Egungo Euskararen Hiztegia (EEH)

oihal 1 iz ehun sarria eta ile-laburra; bereziki artilezkoa; ehuna; ehun horren zatia.

Ikara ematen zuen etxeko oihal, zapi eta ehunetara hurbiltzeak: hauts bihurtzen ziren ukitze hutsarekin. Jose Morales «Arima hilak» - Nikolai Gogol, 1998 - 178. orr.

Bertan, janari hornidura handiak, urrezko eta zetazko oihalak, tapiz garestiak eta, batez ere, urregorrizko nahiz zilarrezko txanpon pila. Patxi Zubizarreta «Mila gau eta bat gehiago» - Anonimoa, 2002 - 96. orr.

Ataria liho eta muselinazko oihalez apaindua zegoen. Elizen arteko biblia EstGr 1,6

Gizonezko askok Durangora jo ohi zuen lanera, artilezko oihalak eta zapiak egiteko industriak indarra baitzuen han garai hartan. J.M. Olaizola "Txiliku" «Bizitza eredugarriak», 2006 - 203. orr.

Urrez ehundutako oihal hori txanoan sartzen zen atzealdetik. Karlos Zabala «Mikel Strogoff» - Jules Verne, 2002 - 308. orr.

Oihalezko kapela buruan jarrita. Aitor Arana «Onan», 2000 - 96. orr.

-Erakutsi tarteko prezioko oihalen bat. Jose Morales «Arima hilak» - Nikolai Gogol, 1998 - 505. orr.

Ametsetan ari nintzen, eta oihal bat ehuntzen ikusi nuen nire burua. Bernardo Atxaga «Groenlandiako lezioa», 1998 - 63. orr.

Emaiozu pobretxo honi oihala, soinekoa bukatzeko lain izan dezan. Askoren artean «Asisko Frantzizko, Asisko Klara», 2002 - 334. orr.

Geroago iratzarri zen eta berak ireki zituen oheko oihalak. «Harreman arriskutsuak» - Choderlos de Laclos, 1997 - 475. orr.

Arraioa, esne-mamitan bizi zara -segitu zuen Monak, haren berokiaren oihala ukitu bitartean. Fernando Rey «Hobe nuen etxean gelditu» - Horace McCoy, 2002 - 25. orr.

Hementxe dut, zeuk Terebinto haranean hil zenuen Goliat filistearraren ezpata, oihal batean bildua. Elizen arteko biblia 1 Sm 21,10

Oihal batean bildutako sei hosto zekartzan. Agustin Otsoa «Eraztunen Jauna III» - J.R.R. Tolkien, 2004 - 173. orr.

Sarreraren hegal batek zazpi metro eta erdi oihal izango ditu, hiru zutabe eta hiru oinekin. Elizen arteko biblia Ir 27,14

Javierrek ETAkoen aldeko oihal bat jarri nahi izan zuen udalean. Pello Salaburu «XX. mendearen argi-itzalak», 2001 - 108. orr.

Hauek dituzue haren ohe-sabaiko oihalak, hura, mozkor-mozkor zetzala, estaltzen zutenak. Jose Antonio Mujika «Agindutako lurraren bila II», 2002 - 156. orr.

Testu guztiaren atzean, bizitzea tokatu zitzaion agertokiko atzeko oihal bezala, egoera politikoa, esespena, gerra eta arrazakeria, bizitza eta heriotza. Josu Zabaleta «Anne Franken egunkaria» - Anne Frank, 2004 - 8. orr.

ik beherago 9. Askoren artean «Asisko Frantzizko, Asisko Klara», 2002 - 574. orr.

Atzeko oihalaren atzean, gaizki konektatuta balego bezala-edo, argi berde bat piztuko da, eta Pertsonaien itzalak proiektatuko ditu. Josu Zabaleta «Sei pertsonaia autore bila» - Luigi Pirandello, 2003 - 143. orr.

Portugali, hortaz, ingeles oihala inportatzea interesatzen zaio, nahiz eta oihal horren erabateko kostua portugaldar oihalarena baino handiagoa izan. Koro Navarro «Ekonomiaren globalizazioa» - Jacques Adda, 2004 - 39. orr.

Bi enpresen artean 150 milioi metro denim (jeanetarako oihal) ekoitzi zuten. Berria - Ekonomia 2006-03-08

Liho zabarrez egindako oihala da, eta ziurrenik pinturaren azpian, oihala prestatzeko geruza eta likido bakartzailea ageriko dira. Javi Cillero «Hollywood eta biok», 1998 - 55. orr.

