizuna» - John Maxwell Coetzee, 2004 - 279. orr.

3 (hitz elkartuetan lehen osagai gisa)

Modu horretan, bizimodu-eredu batzuek giza loratzea bultzatuko lukete. Askoren artean «Filosofiako gida», 2004 - 204. orr.

Bestelako bizimodu mota batekin. Mendebaldeko bizimodu-itxura bat modan jarri zen gobernu autokratiko ekumeniko baten baimenaz. Iñaki Mendiguren «Historiaren azterketa II» - A.J. Toynbee, 2000 - 186. orr.

Herrialde honetan gaur egun gertatzen ari diren bizimodu aldaketak. Berria - Kultura 2006-05-03

4 (hitz elkartuetan bigarren osagai gisa)

Giza bizimodu baten ezaugarri eta alderdi guztiak dira kultura. Askoren artean «Filosofiako gida», 2004 - 295. orr.

Bikote-bizimoduak badauka bere alde ona ere. Jon Arretxe «Larunbatak», 2001 - 24. orr.

Afizionatua, laborari-bizimoduaren zale kartsua benetako laboraria baino areago. Oskar Arana «Lotsaizuna» - John Maxwell Coetzee, 2004 - 156. orr.

Hemen amaitzen da aitaren langile-bizimodua. Joseba Urteaga «Lekua» - Annie Ernaux, 2003 - 37. orr.

Gogaiturik zegoen ijito-bizimoduaz. Jose Morales «Arima hilak» - Nikolai Gogol, 1998 - 397. orr.

Ikasle-bizimoduari agur esatea neukan pentsatuta baina, lan txukunik agertu ez zitzaidanez, hala-moduzko erabakiak hartu nituen. Xabier Mendiguren Elizegi «Arima enkoniatuak», 2006 - 21. orr.

-Akabo estudiante bizimodu hau! Jon Arretxe «Ostiralak», 2000 - 32. orr.

Gero Lindak bereak kontatu zituen, bere saltinbanki-bizimodu bohemioa. Koro Navarro «Zalakain abenturazalea» - Pio Baroja, 2006 - 193. orr.

Neronek ikusi nuen jauzilariak ere preparazio berbera egin bide zuen bere kirol-bizimoduan. Karlos Linazasoro «Ez balego beste mundurik», 2000 - 21. orr.

Mendebaldearen kultur garaipen goiztiar eta garrantzitsuenetako baten ondorioz, Mendebaldeko kristau-bizimoduaren normandiar adierazle eta zabaltzaile bihurtu zirelarik. Iñaki Mendiguren «Historiaren azterketa II» - A.J. Toynbee, 2000 - 267. orr.

Egiazko abentura-bizimodua ari ginen eramaten, Bonnie and Clyde berriak ginen. Joxan Elosegi «Ahardikeriak» - Marie Darrieussecq, 2004 - 112. orr.

Gehienetan, gizarte-bizimodua egiteko ahalegin hauek isilaldi mingarriekin amaitzen ziren. Oskar Arana «Brooklyngo erokeriak» - Paul Auster, 2006 - 34. orr.

Jauregi-bizimoduaren jakin-minez zegoela, gau batean, ametsetan, aipaturiko anaiak ikusi zituen anaien bizilekutik kanpora eta hauen elkartetik aparte. Askoren artean «Asisko Frantzizko, Asisko Klara», 2002 - 356. orr.

Badirudi ez zirela asko ermitau-bizimodua zeramaten anaia txikiak. Askoren artean «Asisko Frantzizko, Asisko Klara», 2002 - 160. orr.

Ez dakit zehatz-mehatz Adelaren maite-bizimoduaren berri. Juan Kruz Igerabide «Hauts bihurtu zineten», 2005 - 91. orr.

Era batera nahiz bestera, umeak horrela alde egin izanak zer esaten zigun Auroraren ezkon bizimoduaz? Oskar Arana «Brooklyngo erokeriak» - Paul Auster, 2006 - 159. orr.

hitz multzoen maiztasunak (gutxienez 4 aldiz agertzen direnak)

arteko bizimodu (4); baina bizimodu (6); bere bizimodu (25); beren bizimodu (6); beste bizimodu (16); beste bizimodu bat (10); bestelako bizimodu (5)

bizimodu arruntean (4); bizimodu aspergarria (4); bizimodu bat (28); bizimodu baten (10); bizimodu berri (28); bizimodu berri bat (10); bizimodu berri bati (10); bizimodu berria (15); bizimodu berrian (4); bizimodu berriaren (4); bizimodu berrira (5); bizimodu duina (10); bizimodu duinago baten (4); bizimodu ederra (4); bizimodu erraza (4); bizimodu eta (22); bizimodu gogorra (4); bizimodu haren (4); bizimodu hau (14); bizimodu hau hartu (5); bizimodu hobea (11); bizimodu hobea izango (4); bizimodu hobearen (6); bizimodu hobearen bila (6); bizimodu hori (13); bizimodu horrek (5); bizimodu horretan (5); bizimodu hura (14); bizimodu lasaia (6); bizimodu latza (9); bizimodu mota (5); bizimodu normal (5); bizimodu normala (26); bizimodu normala egin (9); bizimodu tradizionala (4)