GENERAL SKILLS

G003 Metodo eta teoria berriak ikasteko gaitasuna emango duten eta egoera berrietara egokitzeko aldakortasuna emango duten oinarrizko irakasgaiak eta gai teknologikoak ezagutzea.



SOFT SKILLS

T001 Arazoak ekimenez, erabaki-hartzeaz, sormenaz eta arrazoiketa kritikoaz ebazteko gaitasuna, betiere pertsona guztientzako diseinuaren printzipioak errespetatuz.



SPECIFIC SKILLS

M03FM06 Biomaterialei buruzko ezagutzak, horien egiturak eta prozesaketak materialen propietateetan duen eraginaren analisia, eta hauen aplikazio biomedikoa.



LEARNING OUTCOMES

- RAG4 Graduatua gai izango da sendagaiak, biomaterialak eta ehunak garatzeko oinarri eta teknika garrantzitsuenak deskribatzeko.

- RAG13 Graduatuak identifikatu ahal izango ditu arlo teknologikoko soluzioekin konpon daitezkeen osasun-zientzien problematikak eta beharrak.

- RAT1 Graduatua arazoak ekimenez, erabakiak hartuz, sormenez eta arrazoibide kritikoz ebazteko gai izango da.

IKASGAIAK



Ikasgaia 01 Biomaterialen Zientzia eta Ingeniaritzari Sarrera.

Ikasgaia 02 Kimikaren oinarriak.

Ikasgaia 03 Metalen egitura.

Ikasgaia 04 Zeramiken egitura.

Ikasgaia 05 Polimeroen egitura.

Ikasgaia 06 Konpositeen egitura.

Ikasgaia 07 Materialen propietateak.

Ikasgaia 08 Prozesaketa.

Ikasgaia 09: Materialen portaera mekanikoa.

Ikasgaia 10 Biobateragarritasuna.

Ikasgaia 11 Biodegradagarritasuna eta korrosioa.

Ikasgaia 12 Biometalak.

Ikasgaia 13 Biozeramikak.

Ikasgaia 14 Biomaterial polimerikoak eta biopolimeroak.

Ikasgaia 15 Biokonpositeak.



LABORATEGIKO PRAKTIKAK



1.- Egitura-Propietateak erlazioak (4 laborategi praktika)

2.- Propietate mekanikoak (3 laborategi praktika)

3.- Material polimerikoen prozesaketa (3 laborategi praktika)

“Biomaterials” 6 kreditutako irakasgaia da. Hauetatik 6 kreditu klase magistralei dagozkie. 1.5 kreditu ikasgelako praktikei eta 1.5 kreditu laborategiko praktikei.



Klase magistraletan irakasleak ikasgai bakoitzari dagozkion azalpen zabalak emango ditu. Hauetan ikasleek beren oharrak hartzea espero da eta zalantzak sortzen badira irakasleari galderak egitea. Ikasleek eskuragarri izango dituzte eGelan ikasgai bakoitzean klasean erabiliko diren gardenkiak, pdf fitxategietan. Ikasleek irakasgaia jarraitu ahal izateko euskarri-materialak izango dituzte beraz eGelan. Klase magistralei dagozkienak pdf fitxategiak izango dira zeinak klaseetan erakutsitako gardenkiak izango diren. Gaiari buruzko azalpenak eta material grafiko eta audiobisualak aurkituko dira bertan.



Irakasleak ahozko azalpenak ematen dituen heinean ikasleen parte hartze aktiboa bultzatuko da. Ikasle taldearen eta irakaslearen arteko komunikazioa momentu oro irekita egongo da. Irakasleak galderak edo/eta ariketa laburrak proposa ditzake ikasle taldearekin interakzioa bilatuz eta ikasleen parte hartze aktiboa sustatuz. Beraz azalpenetan denbora tarteak eskeiniko dira taldearekin eztabaida sustatu eta azaldutako adigaiak ongi jasota geratzen direla bermatzeko.