2 (izenondoekin)

Oihal zuriz estalitako saski baten hondotik hartuta. Karlos Zabala «Parisen sabela» - Emile Zola, 2004 - 46. orr.

Oihal zurian erortzen da orbanik handiena. Berria - Kirola 2004-06-05

Oihal beltz bustiekin estalitako mahaien gainean. Karlos Zabala «Parisen sabela» - Emile Zola, 2004 - 263. orr.

Kotoiko oihal fina, izen bereko hiri txinatarrean ekoizten zena. Karlos Zabala «Mikel Strogoff» - Jules Verne, 2002 - 255. orr.

Gona, berriz, oihal leunekoa eta, alkandorako sagar batzuk bezala, lila kolorekoa zen. Bernardo Atxaga «Soinujolearen semea», 2003 - 166. orr.

Inork ez dio jantzi zaharrari oihal gordinezko adabakirik josten; bestela, adabaki berriak jantzi zaharra behartu eta zarratada handiagoa egingo luke. Elizen arteko biblia Mk 2,21

Oihal larriz eginikako erridau bat baizik ez zen logela beste barnetik berexten zuena. Janbattitt Dirassar «Bihotzeko mina», 1997 - 104. orr.

Purpurazko jantzia eta koroa daramatzanagandik oihal latzez jantzirik dagoenaganaino. Elizen arteko biblia Si 40,4

Atexka bat ireki, eta oihal latzezko beroki lodi batean bilduriko irudi bat agertu zen. Jose Morales «Arima hilak» - Nikolai Gogol, 1998 - 70. orr.

Zangoak estaltzeko oihal lodi bat jartzen zuen, gerriko gorri batekin lotua. Fernando Rey «Ararat mendiaren sumina» - Yasar Kemal, 2003 - 63. orr.

Oihal gaztainkaraz forraturiko beroki hartz-larruzkoa soinean. Jose Morales «Arima hilak» - Nikolai Gogol, 1998 - 207. orr.

Sinpletasunera jo dute Teatro La Bokako kideek eta hiru oihal bertikal besterik ez dute erabili eszena apaintzeko. Berria - Kultura 2004-02-08

Bazen oliozko kriseilu handi bat mahaiko oihal laukidunaren gainean. Koro Navarro «Artistakume baten erretratua» - Dylan Thomas, 1999 - 28. orr.

Jarlekua aurkitzen du ahizpak diruditen bi neska mardulen eta esku bat oihal odoleztatu batez bilduta daukan gizon baten artean. Oskar Arana «Lotsaizuna» - John Maxwell Coetzee, 2004 - 134. orr.

Oihal tolestuak armairuan sartzen dira. Josu Zabaleta «Gerrako pilotu» - Antoine Saint-Exupéry, 2003 - 91. orr.

Mareak behera egindakoan, zetazkoa dirudien oihal sotil batek estaltzen du lokaztia, aparrak garagardoa bezala. Hasier Etxeberria «Arrainak ura baino», 1999 - 25. orr.

-Oihal ingelesa?, edo, aukeran, hemengoa nahiago duzu, Errusiakoa bertakoa? Jose Morales «Arima hilak» - Nikolai Gogol, 1998 - 503. orr.

Zamarrak, oihal indianoz eginak eta kotoi gordinez estaliak, gerrian estutzen zituzten. Karlos Zabala «Mikel Strogoff» - Jules Verne, 2002 - 230. orr.

Feltrozko kapela, laneko alkandora kaki-kolorea, oihal bakerozko jaka eta galtzamantala erabiltzen zituen beti. Koro Navarro «Zertaz ari garen maitasunaz ari garenean» - Raymond Carver, 2003 - 102. orr.

Oihal itsuaren aurrez aurre, entzun bai, baina ez zuen ikusten. «Loroaren teorema» - Denis Guedj, 2006 - 122. orr.

3 (hitz elkartuetan lehen osagai gisa)

Hiru kasu gerta daitezke, Portugalek Ingalaterrari egiten dion oihal-eskariaren elastikotasunaren arabera. Koro Navarro «Ekonomiaren globalizazioa» - Jacques Adda, 2004 - 41. orr.

