Materialen Zientziaren oinarriaren, teknologiaren eta kimikaren ezagutza. Mikroegituraren , sintesiaren edo prozesaketaren eta materialen propietateen arteko erlazioa ulertzea.

Iniziatibarekin arazoak konpontzeko eta erabakiak hartzeko gaitasuna, sormena, arrazoiketa kritikoa, ezagutza jakinarazteko eta hedatzeko iaotasuna, Ingenieritza Industrialaren alorrean trebezia eta abilezia.

Izendapena/Deskripzioa

1. Materialen garrantzia eta historia/ Materialen Zientzia eta Ingeniaritza. Garapen historikoa. Materialen erabilpenak eta egungo joerak.

2. Egitura atomikoa eta lotura kimikoa/ Egitura atomikoaren oinarriak. Eredu elektronikoak. Energia-mailak eta konfigurazio elektronikoak. Taula periodikoa. Lotura-indarra eta lotura-energia. Lotura atomikoak: ionikoa, kobalentea, metalikoa eta bigarren mailakoak. Lotura mistoak.

3. Solidoen kristal egitura/ Ordenamendu kristalinoa. Bravais-en sareak. Miller-en indizeak. Kristal egiturak metaletan. Bestelako egitura kristalinoak. X-izpien difrakzioa.

4. Solidoen egitura ez-kristalinoa/ Polimeroen egitura. Kate laburreko eta luzeko molekulak. Polimeroen kimika. Material polimerikoen familiak. Pisu molekularra. Egitura eta konfigurazio molekularra. Kristalinitatea polimeroetan.Beirak. Hozketa. Sarea modifikatzen eta eratzen duten oxidoak. Beste material ez-kristalino batzuk.

5.Solido errealak eta difusioa. Solidoetako akatsak.Puntu akatsak. Lerro akatsak. Gainazaleko akatsak. Ale tamainaren neurketa. Difusioa egoera solidoan. Difusioko lege matematikoak. Difusio koefizientea. Prozesu industrialak.

6. Fase-diagramak/ Definizioak. Disoluzio solidoak: Hume-Rothery araua. Gibbs-en faseen araua. Fase-diagrama motak: sustantzia puruenak, bitarrak eta hirutarrak. Guztiz disolbagarriak diren diagrama bitarrak. Diagrama bitarrak puntu inbarianteekin: eutektikoak, peritektikoak, monotektikoak. Tarteko fase eta konposatuen diagramak.

7. Korrosioaren oinarriak/ Metalen korrosio elektrokimikoa. Korrosioaren abiadura. Pasibitatea. Korrosioarekiko babesa. Oxidazioa. Zeramikoen korrosioa. Polimeroen degradazioa. Ingurumenaren eragina.

8. Materialen propietate mekanikoak/ Sarrera. Deformazio elastikoa. Deformazio plastikoa. Trakzio-propietateak eta tentsio-deformazio diagrama. Tenperaturaren eta deformazio-abiaduraren eragina. Materialen trakzio-portaeraren modelizazioa.Gogortasuna.Haustura eta Charpy entsaiua. Nekea. Isurpena.

9. Propietate funtzionalak/Propietate elektriko eta elektronikoak: eroankortasuna eta erresistibitate elektrikoa, portaera dielektrikoa. Propietate magnetikoak: magnetismo motak ezberdinak eta oinarrizko kontzeptuak. Material magnetikoak. Supereroankortasuna. Propietate termikoak: Bero ahalmena, eroankortasun termikoa, dilatazioa eta tentsio termikoak. Propietate optikoak: erradiazio elektromagnetikoa, argiaren elkarrekintza solidoekin, luminizentzia.

10. Material metalikoak/ Burdin materialak: altzairuaren eta burdinurtuen fabrikazioa, altzairu motak: eraikuntza altzairuak, herdoilgaitzak, erraminta altzairuak, burdinurtu motak. Aluminioa eta bere aleazioak. Kobrea eta bere aleazioak. Titanioa eta bere aleazioak. Beste aleazio ez-burdinazkoak. Material metalikoen tratamendu termikoak.

11. Material polimerikoak eta konposatuak/ Gehigarriak. Polimeroen portaera mekanikoa. Biskoelastikotasuna. Hutsegiteak. Termoplastikoak. Termogogorrak. Elastomeroak. Material konposatuak. Partikulez sendotutakoak. Zuntzez sendotutakoak. Konposatu laminarrak eta egiturakoak.

