Info_POCTEFA

INTERREG POCTEFA

Mugaz gaindikoa, mugako oztopoak aukera bihurtzea

POCTEFA

POCTEFA mugaz gaindiko lankidetza-programa europar bat da, Espainia, Frantzia eta Andorrako mugako lurraldearen garapen iraunkorra sustatzeko sortua. Lurraldearen garapenean dauden aldeak murrizten eta indarrak batzen laguntzen du, eskualdearen garapen iraunkorra eta osatzen duten eskualdeen kohesioa lortzeko. Azken batean, programak, Europako funtsei esker, inguruko biztanleen bizi-kalitatea hobetzen laguntzen du.

Lehentasunak:

  1. Ezagutza eta berrikuntzarako espazio komun bat sortzea
  2. Balio ekologikoak babestea eta finkatzea
  3. Enplegurako eta prestakuntzarako sarbidea erraztea
  4. Espazio inklusibo eta sozialki integratu bat eraikitzea
  5. Turismo iraunkorra bultzatzea, kultura garatzea
  6. Espazioa lurraldez, sozialki eta ekonomikoki egituratzea
  7. Mugaz gaindiko espazio integratuago baterantz

Lankidetza-arloa:

  • ESPAINIA: Bizkaia, Gipuzkoa, Araba, Nafarroa, Errioxa, Huesca, Zaragoza, Lleida, Girona eta Bartzelona.
  • FRANTZIA: Pyrénées-Atlantiques, Ariège, Haute-Garonne, Hautes Pyrénées, Pyrénées-Oriententales.
  • ANDORRA: Lurralde osoa.

Informazio gehiago: https://www.poctefa.eu

INTERREG POCTEFA Proiektuak

Energia elektriko fotovoltaikoaren eta autokontsumo partekatuaren kudeaketa Frantzia-Espainia mugaz gaindiko eremuan, "Blockchain" eta "Internet of Things (IoT)" teknologia erabiliz

Programa espezifikoa: V-A Espainia-Frantzia-Andorra eskualde arteko lankidetza programa (Interreg POCTEFA)
UPV/EHU: onuraduna
UPV/EHUko ikertzaile nagusia: ARITZA CAMBLONG RUIZ
Proiektuaren hasiera data: 2019/12/01
Proiektuaren amaiera data: 2022/05/31

Deskribapen laburra: Etorkizuneko sare elektrikoa deszentralizatua, deskarbonizatua, digitalizatua eta adimentsua izango da. Sare horretan, tokiko baliabide naturalak erabiltzen dituzten energia-zirkuitu laburrek lehentasuna izango dute. POCTEFA eremuak aparteko ingurumen-kapitala eta tokiko energia baliabideak ditu, baina ustiapen teknikak hobetu behar dira, batez ere berrikuntzaren bidez.

Horretarako, lurraldeak puntako berrikuntza erakunde eta zentroak ditu, besteak beste, Energia Berriztagarrien sektorean (EEBB).

Horrela, 6 erakunde bazkideren artean, erronka horiei erantzun nahi dien EKATE proiektua sortu da, non autokontsumo partekatuko instalazio fotovoltaikoak (PV) ardatz hartuta, energia trukeak kudeatzeko sistema eraginkorra garatzea helburu duen. EKATEk, partekatutako autokontsumoaren eta autokontsumorako teknologietan, POCTEFA perimetroa erreferentzia gisa ezarri nahi du, honako helburuarekin: energia elektrikoa kudeatzeko zerbitzu eraginkor eta adimendunak erakustea eta garatzea, energia berriztagarri fotovoltaikoa eta autokontsumo partekatuaren bidez, "Blockchain" eta "Internet of Things (IoT)" teknologia erabiliz.

Horretarako, 3 ekintza tekniko garatuko dira, hainbat jarduera berritzaile taldekatuko dituztenak: diagnostikoa, aukeren berrikusketa, Pirinio Atlantikoetan eta Katalunian energia elektrikoaren autokontsumo partekatuari buruzko 2 esperientzia pilotu erakusle inplementatzea Blockchain eta IoT teknologia berritzaileen bidez eta beraien ebaluazioa eta hedapen-plana garatzea.

Autokontsumo partekaturako lege-esparru bat dagoela aprobetxatuz, emaitza nagusiak hauek izango dira: autokontsumo partekaturako instalazio pilotuetan teknologia berritzaileak ezartzea, eta negozio-eredu berriak garatzea, espero diren PV instalazio berrien erreferentzia izango direnak datozen urteetan POCTEFA perimetroan.

www.poctefa.eu
ec.europa.eu/regional_policy/