Egungo Euskararen Hiztegia (EEH)

telefono (orobat telefona g.er.) 1 iz telefoniaren bidez komunikatzeko tresna; telefonia. ik urrutizkin.

Begirada batez sala zeharkatu, eta telefono bat ikusi du, beltza, zahar-itxurakoa, liburuz estalitako apalaren ondoan. Iban Zaldua «Gezurrak, gezurrak, gezurrak», 2001 - 178. orr.

Emakume bat sartu zen aldameneko kabinan eta bere txanponak ipini zituen telefonoan. Koro Navarro «Zortzi kontakizun» - Isaac B. Singer, 2002 - 112. orr.

Galdera horixe zebilkidan gogoan, abuztuko larunbat horretan, erredakziotik bere etxeko telefonoa markatu nuenean. Aingeru Epaltza «Rock'n'roll», 2000 - 185. orr.

Goizaren erdia joana zen telefonoak jo zuenean. Jon Alonso «Lisboako Setioaren Historia» - José Saramago, 2000 - 51. orr.

Berriz jo zuen telefonoak. «Loroaren teorema» - Denis Guedj, 2006 - 440. orr.

Zirkinik ere egin gabe, joka utzi nuen telefonoa. Aingeru Epaltza «Rock'n'roll», 2000 - 32. orr.

Ordubete geroago etxeko telefonoa hoska hasi zen. Bernardo Atxaga «Soinujolearen semea», 2003 - 175. orr.

Telefonoaren txirrina orduantxe, eskerrak. Joxe Austin Arrieta «Homo Faber» - Max Frisch, 2001 - 84. orr.

Telefonoa hartu eta deitzen saiatu zen. Harkaitz Cano «Pasaia blues», 1999 - 49. orr.

Telefonoa kakotik hartu eta zenbaki bat markatu nuen. Xabier Olarra «Iruzurgilea» - James Cain, 2002 - 86. orr.

Etxera deitu nizun, baina inork ez zuen telefonoa hartu. Jon Alonso «Lisboako Setioaren Historia» - José Saramago, 2000 - 77. orr.

Joanaren telefonoaren pantailara iritsitako mezua: [...]. Antton Olano «<//jokoa.com>» - Gemma Lluch, 2002 - 41. orr.

-Telefonoa bat-batean moztu da. Koro Navarro «Zertaz ari garen maitasunaz ari garenean» - Raymond Carver, 2003 - 124. orr.

Orduan, bidal ezazu norbait nahi duzun orduan, nik ezin dut denbora gehiago galdu, eta telefonoa eskegi zuen. Jon Alonso «Lisboako Setioaren Historia» - José Saramago, 2000 - 52. orr.

Telefonoa eskegi, aulkitik altxa, bulegotik irten, niregana dator. Koldo Izagirre «Agirre zaharraren kartzelaldi berriak», 1999 - 62. orr.

-Zergatik eseki didan telefonoa? Antton Olano «<//jokoa.com>» - Gemma Lluch, 2002 - 61. orr.

Lehenago ere deitu nion behin, berarekin hain zakarra izan nintzelako barka eske, baina pausatu egin zidan telefonoa hogeita hamar segundoren buruan. Oskar Arana «Brooklyngo erokeriak» - Paul Auster, 2006 - 63. orr.

Esaldia bukatu gabe telefonoa pausatu nuen eta, denak ziren bezala utzirik, ziztuan kanpora abiatu nintzen. Daniel Landart «Anaiaren azken hitza», 1999 - 12. orr.

Llumek telefonoa itzali eta Daniri begiratzen dio. Antton Olano «<//jokoa.com>» - Gemma Lluch, 2002 - 20. orr.

Eskua telefonoaren gainean pausatu zuen, itxaron egin zuen oraindik ere, isiltzeko azken aukera eman nahiko balio bezala. Jon Alonso «Lisboako Setioaren Historia» - José Saramago, 2000 - 124. orr.

Aurrez telefonoz deitu eta bere asmoa agertuko dio. Pako Aristi «Gauza txikien liburua», 2004 - 120. orr.

Telefonoz ari nintzen bitartean koadernoa ikusten nuen mesanotxearen gainean. Bernardo Atxaga «Soinujolearen semea», 2003 - 176. orr.

Aita musika-gelan sentitzen nuen, telefonoz hizketan. Anjel Lertxundi «Ihes betea», 2006 - 146. orr.

Ezin dinat telefonoz esan. Anton Garikano «Bederatzietatik bederatzietara» - Leo Perutz, 2003 - 71. orr.

Osaba Juani ez zitzaion telefonoz luzatzea gustatzen. Bernardo Atxaga «Soinujolearen semea», 2003 - 42. orr.

