Biografia

Agnieszka Tercjak-ek Teknologia Kimikoko Ingeniaritzan ikasketak burutu zituen Gdańsk-eko Unibertsitate Teknikoan (Polonia) 1995. urtean. Unibertsitate berean Doktore titulua eskuratu zuen 2000 urtean Prof. Bogumiła Masiulanis gidaritzapean. PHV-co-PHB kopolimero biodegradagarriarekin egindako polimeroen nahasketen propietate eta karakterizazioari buruzko ikerkuntza garatuz Jozef T. Haponiuk Katedradunaren zuzendaritzapean. 2001. urtean Polimeroen Ikerkuntzarako Mainz-eko Max-Plank Institutuan (Alemania) doktoretza-ondoko ikerkuntza burutu zuen urte eta erdiz zelulosan oinarritutako polielektrolito anfifilikoen sintesiaren inguruan G Wegner Katedradunaren zuzendaritzapean. 2003. urtean Euskal Herriko Unibertsitateko (UPV/EHU) Donostiako Eskola Politeknikoko Ingeniaritza Kimikoa eta Ingurumenaren Ingeniaritza Saileko `Materialak + Teknologiak´ Taldean hasi zen lanean Europako Batasunak finantzatutako POLYNETSET proiektua burutzeko polimeroen nahasketen arloan Iñaki Mondragon Katedradunaren zuzendaritzapean. 2005. urtean Eusko Jaurlaritzako doktoretza-ondoko beka (E Modalitatea) lortu zuen kristal likidoekin nahastutako material polimerikoen arloan ikertzeko. 2010. urtean Espainiar Zientzia eta Berrikuntzako Ministerioko Ramón y Cajal Kontratua lortu zuen. 2013 eta 2015. urteetan bi eta hiru hilabeteko ikerkuntza egonaldiak burutu zituen irakasle bisitari bezala, Sao Paulo-ko Unibertsitatean Araraquara-n (Brasil). 2012. urtetik aurrera UPV/EHUko Material Berriztagarrien Ingeniaritza eta Material Aurreratuen Ingeniaritza Masterretan parte hartzen du irakasle bezala.

Ikerketa

Bere ikerketa lana blokezko kopolimeroen nanoegituraketan, sistema termoegonkor nanoegituratuetan, kristal likido nematikoetan, blokezko kopolimeroetan eta zelulosa bakterialean oinarritutako material biohibridoetan eta indar atomikoen mikroskopian datza.

155 artikulu zientifiko baino gehiago, liburu 1 eta 16 liburu kapitulu argitaratu ditu. 165 konferentzia nazional eta nazioartekoetan hartu du parte (83 ahozkoak). Proiektu nazional eta nazioartekoen ebaluatzailea da. Europar Batasunak, Espainiar Gobernuak eta Eusko Jaurlaritzak finantzatutako ikerkuntza 50 proiektuetan parte hartu du, horretako 9etan Ikertzaile Nagusia izan delarik (4 proiektu AEI/MICIU/FEDER finantziaturik).

9 doktoretza-tesi zuzendu ditu eta beste 2en zuzendaritza lanean jarduten ari da, hauetatik 5 tesi internazionalak eta 4 UPV/EHU saria jaso zuten). Horrez gain UPV/EHUk finantzatutako doktoretza-ondoko proiektu bi proiektu zuzendu ditu.