Esku-oinak oihal-zerrendaz loturik eta aurpegia zapi batez estalirik zituen. Elizen arteko biblia Jn 11,44

Lapikotik gertu zegoen Esteban, buruan oihal-esteka eta balak kraskatu zion bular-kaxaren gainean oihal-esteka, beso bat ere igeltsatuta zuela. Harkaitz Cano «Neguko zirkua», 2005 - 139. orr.

Oihal-zati bat ezkutuan eman nahi izan zion behartsu bati. Askoren artean «Asisko Frantzizko, Asisko Klara», 2002 - 661. orr.

Anaia guztiak arropa zirtzilez jantz bitez, eta zakukiz nahiz bestelako oihal-puskaz adaba ditzakete. Askoren artean «Asisko Frantzizko, Asisko Klara», 2002 - 155. orr.

Jeremiasek lurrean sartu dituen harri horien gainean ezarriko ditut haren tronua eta gaineko oihal-estaldura. Elizen arteko biblia Jr 43,10

10.30etan Meza nagusia, oihal aterbe batean. Herria 2005-09-22

Erakusketa, pilota, haur joko, musika, bazkari (150 bazkaltiar oihal-aterbe pean)... ez zen mugimendurik falta Bidarraiko feria egunean. Herria 2005-05-05

933 bal, 881 kutxa, 10 saski, 8 oihal-fardel. Lopez de Arana «Manhattan Transfer» - John Dos Passos, 1999 - 207. orr.

Errotak eta bolak ez ziren geldirik egoten, oihal-fabrikak, aroztegiak eta irundegiak etengabe aritzen ziren lanean. Jose Morales «Arima hilak» - Nikolai Gogol, 1998 - 176. orr.

Saltzaileak aise igarri zuen oihal-kontuetan aditua zen erosle baten aurrean zegoela. Jose Morales «Arima hilak» - Nikolai Gogol, 1998 - 504. orr.

Hiru kasu gerta daitezke, Portugalek Ingalaterrari egiten dion oihal-eskariaren elastikotasunaren arabera. Koro Navarro «Ekonomiaren globalizazioa» - Jacques Adda, 2004 - 41. orr.

Autarkia-egoeran, izan ere, ardo-unitate bat, Portugalen, 0,89 oihal-unitaterekin trukatzen da. Koro Navarro «Ekonomiaren globalizazioa» - Jacques Adda, 2004 - 39. orr.

· Kolore beltzeko oihal-zintzilikailu astun bat jaitsi zen beiratearen aurrean. «Loroaren teorema» - Denis Guedj, 2006 - 46. orr.

4 (hitz elkartuetan lehen osagai gisa, elkarketak pertsonei dagokiela )

Frantziskoren aita, Pedro Bernardone, oihal-saleroslea zen lanbidez. Askoren artean «Asisko Frantzizko, Asisko Klara», 2002 - 25. orr.

Oihal-ekoizle ingelesek, alderantziz, irabazi handiagoa lortzen dute beren produktuan portugaldar merkatuan Ingalaterran baino. Koro Navarro «Ekonomiaren globalizazioa» - Jacques Adda, 2004 - 39. orr.

Oihal-merkatari gisa, Pedro Bernardone Champagne eskualdera joango zen, Mediterraneotik Ipar Itsasora zihoan bidetik. Askoren artean «Asisko Frantzizko, Asisko Klara», 2002 - 189. orr.

Beratar oihal saltzaile bat ezagutzen zuen, harekin negozio zenbait baitzuen eginik. Elena Touyarou «Hautsi da katea» - Toti Mtz. de Lecea, 2004 - 251. orr.

Jerusalemera heldu zirenean, goiko urtegirako ubide ondoan gelditu ziren, oihal-garbitzailearen sororako bidean. Elizen arteko biblia 2 Erg 18,17

5 (hitz elkartuetan bigarren osagai gisa)

Bainu-oihal bat luzatu zidan gero, aurpegia xukatzeko. Joxan Elosegi «Ahardikeriak» - Marie Darrieussecq, 2004 - 55. orr.

Altzari, besaulki eta dibanak, babes-oihalak kendurik, berpiztu egiten ziren. Xabier Olarra «Azken hitzordua» - Sandor Marai, 2003 - 79. orr.

Eguerditan bezala, mahai gainean garbi-oihala hedatu eta baxera gainean emaiten dut idortzen. Filipe Bidart «Bakartasunaz bi hitz», 2004 - 54. orr.