Gela bat hartu behar diagu eta telefono bat lortu; badakik, Müllerrek deitzen badigu ere. Alberto Ladron Arana «Eguzki beltzaren sekretua», 2004 - 90. orr.

Suaren hotsa eta aitaren telefonoko jardun urrutiarena, ez zen besterik entzuten. Anjel Lertxundi «Ihes betea», 2006 - 146. orr.

Aski haren telefonoa kontrolatua edukiko zuten. Xabier Olarra «Iruzurgilea» - James Cain, 2002 - 125. orr.

Ziztuan atera nintzen telefono bat zegoela oroitzen nintzen kalezulo batera. Fernando Rey «Paradisuko Almanaka» - Gianni Celati, 2005 - 206. orr.

-Badakizu ardiarena egiten? -erantzun zioten telefonoaren beste aldetik. Jon Arretxe «Ostiralak», 2000 - 45. orr.

Satelite bidezko telefonoa. Pello Salaburu «XX. mendearen argi-itzalak», 2001 - 112. orr.

2 (izenondo edo izenlagunekin)

Aurkitzen zuen lehen telefono publikora zuzendu eta bere sailera hots egingo zuen. Harkaitz Cano «Pasaia blues», 1999 - 46. orr.

Autoko eskularru-kaxak haginkada batez irentsi zuen Ximurraren telefono mugikorra. Aingeru Epaltza «Rock'n'roll», 2000 - 12. orr.

Telefono mugikor batek jo du. Pako Aristi «Urregilearen orduak», 1998 - 100. orr.

Sakelako telefonoan ari zen emakume baten hitz-hotsak esnatu nau. Pako Aristi «Gauza txikien liburua», 2004 - 41. orr.

Sakelako bi telefono ditu ezker-eskuin, eta batetik ez denean, bestetik ari da. Anjel Lertxundi «Italia, bizitza hizpide», 2004 - 41. orr.

Zein aldaketa izan den telefono mugikorren erabiltzea jendeen arteko harremanetan! Ramuntxo Etxeberri «Skyroom», 2004 - 45. orr.

Telefono zuzena ez da telefonistarengandik pasatzen, telefono zuzenen bidez lasai asko hitz egin daiteke. Jon Alonso «Lisboako Setioaren Historia» - José Saramago, 2000 - 255. orr.

Pasiloan zehar abiatu da Beatrizen bila, eta sukaldea aukeratu du lehenengo: telefono gehigarririk izatekotan, hantxe egon behar du. Iban Zaldua «Gezurrak, gezurrak, gezurrak», 2001 - 178. orr.

Geroz eta maizago, ordenagailu ondoan dagoen telefono isilean pausatzen dut begirada. Iban Zaldua «Gezurrak, gezurrak, gezurrak», 2001 - 117. orr.

Telefono erotikoa antolatzea berebiziko ideia izan zen, horretan ez zegoen dudarik. Jon Arretxe «Ostiralak», 2000 - 31. orr.

3 (hitz elkartuetan lehen osagai gisa) ik telefoniko; telefonia 2.

Bat hautatu dut; ez telefono-gidan ageri den lehenengoa, bigarrena baizik. Iban Zaldua «Gezurrak, gezurrak, gezurrak», 2001 - 118. orr.

New Yorkera itzuli nintzenean, deitzen saiatu nintzen, baina telefono aurkitegian ez ziren ageri ez Boris Merkin ez Esther Merkin. Koro Navarro «Zortzi kontakizun» - Isaac B. Singer, 2002 - 71. orr.

Telefono-zerrendan bilatu beharko du zenbakia, baldin eta telefonista zerrenda emateko gertu badago. Jon Alonso «Lisboako Setioaren Historia» - José Saramago, 2000 - 254. orr.

Ez dut etsirik hartu auzo guztietako telefono liburuak begiratu arte. Harkaitz Cano «Piano gainean gosaltzen», 2000 - 102. orr.

Banku paper, telefono faktura, era askotako prospektu, eta etxeko tresnen edo hi-fi kateen erabilera-giden bereizte lanari ekin nion. Joxan Elosegi «Nola hustu nuen gurasoen etxea» - Lyidia Flem, 2005 - 46. orr.

Telefono-sala publiko batera iritsi nintzen. Anjel Lertxundi «Ihes betea», 2006 - 314. orr.

Cesar Telleria hoteletik atera eta ahalik eta azkarren telefono kabina bat bilatzen saiatu zen. Harkaitz Cano «Pasaia blues», 1999 - 14. orr.

Urrutizkin zentraletik, Gipuzkoan telefono zentralita zuten herri guztietara gaztigatuko zen Igeldoko zerbitzutik emandako abisu iragarpena. Pello Zabala «Zeruan zer berri», 2006 - 42. orr.