12. Material zeramikoak/Material zeramikoen fabrikazioa.Oinarrizko propietateak. Zeramika tradizionalak: adreiluak, teilak, portzelana, gresa. Zeramika teknikoak: alumina, zirkonioa, silizio karburoa, silizio nitruroa. Beirak: Fabrikazioa, propietateak eta aplikazioak. Bitrozeramikak: propietateak eta aplikazioak.

Klase magistraletan irakasleak aurkezpenak proiektatuz azalpen zabalak emango ditu. Ikasleek argitalpen zerbitzuan eskuratu ahal izango dute aurkezpen hauek agertzen diren liburua.

Mintegiak gai espezifikoak lantzeko erabiliko dira. Horretarako ariketa osagarriak egingo dira, horrela talde lana sustatuz eta ikasleen parte hartzea bultzatuz aldizka sortu ohi diren eztabaidetan. Modu honek materiaren jakintza teorikoa era praktikoago eta aplikatuago baten barneratzea ahalbideratzen du.

Laborategiko praktiketan, Materialen Zientzian erabiltzen diren teknika ezberdinen ezagutza bermatzen duten lan esperimental ezberdinak landuko dira. Ikasleek zentruko argitalpen zerbitzuan eskuragai duten laborategiko kuadernoa eraman beharko dute. Kuaderno honetan praktika bakoitzaren azalpen zehatza eta zenbait galdera motz aurkitzen dira, ikasleek praktika ongi uler dezaten.

Praktikak egiterakoan ikasleen osasun-segurtasuna bermatzeko, ikasle delegatuaren figura erabiliko da.

Irakasgaia ebaluazio jarraituaren bidez ebaluatzeko planifikatuta dago, baina ikasleek uko egin diezaiokete eta azken proba bakar baten bidez ebaluatu. Bi kasuetan, irakasgaiaren amaierako notak irakasgaiaren irakaskuntza-modalitate bakoitzean lortutako gaitasunen eta ikaskuntzaren ebaluazioa hartuko da kontuan, irizpide hauen arabera:

% 75 idatzizko azterketa, klase magistralei eta ikasgelako praktikei lotua;

% 15 mintegiei lotua;

% 10 laborategiko praktikei lotua;

Gainditzeko beharrezkoa da zati horietako bakoitzean 5/10 ateratzea.

Ebaluazio jarraituari uko egiteko, uko egite hori idatziz aurkeztu behar da (posta elektronikoz irakasgaiaren irakasle titularrari). Horretarako, 9 asteko epea dago, lauhilekoaren hasieratik kontatzen hasita.



Gerora sortutako ez-ohiko egoeren aurrean, unibertsitateak ezin baditu ebaluazio-probak aurrez aurre antolatu, egin beharreko aldaketak egingo dira ebaluazioa online egiteko. Kasu horretan, online ebaluazioaren ezaugarriak eGela bitartez argitaratu eta jakinaraziko dira.



EBALUAZIO JARRAIA:

Idatzizko azterketa:

Zati teoriko bat eta zati praktiko bat izango ditu. Biek dute pisu bera azterketako notan. Zati teorikoak test-galderak eta galdera laburrak izango ditu, eta horietan ikasgaiaren kontzeptuak garatuko dira. Alderdi praktikoak ebatzi beharreko bi ariketa izango ditu. Bi aldeen notek konpentsatuta egon behar dute, eta irakasleak erabakiko du zenbatespen hori. Azterketa idatziaren egunean, ikasleek idazteko gailuak (boligrafoak, arkatzak, errotuladoreak, goma), erregela, eskuaira eta kalkulagailua izango dituzte soilik.



Laborategiko praktikak:

Laborategiko 3 saio daude.

Praktika bakoitza ebaluatzeko, test bat egingo da e-Gelan, eta ezarritako epe batzuen arabera egingo da. Praktiken azken nota banakako hiru praktiken batez besteko aritmetikoa aplikatuz kalkulatuko da. Hala ere, praktika egiteko aukera izateko, beharrezkoa izango da aldez aurretik e-Gela bidez test bat behar bezala beteta izatea. Horretarako, beharrezkoa da aurreko testeko 5 galderetatik 3ri zuzen erantzutea. Testa egiten ez duten edo gainditzen ez duten ikasleek ezingo dute praktika egin, ezta praktika ebaluatzeko testa erantzun ere, eta, beraz, praktika horri dagokion nota zero izango da. Era berean, praktikara joan arren, dagokion testeko galderak ezarritako epeen barruan ez erantzutea zero izango da. Laborategiko praktiketara joaten ez diren ikasleek ebaluazio jarraiari uko egiten diotela ulertuko da, eta, beraz, azken ebaluazio-sistemaren bidez ebaluatuko dira.