Ikasgelako praktikei dagokienez bertan problemak, testak eta/edo galdera laburrak landuko dira. Horretarako 2-4 ikasle taldeak antola daitezke edukiak lantzeko elkarrekin. Horretarako denbora bat izan eta gero irakasleak ikasle taldeen laguntzarekin ariketen ebazpenak proposatuko ditu arbelean.





Azkenik, laborategiko praktikei dagokienez, Sailak dituen instalazio eta ekipamenduak erabiliz egingo dira. Praktika bakoitzeko lehen zatian klase magistraletan jadanik emanak diren adigaiak berrikusiko dira laburki, gogora ekarriz praktika egiteko behar diren edukiak. Behin teoria azalpena amaituta praktikari ekingo zaio, eta hala, dela materialen egiturak aztertzeari, sintesia edo prozesaketa teknikak lantzeari etab.. Ahal den neurrian, ikasleen taldea talde txikitan banatuko da.

Irakasgaia ebaluaketa jarraituaren bitartez ebaluatuko da. Ebaluaketa jarraia era honetan bideratuko da:



-Entregagaiak: Sei entregagai izango dira bigarren lauhilabetekoan zehar non ikasgaia garatuko baita.



Hauetatik hiru entregagai ikasgelako praktikei dagozkie eta notaren %25 balioko dute; beste hiru entregagiak laborategiko praktikei dagozkie eta beren balioa notan %25ekoa izango da.



Ikasgaiaren azterketa finalak testa, galdera laburrak eta problemak edukiko ditu ebazteko. Azterketa idatziari esleitutako zaion balioa nota osoaren %50 izango da.





Irakasgaia gainditzeko 5/10 arteko nota lortu beharko da, goian azaldu moduan egingo delarik parte ezberdinen batuketa.



EBALUAZIO JARRAITUARI UKO EGITEA

Ikasleak uko egin diezaioke ebaluazio jarraituari. Horretarako, lauhilabetearen 9. astea baino lehen, idatziz jakinarazi beharko dio irakasgaiaren irakasle arduradunari ebaluazio jarraituari uko egiten diola.



Ebaluazio jarraituari uko egiten dioten ikasleak idatzizko azterketa baten bidez izango dira ebaluatuak. Hala, azterketarako ipinita dagoen egun ofizialean, ikasleek idatzizko azterketa egin behar izango dute eta bertan ateratako notak ebaluazioaren 100% balioa hartuko du. Azterketa Teoria (testa eta galdera laburrak) eta Problemak ataletan banatuko da. Teoriari notaren %60 esleituko zaio eta problemen parteari %40.







DEIALDIARI UKO EGITEA



Azterketara ez aurkezteak azterketaren egun ofizialean esan nahiko du ikasleak deialdiari uko egiten diola.

- Klase magistraletan aurkezten diren gardenkien pdf fitxategiak, eGelan eskuragarri.
- Problema orriekin egindako liburuxka.
- Praktiketako gidoiak.

Oinarrizko bibliografia

Liburuak



-BIOMATERIALS. The intersection of Biology and Materials Science. Johanna S. Temenoff/ Antonios G. Mikos

-MATERIALS SCIENCE AND ENGINEERING. AN INTRODUCTION. William D. Callister, Jr/David G. Rethwisch

Gehiago sakontzeko bibliografia

-ASHBY M. J., JONES D.R.H. "Engineering materials "vol. 1 y 2.
-Buddy D. Ratner, Allan S. Hoffman, Frederick J. Schoen and Jack E. Lemnos. “Biomaterials Science: An introduction to materials in Medicine”. Academic Press 2012.
-David Williams. “Essential Biomaterials Science”. Cambridge University Press, 2014.

Aldizkariak

- Biomaterials
- Acta Biomaterialia
- Journal of Materials Science. Materials in Medicine.
- Advanced Healthcare Materials.