Nora popa aldean zegoen, Hawthorneren liburua eskuetan eta sorbalda-oihal bat soinekoaren gainetik. Anjel Lertxundi «Azkenaz beste», 2005 - 135. orr.

Dama-itxurako izaki horietako asko [...] galtzerdirik gabe, sorbalda-oihal gorria eta bortzegiak soinean. Jose Morales «Arima hilak» - Nikolai Gogol, 1998 - 194. orr.

Gelaren erdira joan zen, bere sorbalda gazteak lepo-oihalean bildurik, hotzez dardaraka baitzeuzkan. Jose Morales «Arima hilak» - Nikolai Gogol, 1998 - 459. orr.

Erdietsi ere zuen, denborarekin, dantzen eragoztea eta debekatzea, aldi batez, baita emaztekiek buru-oihal haien eramaitea ere. Joan Mari Irigoien «Lur bat haratago», 2000 - 229. orr.

Kaliza, korporal, aldare-oihal eta meza-oparitarako erabiltzen den oro ederra izan dadila. Askoren artean «Asisko Frantzizko, Asisko Klara», 2002 - 113. orr.

Hor da gure segurtasun sentimendua, gure bizitza marraztuko den hondo-oihala. Joxan Elosegi «Nola hustu nuen gurasoen etxea» - Lyidia Flem, 2005 - 21. orr.

ik beherago 9. Askoren artean «Asisko Frantzizko, Asisko Klara», 2002 - 574. orr.

Kordoi bati tiratu zion eta, bat-batean, zinema-oihal bat agertu zen sabaitik nire pareko liburu-apalategian behera. Anjel Lertxundi «Mentura dugun artean», 2001 - 115. orr.

Emazteek orduak lisatzen eta bazkari apailatzen nahiz bastatzen, azpiltzen, josten, mahai oihal brodatzen edo trikotatzen pasatzen zituzten. Itxaro Borda «%100 basque», 2001 - 185. orr.

Zabalagotu zeure etxolaren esparrua, hedatu beldur gabe zeure egoitza-oihalak. Elizen arteko biblia Is 54,2

Emakume haserre batek, zaku-oihal zoldatsu batez jantzirik, sekulako jipoia eman zion neskato errukarri bati. Jose Morales «Arima hilak» - Nikolai Gogol, 1998 - 478. orr.

Eta ekarri zeurekin zurdatz-oihala nire gorpua janzteko, eta hilobirako behar den argizaria. Askoren artean «Asisko Frantzizko, Asisko Klara», 2002 - 1100. orr.

Lumak, tintontziak eta ezko-oihal koadrodunezko azalekiko koaderno batzuk zeuden han, eskola-umeek kontuak egiteko erabiltzen dituztenak bezalakoak. Xabier Olarra «Azken hitzordua» - Sandor Marai, 2003 - 9. orr.

Jainkoak nahi duen arte, hil-oihala gordean egongo da. Patxi Zubizarreta «Mirarien kalezuloa» - Nagib Mahfuz, 2006 - 50. orr.

· irud/hed Zerua gorritu egin zen, mendien atzeko gau-oihal beltza atzeratuz, eta eguzkia kolpe batez agertu zen. Juan Kruz Igerabide «Txoria» - Oh Jung-hi, 2006 - 108. orr.

6 haize oihala, bela.

Haizeak, ipar aldetik joka, Leongo Golkotik zehatz esatera, oihalak puztu zituen, eta iritsi ziren azkenik Napolesera. Felipe Juaristi «Airezko emakumeak», 2003 - 65. orr.

Masta luzeak apurtuak, oihalak zarrastatuak. Felipe Juaristi «Airezko emakumeak», 2003 - 172. orr.

Itsaso Beltzean nekez eta poliki zebiltzan itsasontzien oihal hanpatuak bezala. Felipe Juaristi «Airezko emakumeak», 2003 - 285. orr.

Han dira arrain-ontzi txikiak, oihal koadroa daramatenak, kostaldez kostalde ibiltzera ohituak, kostaldeko gorabeherei egokituak, nola lanperna haitzetara. Felipe Juaristi «Airezko emakumeak», 2003 - 172. orr.

Itsaosontzi beltza uretara eraman, masta eta oihalak jarri, animaliak hartu, eta malkoz urturik abiatu ginen. Juan Kruz Igerabide «Ulises» - Homero, 2000 - 73. orr.