* Laborategiko praktiketara joan eta ebaluazio jarraituko irizpideetan ezarritako nota gainditzen ez duten ikasleek azken azterketaren egunean galdera teoriko/praktiko baten bidez ebaluatzeko aukera izango dute.

* Irakasgaia gainditzen ez bada, praktiketako nota ez da gordeko datorren ikasturterako.



Mintegiak:

Mintegi bakoitza zeregin bati lotua dago, eta ikasleek dagokion datetan gauzatu eta entregatu beharko dute. Mintegietako azken nota zeregin horietako noten batez besteko aritmetiko gisa kalkulatuko da. Bigarren eta hirugarren mintegietan (7.gaia:korrosioa) egin beharreko zereginaz gain, e-Gela bitartez 5 galderako test bat erantzun beharko dute, mintegi-saioaren aurretik eta lortutako notak zereginaren nota haztatuko du.



Mingegira joan arren, dagokion zeregina ezarritako epeen barruan ez baldin bada entregatzen, mintegi horretako nota 0 izango da. Mintegira joaten ez diren ikasleek ezin izango dute dagokien zeregina entregatu eta mintegi horri dagokion nota 0 izango da. Ikaslea mintegi batera ere joaten ez bada, ebaluazio jarraiari uko egiten diola ulertuko da, beraz, azken ebaluazio-sistemaren bidez ebaluatuko da.

* Mintegietara joan eta ebaluazio jarraituko irizpideetan ezarritako nota gainditzen ez duten ikasleek azken azterketaren egunean galdera teoriko/praktiko baten bidez ebaluatzeko aukera izango dute.

* Irakasgaia gainditzen ez bada, mintegietako nota ez da gordetzen hurrengo ikasturterako.



Azken ebaluazioa

Azken ebaluazioa idatzizko azterketa baten bidez gauzatuko da. Azterketa horrek ebaluazio jarraiak dituen 3 zatiz osatua egongo da, eta irakasgaia gainditzeko irizpide eta baldintzak ebaluazio jarraiaren berberak izango dira: ikasgelako eskola magistralei eta praktikei lotutako idatziko azterketa bat, notaren %75-a, %15 mintegiei lotuta eta %10 laborategiko praktikei lotuta. Gainditzeko, hiru zatietako bakoitzean 5/10 lortu behar da.

Klaseko apunteak
Materialen Zientziaren Oinarriak. W. D. Callister. Elhuyar Ed. 2011.

Oinarrizko bibliografia

-Materials Science and Engineering, (9th Edition), W. Callister, Ed. Wiley (2014).

-INTRODUCTION TO MATERIALS SCIENCE FOR ENGINEERS (8th edition), James F. Shackelford, Ed. Pearson (2018)

-Ciencia e Ingeniería de los materiales. J.M. Montes, F.G. Cuevas, J. Cintas. Ed. Paraninfo. (2014)

-Ciencia e Ingeniería de los Materiales. D.R. Askeland. Ed. Thompson.(2003)

-Fundamentos de la Ciencia e Ingeniería de Materiales. W.F. Smith. Ed. McGraw-Hill Science. (2009)

Gehiago sakontzeko bibliografia

-Materiales para ingenieros 1. Introducción a las propiedades, las aplicaciones y el diseño. M.F. -Ashby. Ed. Reverté. (2008)
-Materiales para ingenieros 2. Introducción a la microestructura, el procesamiento y el diseño. M.F. -Ashby. Ed. Reverté. (2008)

Aldizkariak

Revista de Plásticos Modernos (www.revistaplasticosmodernos.es)
Revista de Metalurgia del CENIM (revistametalurgia.revistas.csic.es)
Boletín Cerámica y vidrio (boletines.secv.es)
Revista de Materiales Avanzados (www.iim.unam.mx/revista)
Journal of Materials Research.