Lapitz bat hartu zuen, auskalo zenbatgarren aldiz hura ere, telefono-mahaitxoaren gainetik. Anjel Lertxundi «Ihes betea», 2006 - 148. orr.

Telefono-bulegoko batek esan dit itsasoan bataila handi bat gertatu dela, St. John's-en, Ternuan. Lopez de Arana «Manhattan Transfer» - John Dos Passos, 1999 - 320. orr.

Handik herri gehienetako telefono-etxeetara, eta handik sakristauari abisua. Pello Zabala «Zeruan zer berri», 2006 - 44. orr.

Kartoizko kutxa txiki bat jarri nuen telefono aparatuaren alboan: borondatea zuenak jar zezala han txanpona. Bernardo Atxaga «Lekuak», 2005 - 237. orr.

Telefono-entzungailua eseki gabe utzi? Mirentxu Larrañaga «Hona hemen gu biok» - Dorothy Parker, 2006 - 119. orr.

Entzuten dut nola jartzen duen gizonak bere eskua telefono-mintzagailuaren gainean. Joxe Austin Arrieta «Homo Faber» - Max Frisch, 2001 - 248. orr.

Telefono txirrin bat joka. Xabier Mendiguren Elizegi «16 ipuin amodiozko», 2002 - 169. orr.

Telefono-hariaren beste aldean nago. Mirentxu Larrañaga «Hona hemen gu biok» - Dorothy Parker, 2006 - 106. orr.

Telefono postez posterako kable apur bat kurbatuen sabelak imajinatu zituen. Harkaitz Cano «Pasaia blues», 1999 - 51. orr.

Bizpahiru taxilari zeuden telefono zutoinaren inguruan solasean. Ramon Saizarbitoria «Gorde nazazu lurpean», 2000 - 28. orr.

4 (hitz elkartuetan lehen osagai gisa, gauza abstraktuekin)

Bell Atlantic telefono konpainiara deika. Harkaitz Cano «Piano gainean gosaltzen», 2000 - 108. orr.

Pantailak telefono sarerik ez daukala erakutsi dionean, deskonektatu egin du, bateriarik ez dezan alferrik gal. Hasier Etxeberria «Mutuaren hitzak», 2005 - 93. orr.

Badirudi telefono-linean interferentziak daudela. Jon Alonso «Lisboako Setioaren Historia» - José Saramago, 2000 - 290. orr.

Agian honantz dator zuzenean, telefono-deirik egin gabe. Mirentxu Larrañaga «Hona hemen gu biok» - Dorothy Parker, 2006 - 80. orr.

Artean ez zion hark gonbidapenik igorri, ez gutunik, ez telefono-mezurik, ez inolako berbarik helarazi. Oskar Arana «Brooklyngo erokeriak» - Paul Auster, 2006 - 91. orr.

Bultzadari eutsi eta telefono-hotsaren zain geratzea lortu nuen. Iban Zaldua «Gezurrak, gezurrak, gezurrak», 2001 - 25. orr.

Ulertzen ez duen hizkuntza batean egindako zenbait telefono-mehatxu jasan behar izango ditu. Iban Zaldua «Gezurrak, gezurrak, gezurrak», 2001 - 36. orr.

Zakar baitzegoen ustezko telefono entzuteen ondorioz. Ramon Saizarbitoria «Gorde nazazu lurpean», 2000 - 194. orr.

5 (hitz elkartuetan lehen osagai gisa, pertsonekin)

Telefono-operadoreei ere "maitea" deitzen diet, barren. Mirentxu Larrañaga «Hona hemen gu biok» - Dorothy Parker, 2006 - 111. orr.

Haiek abiatu berri direla, telefono-konpontzailea dator, eta gero Ettinger zaharra. Oskar Arana «Lotsaizuna» - John Maxwell Coetzee, 2004 - 145. orr.

Telefono-arduradunak gerra-garaiko zailtasunak aipatu zizkidan. Anjel Lertxundi «Ihes betea», 2006 - 314. orr.

6 (hitz elkartuetan bigarren osagai gisa)

Zorioneko esku-telefonoak. Edorta Jimenez «Europako mugetan barrena», 2000 - 41. orr.

Etxerako bidean sakela-telefonoa joka hasi zitzaion Josebari. Fernando Morillo «Gloria Mundi», 2004 - 71. orr.

Posible izango zatekeen estatu bietako herri eta hiri bakoitzeko informazio-telefonoetara deitu eta Hawthorne 87 helbidean bizi zen David Minor-en telefonoaz galde eginez haiek aurkitzea. Oskar Arana «Brooklyngo erokeriak» - Paul Auster, 2006 - 287. orr.