Judua itsasora bota ezean, ez zela Jainkoaren haserrea atertuko, ez zela haizea oihaletara itzuliko. Felipe Juaristi «Airezko emakumeak», 2003 - 64. orr.

Poliki beren eskuetan haizea preso hartu zuten oihal koadroak. Felipe Juaristi «Airezko emakumeak», 2003 - 18. orr.

Brankako oihala haizeari emanik. Elizen arteko biblia Eg 27,40

7 antzoki baten agertokian igo eta jaits daitekeen ehun zati handia.

Bigarren ekitaldirako oihalak jasotzeko garai da. Oskar Arana «Brooklyngo erokeriak» - Paul Auster, 2006 - 299. orr.

Emanaldia bitan etengo da: lehenengoan, oihala ez da jaitsiko. Josu Zabaleta «Sei pertsonaia autore bila» - Luigi Pirandello, 2003 - 17. orr.

Oihala jasotzean, Leone Gala, sukaldari kapelaz eta mantalaz jantzita, zurezko zali batez arrautza jotzen ari da katilu batean. Josu Zabaleta «Sei pertsonaia autore bila» - Luigi Pirandello, 2003 - 25. orr.

Agertokiko oihala zabalik geratuko da. Josu Zabaleta «Sei pertsonaia autore bila» - Luigi Pirandello, 2003 - 71. orr.

Oihala. Antton Olano «Fidel izan beharraz» - Oscar Wilde, 2000 - 63. orr.

8 margolanak egiteko erabiltzen den euskarria.

Françoisek pintzelik finena hartu eta marra bat pintatu zuen oihalean, marra zuri bat goiko aldean, marra estu luzea. Felipe Juaristi «Airezko emakumeak», 2003 - 153. orr.

Gelaren beste aldean, hiru hankadun aulki bat eta oihalari eusteko asto zaharkitua zeuden; astoaren atzean, berriz, Rodolfok bere bizitzan zehar margotutako oihal gehienak, bata bestearen gainean pilaturik. Aritz Gorrotxategi «Egurra Pinotxori», 2002 - 90. orr.

Hiru margolan eder, bertikalki pintatuak, oihalek lorioski haizearen presentzia salatzen dute. Herria 2005-07-28

Manuel de Fallak idatzi zuen ballet hau, eta 1949. urtean Dalik, 30 urte lehenago Picassok egin bezala, eszenografia horretarako oihalak margotzea onartu zuen. Berria - Kultura 2004-08-25

Tamaina handiko oihala da (294 x 209 zentimetro), eta, urrunetik begiratuz gero, beirate baten itxura magikoa hartzen du, oihala margotzean Grecok erabilitako teknika dela-eta. Berria - Kultura 2004-03-16

Liho zabarrez egindako oihala da, eta ziurrenik pinturaren azpian, oihala prestatzeko geruza eta likido bakartzailea ageriko dira. Javi Cillero «Hollywood eta biok», 1998 - 55. orr.

Oihal margotua zahartu egiten da, hobeto ala gaizkiago, eta pigmentuak aldatuz joaten dira. Josu Zabaleta «Irudia» - Jacques Aumont, 2004 - 152. orr.

Marmol berdezko pilareak, nabar ilunak, eta margo-oihalak, goibelak. Irene Aldasoro «Dublindarrak» - James Joyce, 1999 - 255. orr.

9 atze oihal eszenatokietako atzeko oihala.

Bi eszena-hegal eta atze-oihal bat, ate batekin, aski izango dira. Josu Zabaleta «Sei pertsonaia autore bila» - Luigi Pirandello, 2003 - 72. orr.

Atze-oihala goratu eta segituan, han ageri zen gure amona Pina pintzelarekin eta margotzeko astoarekin eta hitzok esaten zituen: [...]. Fernando Rey «Gure etxeko kontuak» - Natalia Ginzburg, 2004 - 28. orr.

Konpainia-burua eta Aita salbu, lurrean egongo baita oraindik eskaileratxoaren ondoan, gainerako guztiak zeruarena egiten duen atze oihalaren atzean desagertu izango dira. Josu Zabaleta «Sei pertsonaia autore bila» - Luigi Pirandello, 2003 - 142. orr.

