CALL FOR PAPERS 52 ZBK. - 2024ko ABENDUA

LAN-DENBORA XXI. MENDEAN

Azken urteotan Europako lan-denbora arautzen duen araudian izandako aldaketa garrantzitsuenek lotura dute Europar Batasuneko bi zuzentarauren transposizioarekin: 2019/1158 (EB) Zuzentaraua, familia-bizitza eta bizitza profesionala uztartzeari buruzkoa, eta 2019/1152 (EB) Zuzentaraua, lan-baldintza garden eta aurreikusgarriei buruzkoa. Estatu mailan, lanaldiaren murrizketa eztabaidatzen ari dira gaur egun, eta Espainiako Gobernuak lanaldia murriztu nahi du, langileen soldata bermatuz. Neurri horren onuren artean, familia eta lana bateragarri egitea eta enplegua sortzea eta produktibitatea handitzea nabarmentzen dira.

Lan-denbora mugatzea bereziki konplexua da. Hain zuzen ere, 2023an, Europako Batzordeak 2003/88/EE Zuzentarauaren interpretazio-komunikazio bat egin behar izan du, lan-denboraren antolamenduaren alderdi jakin batzuei buruzkoa. Zuzentarau horrek estatu kideen legediak aldatzea ekarri zuen, eta EBJAren epai garrantzitsu eta ezagunak eragin ditu. Erreferentziako araudia, Europako Erkidegokoa zein barnekoa, lan-denbora eta atsedenaldiaren mugaketa baztertzaile eta murriztailetik abiatzen da, eta langilearen presentzia fisikoan oinarritzen da. Hala ere, iraultza teknologiko eta digitalak kontzeptu klasiko horren gainezkatzea eragin du, eta gatazkak sortzen ditu lan-denboraren eta atseden-denboraren artean, jurisprudentziaren erabakiek konpontzen dituztenak.

Zenbaki honen bidez, lan-denborari buruzko egungo eta etorkizuneko legediari eta lan-eremuan eta gizarte-segurantzan duen aplikazioari (benetako lan-denbora, lanaldia, aurreikusgarritasuna, atsedena, baimenak, oporrak, lan-arriskuen prebentzioa, gizarte-segurantza...) buruzko gogoeta egitera gonbidatu nahi dugu.

CALL FOR PAPERS

ATAL IREKIA - ZENBAKIRIK GABE

Atal honetan aldizkarian lantzen diren gaien inguruko gainontzeko edozein ekarpen argitaratzeko aukera dago.

Gogoratu artikulu proposamenak bidal ditzakezula edozein momentutan, epemugarik gabe, gure atal irekirako. Kasu guztietan LAN HARREMANAK kanpo ebaluatzaileak erabiltzen ditu, peer review, erabakitzeko zein artikulu argitaratzen diren jasotako proposamenen artean; autore bezala, aukera izango duzu prozesua jarraitzeko OJS (Open Journal System) bitartez.