Mikel berriro, Ander's oraino eskuetan, erredakzioko helbide-telefonoak dakartzan orriari begira. Xabier Mendiguren Elizegi «16 ipuin amodiozko», 2002 - 167. orr.

Kriptan ez dago barne-telefonorik. Karlos Linazasoro «Ez balego beste mundurik», 2000 - 10. orr.

Aitak axotaz besoan apuntatu zidan tinta azulezko flirt-telefono zenbakia amak xaboi-urarekin igurzten zidan bitartean. Harkaitz Cano «Neguko zirkua», 2005 - 28. orr.

7 telefono zenbakia.

Tokien segurtatzeko eta xehetasunentzat telefono huntara deitu: 05 59 29 54 41. Herria 2004-06-10

Roma Maloren telefonoa bilatu, Roma Malori deitu. Unai Elorriaga «SPrako tranbia», 2001 - 61. orr.

Telefonoa eskatu zidan hala ere, begiratu behar zituela berriro bere argazki zaharrak. Alberto Barandiaren «Mundu txikia», 2005 - 122. orr.

Etxeko telefonoa eman baitzidan, behar nuenean dei niezaion. Joan Mari Irigoien «Odolean neraman», 2004 - 106. orr.

Dena dela, emadazu zure telefonoa, eta berriren bat izanez gero berehala deituko dizut. Migel Angel Mintegi «Denak du bere prezioa», 2002 - 57. orr.

Erantzuidazu, eta helbidea eman, eta telefonoa. Pako Aristi «Urregilearen orduak», 1998 - 241. orr.

Garai hartan aldizkarian lan egiten zuen erredaktore baten telefonoa lortu nuen. Alberto Barandiaren «Mundu txikia», 2005 - 117. orr.

Ipini duen telefonoan zenbaki bat gaizki dago, badaezpada. Iban Zaldua «Gezurrak, gezurrak, gezurrak», 2001 - 34. orr.

Adeitsua da, nire izena eta telefonoa apuntatu ditu, baina ez zait deirik iritsi. Agurtzane Juanena «Esan gabe neukana», 2003 - 116. orr.

Ez da denbora askoan egon behar banku batean zaintzaileen buruaren telefonoa buruz jakiteko. Xabier Olarra «Iruzurgilea» - James Cain, 2002 - 86. orr.

9 telefono numero telefono zenbakia.

Bestea, Luisentzako errekadu bat, telefono numero bat; deitzeko, mesedez, astelehenean. «Eta emakumeari sugeak esan zion», 1999 - 110. orr.

Horra ere gau eskolako telefono numeroa: 05 59 93 40 83. Herria 2004-09-23

10 telefono zenbaki (245 agerraldi, 59 liburu eta 91 artikulutan)

Telefono zenbaki hura besterik ez nuen: 943882621. Paper zati bat, Tomen izena, helbidea eta telefono-zenbakia idatzita zeuzkana. Iban Zaldua «Gezurrak, gezurrak, gezurrak», 2001 - 134. orr.

Telefono zenbaki bat eskatu dit, eta egun osoan badaezpada ere lokalizatzeko moduan egoteko esan dit. Pako Aristi «Venezuela, iraultza isilaren hitzak», 2000 - 129. orr.

Orduan nik etxeko telefono zenbakia eman diot. Patxi Zubizarreta «Jeans-ak hozkailuan», 2000 - 326. orr.

Telefono-zenbakia utzi nion. «Loroaren teorema» - Denis Guedj, 2006 - 516. orr.

Iragarkian agertzen zen telefono-zenbakia markatu eta hitzordu bat adostu nuen Sandrarekin. Josetxo Azkona «Patata soro bat», 2004 - 75. orr.

Telefono zenbakia aldatzeko asmoa ere hartu nuen. Koro Navarro «Zortzi kontakizun» - Isaac B. Singer, 2002 - 87. orr.

Salgai zioen kartela oroitu zuen eta hitz erabakigarriaren azpian jarritako telefono zenbakia zein ote zen. Harkaitz Cano «Pasaia blues», 1999 - 186. orr.

Bere pusketan Dongen izena eta telefono zenbakia aurkitu zituzten. Ramuntxo Etxeberri «Skyroom», 2004 - 223. orr.

hitz multzoen maiztasunak (gutxienez 4 aldiz agertzen direnak)

bere telefono zenbakia (6); helbidea eta telefono (6); izena eta telefono (6); sakelako telefono (30); sakelako telefono bidezko (4)

telefono aurkibidean (5); telefono bidez (29); telefono bidezko (16); telefono dei (105); telefono dei bat (37); telefono deia (44); telefono deia jaso (10); telefono deiak (34); telefono deialdi (4); telefono deiaren (8); telefono deien (7); telefono deietan (4); telefono deirik (10)