Prestakuntza Jardueren Plana
Prestakuntza plana
Doktorego Eskolaren jarduerak
Izaera
Hautazkoa
Orduak
12
Deskribapena
Nahitaez bertaratu behar da ikastaro honetara; modulu bakoitzaren azalpen teoriko bat emango da, eta parte-hartzaileek hainbat ariketa praktiko egin beharko dituzte saioetan zehar.
Emaitzak
Doktoregaiak informazioa modu etikoan biltzeko, ebaluatzeko, erabiltzeko eta zabaltzeko beharrezko tresnak eskuratuko ditu.
Ebaluazio-sistemak
Mintegia presentziala da, beraz, nahitaez bertaratu behar da; hori modulu bakoitzean jasotako sinaduren arabera kontrolatuko da. Jarduera amaitzean, horri esker lortutako gaitasunak baloratzea ahalbidetuko duen txosten bat eman beharko zaio tutoreari.
Programaren jarduerak
Izaera
Hautazkoa
Orduak
240
Deskribapena
Doktoregaiak, bere zuzendariak proposatuta, egonaldiak egin behar ditu estatuko edo nazioarteko beste ikertalde batzuekin, helburu hauek betetzeko: Bere garapen esperimentalaren faseak osatzea bere jatorrizko zentroan eskura ez dituen tresneria, teknika edo metodologien erabileraren bidez. Proiektu komunetan lankidetzan aritzea, emaitzen alderatzea, emaitzen tratamendua eta argitalpenak eskatzen dituzten proiektuetan. Teknika instrumentalak edo metodologikoak ikastea. Lankidetza proiektu berriak lantzeko behar diren aurreazterlanak egitea.
Emaitzak
Lankidetza sustatzea beste ikertalde batzuekin, ikerketa ekintzen arteko osagarritasuna eta esperientzien trukea bilatuz, proiektu eta helburu komunen testuinguruan. Esperimentazio tekniken eta metodologien erabileran egunean jartzea, gaiaren maila zientifikoari dagokion kalitatezko ikerketa egin ahal izateko.
Ebaluazio-sistemak
Doktoregai bakoitzak egindako jardueraren jarraipena egingo da, urtero. Horretarako, harrera ikergune edo erakundean egindako egonaldia egiaztatzeko agiriak aurkeztuko ditu doktoregaiak, harrera ikertaldeko ikertzaile baten txosten baten bidez. Txostenean, egonaldian zer jarduera egin dituen adieraziko da. Doktorego programaren jarraipen batzordeak oso positibotzat joko du jarduera hau egitea, baina ez da baldintza bat izango doktorego tesiaren defentsarako.
Izaera
Nahitaezkoa
Orduak
20
Deskribapena
Doktoregaiak era aktiboan parte hartzen du batzar baterako komunikazio baten prestakuntzan eta aurkezpenean. Jarduerak fase hauek ditu: emaitzak hautatzea (emaitza esperimentalak, normalean), materialak lantzea (Abstract, Kartela, Aurkezpena....) eta bilera zientifikoetan parte hartzea ikerketan eginiko aurrerapenak komunitate zientifikoan hedatzeko, ondorioen eztabaida/defentsarekin. Jarduera honek hilabete iraungo du gutxi gorabehera (komunikazio bakoitzeko), eta doktoregaiaren ibilbide osoan zehar garatuko da.
Emaitzak
Emaitzak aurkeztea, ikergai bateko espezialistek eskatutako kanonen eta protokoloen arabera. Esperientziak eta iritziak trukatzea, erreferente zientifikoekin.
Ebaluazio-sistemak
Doktoregai bakoitzak egindako jardueraren jarraipena egingo da, urtero. Horretarako, biltzar edo bilkuretan parte hartu izana egiaztatzen duten agiriak aurkeztuko ditu doktoregaiak, baita doktorego tesiaren zuzendariaren txostena, non doktoregaiak prestakuntzan izandako aurrerapenak adieraziko diren. Horren arabera, doktorego programaren jarraipen batzordeak aldeko edo kontrako txostena igorriko du, eta doktoregaiari eskuratuko maila eta osatu beharreko jarduerak jakinaraziko zaizkio. Jarraipen batzordearen txostenak aldekoa izan beharko du, doktorego tesia defendatzeko tramitazioa egin ahal izateko. Doktoregoko ikasleei hainbat biltzarretan parte hartzea komeni dela adieraziko zaien arren, batean parte hartzea nahikoa izango da, prestakuntza justifikatzeko.
Izaera
Nahitaezkoa
Orduak
60
Deskribapena
Ikasleak era aktiboan parte hartuko du bere doktorego tesiaren emaitza batzuen interpretazio, tratamendu, eztabaida eta dibulgazio faseetan, bere jakintza arloko aldizkari espezializatuetan argitaratzeko helburuarekin. Iraupena 6 hilabetetik gorakoa izango da (argitalpen bakoitzeko), eta doktoregaiaren ibilbide osoan zehar garatuko da.
Emaitzak
Ezagutza transmititzea eta zabaltzea, zientzia eta teknologiaren arloan. Komunikazioa egituratzea, ingeniaritza kimikoaren printzipio eta oinarriekin bat etorrita. Egindako ikerketaren kalitatea kontrastatzea. Kalitate zientifikoa ebaluatzeko kanpo sistemen baitan jartzea.
Ebaluazio-sistemak
Doktoregai bakoitzak egindako jardueraren jarraipena egingo da, urtero. Horretarako, artikulu bat prestatzen parte hartu izanaren agiriak aurkeztuko ditu doktoregaiak, baita doktorego tesiaren zuzendariaren txosten bat ere, non doktoregaiak prestakuntzan izandako aurrerapenak adieraziko diren. Horren arabera, doktorego programaren jarraipen batzordeak aldeko edo kontrako txostena igorriko du, eta doktoregaiari eskuratuko maila eta osatu beharreko jarduerak jakinaraziko zaizkio. Jarraipen batzordearen txostenak aldekoa izan beharko du, doktorego tesia defendatzeko tramitazioa egin ahal izateko.