Egungo Euskararen Hiztegia (EEH)

oinarri 1 iz gauza bati eusten dion azpiko atal, gehienetan trinkoa. ik zimendu; egonarri; harroin 2.

Bola itxurako lanparak marmolezko oinarri bat zuen, eta atzeko hanken gainean zutik jarritako kobrezko untxi bat. Joseba Urteaga «Lekua» - Annie Ernaux, 2003 - 70. orr.

Lanpararen oinarriari tinko heldurik. «Loroaren teorema» - Denis Guedj, 2006 - 171. orr.

Oinarrien gainean goratuak, marmolezko estatuak, goibelak, zuriak baina goroldio meheak lizunduak. Joseba Sarrionandia «Lagun izoztua», 2001 - 223. orr.

Gelaren lau izkinetan, halamoduzko oinarrietara jasota, zurezko santuak paretara begira, milizianoei bizkarra emanez. Inazio Mujika Iraola «Gerezi Denbora», 1999 - 69. orr.

Eraikuntza hauek guztiak [...] neurrira landu eta zerraturiko harri bikainez egin zituzten oinarrietatik habeetaraino, etxearen kanpoaldetik areto nagusiraino. Elizen arteko biblia 1 Erg 7,9

Hiriko harresiaren oinarriak era guztietako harribitxiz zeuden apainduak: lehenengo oinarria jaspez, bigarrena zafiroz, hirugarrena kaltzedoniaz, laugarrena esmeraldaz. Elizen arteko biblia Ap 21,19

Oinarrietarako harri bikainak ezarri zituen, harri handiak, bost eta launa metrokoak. Elizen arteko biblia 1 Erg 7,10

Kontuan hartu plintoak, basak, dadoak, erlaitzak eta zimazioak kolomen oinarriaren azpian egongo den estilobatoarekin egokituz egin behar direla. Santiago Iruretagoiena «Arkitekturaz hamar liburuak» - Vitruvio, 2000 - 1650. orr.

Azpian oinarri bat egingo da lurretik altxatuta, harri-koskorrek edo zoladurak ez dezaten egurrik ukitu. Santiago Iruretagoiena «Arkitekturaz hamar liburuak» - Vitruvio, 2000 - 1270. orr.

Keopsen piramideak karratua du oinarria. «Loroaren teorema» - Denis Guedj, 2006 - 49. orr.

Oinarri karratu bat egiten da, grezieraz eschara esaten dena, alde bakoitzetik hogeita bat oin dituena eta lau zeharraga dituena. Santiago Iruretagoiena «Arkitekturaz hamar liburuak» - Vitruvio, 2000 - 5150. orr.

Berriro eraikiko da oinarri horien gainean, eta koloso berdinak jarriko dira, ezberdintasun anker batekin: oraingo honetan zimenduak hain ondo hartuta egongo direnez gero, ez zuen belaunaldiak eta ez hurrengoek ez dute eraistea lortuko. Juan Martin Elexpuru / Bego Montorio «Filosofia apaingelan» - Sade, 2001 - 223. orr.

Mendiak eta lurraren oinarriak dardaraz jartzen hark begiratzean. Elizen arteko biblia Si 16,19

Oinarriek huts egitean, zintzoak zer egin? Elizen arteko biblia Sal 11,3

2 irud/hed ik funts; sustrai.

Enpirismoan oinarriak sentipen-datuak dira. Askoren artean «Filosofiako gida», 2004 - 89. orr.

Zuhurtziaren oinarria zuhurtzia nahi izatea da. Elizen arteko biblia EsZ 4,7

Lehen mailako eskola judu erlijiosoa, hiru urtetik aurrerako mutikoei hebreeraren, Torah-ren eta judutasunaren oinarriak irakasten zitzaiena. Koro Navarro «Zortzi kontakizun» - Isaac B. Singer, 2002 - 222. orr.

Zuzenbide idatzia, arrazoiduna, Herri Batzarrek sortua, horiexek ditugu sistema berriaren oinarriak. Andres Urrutia «Frantziako kode zibilaren lehen proiektua» - Jean di Portalis, 2000 - 18. orr.

Honi dagozkion gogoetek, apaiz izan zein prakadun, inarrosi egiten ditiztek denak, eta gure oinarriak berak dardarazten. Txillardegi «Putzu», 1999 - 292. orr.

Oinarri horiek egunerokoak ditugu aldiotan ere eta edozein legelarirentzat ezinbestekoak, lege jorraketa arruntean nahiz goi mailako ikerketan. Andres Urrutia «Frantziako kode zibilaren lehen proiektua» - Jean di Portalis, 2000 - 11. orr.

Einsteinen arabera, lan zientifiko on ororen oinarrian erlijiozko sentimendu bat dago, "arrazoiaren usteekin" hertsiki lotua. Iñaki Segurola «Gaur ere ez du hiltzeko eguraldirik egingo», 2005 - 42. orr.

Argi dago inork ez dezakeela ezarria dagoen oinarria besterik ezar; eta oinarri hori Jesu Kristo da. Elizen arteko biblia 1 Ko 3,11

Gure euskal legedia, foruetan aurkitzen dena alegia, beste oinarri batzuetan funtsatzen zelako. Pello Salaburu «XX. mendearen argi-itzalak», 2001 - 106. orr.