Bazerien igurikimen-kutsu halako bat, desatsegina ez zen urduritasun apur bat, atze-oihala igo zain daudenei antzeman ohi zaiena bezalakoa. Mirentxu Larrañaga «Hona hemen gu biok» - Dorothy Parker, 2006 - 60. orr.

10 eguzki oihal itzal egiteko zabaltzen den olana euskarriduna.

Goian, pertsianak itxiak daude, eta eguzki oihalak jaitsiak. Karlos Zabala «Parisen sabela» - Emile Zola, 2004 - 262. orr.

Goiko leihoak irekitzen zituzten, eguzki oihal gris handiak zintzilik jartzen; zeru goritik behera suzko euria erortzen zen merkatuaren gainera, berotu egiten zuen burdin xaflazko labe bat balitz bezala. Karlos Zabala «Parisen sabela» - Emile Zola, 2004 - 191. orr.

Pabiloiak pilatzen ziren, beren bi teilatu mailekin, beren pertsiana jarraituekin, beren eguzki oihal ikaragarriekin. Karlos Zabala «Parisen sabela» - Emile Zola, 2004 - 262. orr.

11 esku oihal ik eskuoihal.

12 haize oihal ehun gogorrezko edo olanazko zatia, gehienetan puska josiez osatua, haizeak eragiten dionean ontzia mugiarazteko antolatua. ik gorago 6; ik bela.

Ontzi-mota berria asmatu zuten hamabosgarren mendean, hiru masta eta sokateriaz hornitua, lehenengo latindar haize-oihalak eta gero txopatik brankara oihalak zituena. Iñaki Mendiguren «Historiaren azterketa II» - A.J. Toynbee, 2000 - 194. orr.

Baita hegan ere, haize-oihala hegaltzat harturik. Doi-doi patchwork modura osatutako haize-oihala eta lema horiez gain ez du ontziak besterik. Joan Mari Irigoien «Lur bat haratago», 2000 - 135. orr.

Zeren eta untzi on bat duenak untziz egin baitezake, oinez ez ezik, lasterka ere, ur gainean... baita hegan ere, haize-oihala hegaltzat harturik. Joan Mari Irigoien «Lur bat haratago», 2000 - 135. orr.

13 hil oihal ik hil¹ 54.

14 oihal denda¹ oihalez eginiko denda. ik beherago 17.

Astebete egon nintzen kanpaleku nagusian, hogei oheko oihal-dendan [...] alta eman zidaten arte. Harkaitz Cano «Neguko zirkua», 2005 - 122. orr.

Aspaldiko partez heriotza urrun ibiliko zen kanpamendu hartako oihal-denda hartatik, zelai kixkaliaren gainean inprobisatutako behin-behineko jantoki hartatik, barre ozen haiek uxatua. Harkaitz Cano «Neguko zirkua», 2005 - 136. orr.

15 oihal denda² oihalak saltzen diren denda.

Oihal-denda baten jabe zen merkataria, eta ardi-mozketa bere aurrean egin zezaten nahi izaten zuen, faltsifikazioak saihestearren-edo. Xabier Aranburu «Alkimista» - Paulo Coelho, 2001 - 18. orr.

Ostiralero bezala, otoitz orduan, bere aitaren oihal-denda zaintzen zegoen Mamu, hura meskitan zen bitartean. Juan Kruz Igerabide «Nire aitaren fusila» - Hiner Saleem, 2004 - 9. orr.

Izen berri kristaua hartuta, kontulari-lan bat erdietsi zuen oihal-denda batean. Oskar Arana «Brooklyngo erokeriak» - Paul Auster, 2006 - 17. orr.

-Zatozte, zatozte! -zioen, gizalegezko keinu nabarmenak eginez, saltzaile batek oihal-denda baten aurrean. Jose Morales «Arima hilak» - Nikolai Gogol, 1998 - 503. orr.

Oihal-denda izandako elizaren portxean eserita, pixka bat edanda eta zeregin handirik gabe, gai zen gauza horietan pentsatzeko. Anton Garikano «Maitea» - Toni Morrison, 2004 - 299. orr.

16 oihal etxe (29 agerraldi, 6 liburu eta 17 artikulutan; orobat oihaletxe 14 agerraldi, liburu 1 eta 10 artikulutan) ik oihalpe.

Jantoki gisara antolatutako oihaletxeko errezela zeharkatzen lehena izan nintzen. Harkaitz Cano «Neguko zirkua», 2005 - 139. orr.

