GEIFIren helburua gizakiarengan infekzio inbaditzaileak sortzen dituzten onddoen biologia aztertzea da, beren patogenia ulertzeko eta diagnosia eta tratamendua optimizatzeko. Talde honetan, onddo-infekzio inbaditzaileen arloko bi gai garrantzitsu ikertzen ditugu: jarduera antifungikoa duten molekula berrien garapena eta laborategiko diagnosia. Proiektuak garatzeko, Mikrobiologiako eta Biologia Molekularreko teknika konbentzionalez, hazkuntza zelularraz eta antigorputz monoklonalen eta poliklonalen ekoizpenaz baliatzen gara.