Espazioaren ideia gorputzari eta haren mugimenduari lotuta dago oinarri-oinarritik. Josu Zabaleta «Irudia» - Jacques Aumont, 2004 - 38. orr.

Fermatek zenbakien teoria modernoa sortu zuen; probabilitateen teoriaren oinarriak jarri, Pascalekin batera; [...]. «Loroaren teorema» - Denis Guedj, 2006 - 344. orr.

· 10²=100 denez gero, 100en logaritmoa, oinarria 10 denean, 2 da: log₁₀100=2. «Loroaren teorema» - Denis Guedj, 2006 - 409. orr.

3 (izenondo eta izenlagunekin)

Adierazgarritasunari dagokionez, oinarri sinple batean oinarritzen da: estiloa zenbat eta berriagoa izan, orduan eta adierazgarriagoa da. Josu Zabaleta «Irudia» - Jacques Aumont, 2004 - 265. orr.

Teoria fonologikoaren oinarri nagusietako bat zeregin horretarako prozedura analogikoak ziren. Itziar Laka «Egitura sintaktikoak» - Noam Chomsky, 2003 - 11. orr.

Lege naturalaren doktrinak hiru oinarri orokor ditu: [...]. Askoren artean «Filosofiako gida», 2004 - 300. orr.

Oinarri sendo horren gainean altxatu zuten karitatearen egitura noblea. Askoren artean «Asisko Frantzizko, Asisko Klara», 2002 - 206. orr.

Teoria honek ez duela inolako oinarri zientifikorik. Josu Zabaleta «Irudia» - Jacques Aumont, 2004 - 92. orr.

Gaitzaren oinarri biologikoak aztertu dituzte lan horietan. Berria - Gaiak 2004-11-04

Gaurko kulturaren antropologiaren oinarri filosofikoak. Berria - Euskal Herria 2004-02-11

Politika ekonomikoaren oinarri teorikoak. Koro Navarro «Ekonomiaren globalizazioa» - Jacques Adda, 2004 - 150. orr.

XX. mendeko estetika, nolanahi ere, bestelako oinarri batzuetatik abiatu da. Josu Zabaleta «Irudia» - Jacques Aumont, 2004 - 282. orr.

4 (hitz elkartuetan lehen osagai gisa)

Motor finkoa, oinarri-plaka astun bati torlojuz loturik egoten da, oinarri-plaka zorura irmo josia dagoela. Irene Aldasoro «Giza gorputza lanean» - John Lenihan, 2006 - 57. orr.

Oinarri-puntu bat aurkitu. Xabier Olarra «Deabruaren hiztegia» - Ambroise Bierce, 2001 - 123. orr.

Zenbat eta oinarri puntu gehiago izan, orduan eta errazago mantentzen da oreka. Berria - Kirola 2006-03-15

Beste gauza batzuk alda daitezke Euskadi sarien oinarri-arauetan, baina hori ez. Berria - Kultura 2004-09-30

Adimen hutsaren oinarri-esakunea: agerpen oro handitasun hedatua da bere begiespenari dagokionez. Ibon Uribarri «Arrazoimen hutsaren kritika» - Immanuel Kant, 1999 - 292. orr.

5 (hitz elkartuetan bigarren osagai gisa)

Zimendu horren gainean benediktarren ordenak Mendebaldeko ekonomi bizitzaren nekazaritza-oinarria jarri zuen, eta oinarri horrek eman zion zistertar ordenari industri gainegiturarako oinarria. Hindu eta Mendebaldeko zibilizazioek ia ez zuten kultur oinarri komunik. Gizarte garatuetan, batez ere estatu-oinarriak justifikatu ahal izateko, aurrera gehien egin duen sistema politikoa demokrazia formala izan da. Iñaki Mendiguren «Historiaren azterketa II» - A.J. Toynbee, 2000 - 103. orr.

Baina nire helbururako askigarria da froga-oinarri soila begi-bistan jartzea, era herrikoian bada ere. Ibon Uribarri «Arrazoimen hutsaren kritika» - Immanuel Kant, 1999 - 297. orr.

Semiperiferiak, nahiz eta ez egon beti esportazioan espezializatua, ekoizpen-oinarri dibertsifikatuagoa izaten du. Koro Navarro «Ekonomiaren globalizazioa» - Jacques Adda, 2004 - 56. orr.

Izan ere, nigan topa daitezkeen nire izatearen determinazio-oinarri guztiak errepresentazioak dira. «Harreman arriskutsuak» - Choderlos de Laclos, 1997 - 526. orr.

Halako kasuek erakusten digute, beraz, bizitzaren atxikimendu-oinarri osoari azpijana egin diezaiokeela lesio neurologiko batek. Xabier Olarra «Antropologo bat Marten» - Oliver Sacks, 2003 - 278. orr.

Politika horrek [...] zerga-oinarria zabalduz, estatuaren sarrerak handitzen zituen. Koro Navarro «Ekonomiaren globalizazioa» - Jacques Adda, 2004 - 36. orr.