Aratsaldean, Elaudiko kantarien boz fina eta soinularien musika eztia preziatzen ahalko dira edo zoin aro izanikan ere, oihal-etxe handi bat eraikia izanen baita. Herria 2001-05-10

Ororen buru, aterpe haundia, oihal etxe bat edo, hobeki erraiteko teilatu plastiko bat, murruen txapel izurtua. Piarres Aintziart «Santiago oinez», 2000 - 190. orr.

Uztaritzen "Xaputuan" bat muntatuko dugu, hogeitamar metro largo eta luze duen indiano oihal etxe bat. Herria 2004-05-20

Chellala herrixkan plantatu ginen, oihal etxe handien aterbean. Piarres Aintziart «Azken apeza», 2005 - 55. orr.

Arabiar oihal-etxe bat datilondo eta guzti -benetako artelana, Steffiren aitak egina kortxoekin-. Anton Garikano «Bederatzietatik bederatzietara» - Leo Perutz, 2003 - 113. orr.

17 oihal etxola (174 agerraldi, 11 liburu eta 12 artikulutan; orobat oihaletxola g.er.)

Ez naiz inoiz ere etxe batean bizi izan, israeldarrak askatu nituenetik gaurdaino; oihal-etxolan bizi izan naiz kanpalekuz kanpaleku. Elizen arteko biblia 1 Kro 17,5

Han tribu asko zeuden, kurdu nomaden kanpamentuak beren oihal-etxola handiekin. Fernando Rey «Ararat mendiaren sumina» - Yasar Kemal, 2003 - 51. orr.

-Jaunaren Kutxa eta Israel eta Judako soldaduak oihal-etxoletan dira; Joab nire buruzagia eta haren zerbitzariak lur gorrian etzaten dira. Jose Antonio Mujika «Agindutako lurraren bila II», 2002 - 54. orr.

Ben-Hadad, beste erregeekin batera, oihal-etxoletan edaten ari zen erantzun hau hartu zuenean. Elizen arteko biblia 1 Erg 20,12

Orduan, Tzadok apaizak, hartua baitzuen Jaunaren oihal-etxolatik olio-adarra, gantzutu egin zuen Salomon. Elizen arteko biblia 1 Erg 1,39

Ardoa edan zuenean, mozkortu eta oihal-etxolaren erdian biluztu egin zen. Jose Antonio Mujika «Agindutako lurraren bila I», 2002 - 32. orr.

Ikusi orduko, lasterka joan zitzaien oihal-etxolaren sarreratik. Elizen arteko biblia Has 18,2

Harpean eta beheitixeagoko belardietan oihal-etxola batzuk zeuden muntatuta. Fernando Rey «Ararat mendiaren sumina» - Yasar Kemal, 2003 - 130. orr.

Oihal-etxolak bildu eta Hebronen zegoen Mambre-ko Artadian kokatu zen Abran. Jose Antonio Mujika «Agindutako lurraren bila I», 2002 - 43. orr.

Baina onetsi behar izan zuten guarda nazional konpainia batek oihal etxolak beren funtsetan finka zitzan, mendi lepotik landa haien baserria lehena baitzen. Elena Touyarou «Hautsi da katea» - Toti Mtz. de Lecea, 2004 - 273. orr.

Asteartetik eta ostegun honetaraino oihal etxolak ezarri dituzte fakultate aitzineko pentzean. Herria 2001-11-08

18 oihal etxolagile

Ogibide bera zutenez -oihal-etxolagileak ziren -, haiekin gelditu zen bizitzen eta lanean. Elizen arteko biblia Eg 18,3

19 oihal ontzi ik oihalontzi.

hitz multzoen maiztasunak (gutxienez 3 aldiz agertzen direnak)

atzeko oihal (4); bainu oihal (4); bere oihal etxola (5); beren oihal etxola (3); beren oihal etxoletan (3); bi oihal (6)

estaltzeko oihal (3); gaineko oihal (3); hil oihal (5); holofernesen oihal etxolara (3)

jaunaren oihal (4); koloreko oihal (4); kotoizko oihal (3)

oihal astun (3); oihal aterbe (4); oihal batean bildu (3); oihal batek (6); oihal baten (11); oihal batez (12); oihal batzuk (3); oihal beltz (9); oihal beltzak (3); oihal busti (3); oihal denda (8); oihal dendan (3)