Itziar Rekalde Rodríguez

Itziar Rekalde Rodríguez

Ikerlari nagusia

Gaur egun:

Salamancako Unibertsitatean Pedagogian doctore titulua lortu zuen eta 2000.en urtean doktorego aparteko saria lortu ere.

Euskal Herriko Unibertsitateko Didaktika eta Eskola antolakuntza sailean irakasle agregatua da, eta Pedagogia Graduan, Derrigorrezko Bigarren Hezkuntzako eta Batxilergoko, Lanbide Heziketako eta Hizkuntzen Irakaskuntzako Irakasleen Prestakuntza Masterrean eta Gizarte eta Hezkuntzako Eremuen Ikerketa Masterrean.

Gipuzkoako campuseko Hezkuntza laguntza zerbitzuko koordinatzailea (2009-2018) eta, Gizarte eta Hezkuntzako Eremuen Ikerketa Masterreko batzar akademikoko kidea da. Halaber, Ikasgura taldeko ikerketa lerroekin Eskola, Hizkuntza eta Gizartea doktorego programan parte hartzen du.

Gaur egun bere ikerketa fokoa unibertsitate komunitatean zehazten da: unibertsitateko irakasleen prestakuntza prozesuen diseinuan, garapenean eta ebaluazioan, ikaskuntzarako testuinguru berritzaileen eraikuntzan, unibertsitateko ikasleen konpetentzien garapenaren analisian eta inpaktuan, ikasleen burujabetzan eta unibertsitateko bizi kalitatean…

Ikertzaileak 31 ikerketa proiektu eta enpresa pribatu zein publikoekin kontratuak/hitzarmenak izan ditu. 84 ikerketa eta transferentzi lanak jorratu ditu ISSN eta ISBN zenbakiekin, eta horietako 38 aldizkari zientifiko indexatuak dira: 4 JCRak, 9 Scopus-ak eta 25 kalitatezko aldizkarietan beste indikatzaileekin (Latindex, Dice, Erih, Carhus Plus, Resh…).

2013/2018 urte tartean Scopus-en izan dituen zitak 27 izan dira, eta h-índex-a 3koa da. Google Academikoan agertzen diren zitak orotara 326 dira eta, hauetatik 287ak 2013tik aurrerakoak dira, h-index totala 10ekoa da (9koa 2013tik aurrera) eta ¡10 indize totala 11koa (9koa 2013tik aurrera).