Barneko organoei doakienez, bihotza besterik ez zaio egotzi, horren izena balio anitzekoa delako, 'adimena' ere esan nahi baitu, aldi berean, izaki bizidunaren bizi-oinarria izanez. Xabier Kintana «Alderraien gidaria» - Mose ben Maimon, 2006 - 112. orr.

6 oinarrizko ik oinarrizko.

7 oinarri eman

Bai, baina Iraken aurkako erasoa nazioarteko legedia aintzat hartu gabe egin izanak ez al dio oinarri eman giza eskubideen bortxaketari? Berria - Mundua 2004-05-13

8 oinarri hartu ik oinarritu.

Gangak adreiluzko zerrenda zuri eta gorriak zeuzkan, eta haren arku beheratuek burdinurtuzko nerbioekin bat egiten zuten, zutabetxo batzuetan oinarri harturik. Karlos Zabala «Parisen sabela» - Emile Zola, 2004 - 274. orr.

Damurik botek ez zuten oinarri hartzen ahal, lerratu egiten zitzaizkion berehala. Koldo Izagirre «Sua nahi, Mr. Churchil?», 2005 - 234. orr.

Egiptoarrek Sirio hartzen zutenean oinarri, eta ez eguzkia, arazo bera zuten, zeren Sirioren urtea eta eguzkiarena ia-ia parekoak izanik ere, betiere galtzen zituzten ordu batzuk. Pello Salaburu «XX. mendearen argi-itzalak», 2001 - 28. orr.

Inbentarioan sailkaturiko 196 eskuizkribuetatik 147 oinarri harturik, ondorio aski finkatuetara iritsi dela dirudi Santuaren idazkien benetakotasunari eta testu kritikoari buruz. Askoren artean «Asisko Frantzizko, Asisko Klara», 2002 - 35. orr.

Azterketa genetikoa oinarri hartuta, txinpantzeek eta gizakiok gene berberak omen ditugu ehuneko laurogeita hamabostean edo gehiagoan. J.M. Olaizola "Txiliku" «101 gau», 2000 - 107. orr.

Dibortzioa ere elkarrekiko adostasunak ekar dezake, ezkontza bera elkartea delako kari hori oinarri hartuta. Andres Urrutia «Frantziako kode zibilaren lehen proiektua» - Jean di Portalis, 2000 - 70. orr.

Ideologia burges txikiaren esanetara zegoen, eta nazionalismoan, aktibismoan eta boluntarismoan hartzen zuen oinarri. Rafa Egiguren «Mentxakaren aitorpena» - Jose Ramon Goikoetxea, 2006 - 232. orr.

MCCk, lehen lauhilekoa oinarri hartuz, salmentak %10 handitzea espero du aurten Banaketa Taldean eta %8 Industria Taldean. Berria - Ekonomia 2004-05-21

9 oinarri izan du ad

Banakoaren neurosiak sexua du oinarri; aldiz erlijioak, neurosi unibertsalak alegia, norberekeria. Markos Zapiain «Errua eta maitasuna», 2002 - 41. orr.

Eta guk Jainkoa dugu oinarri, Jainkoa gidari... Joan Mari Irigoien «Lur bat haratago», 2000 - 539. orr.

Tradizio klasiko horrek bi doktrina esoteriko zituen oinarri: [...]. Xabier Kintana «Alderraien gidaria» - Mose ben Maimon, 2006 - 12. orr.

Lehenak bigarrena baitu oinarri, eta ez alderantziz! Karlos Linazasoro «Glosolaliak», 2004 - 53. orr.

Eztabaida horien ildotik, eta txosten horixe izanik oinarri, NBEk erabaki zuen 1992an Ingurumenari eta Garapenari buruzko Nazio Batuen Konferentzia egitea. Itziar Eizagirre / Amaia Lizarralde «Garapen iraunkorra», 2005 - 22. orr.

Tradizio klasiko horrek bi doktrina esoteriko zituen oinarri: [...]. Xabier Kintana «Alderraien gidaria» - Mose ben Maimon, 2006 - 12. orr.

Erresuma Batuan, politika oinarri duten fikzioek arrakasta badute. Berria - Kultura 2004-01-21

Elezaharrak oinarri duen gertaera historikoa -horren berri testuaren hasieran ematen da- Analesen bildu zuen Aleson-ek. Martin Anso «Elezaharren bidetik», 2004 - 198. orr.

Posible da, beraz, euliaren baitan enbrioiaren garapenak oinarri duen sistema genetikoa aztertzea. Juan Garzia «Sagua, eulia, eta gizakia» - François Jacob, 2004 - 58. orr.

hitz multzoen maiztasunak (gutxienez 5 aldiz agertzen direnak)

adimen hutsaren oinarri (23); adimenaren oinarri (15); adimenaren oinarri esakune (5); apriorizko oinarri (10); apriorizko oinarri esakune (6); argiketa oinarri (11); batasunaren oinarri (12); demokraziaren oinarri (7); ditu oinarri (37); du oinarri (90); dugu oinarri (6); dute oinarri (29)