Programa

Doktoregai gehienen prestakuntza laborategietan egin ohi diren zereginen ingurukoa da eta lan zuzendariek, doktoregaiaren tutoreak eta, jardueran parte hartzen duten ikertaldeko beste kideren batzuek lagundu edo/eta gidatutakoak dira.Zientzia eta Teknologia Fakultateak ohiko ikasgelak eta beste jarduera batzuetarako egokitutako eremuak (mahai inguruak, talde lana, ordenagailu ikasgelak, erabilera anitzeko ikasgelak eta bideo-hitzaldietarako aretoak). Baimen espresa dago eremu hauek lehentasunez erabiltzeko, baldin eta masterrak eta doktorego programak garatzeko beharrezkoak badira.

Ingeniaritza Kimikoa sailak 12 laborategi ditu ikerkuntza jarduerak bertan egiteko (gutxi gora behera, 1.300 m2), UPV/EHUko Zientzia eta Teknologia fakultatean kokatutako hiru ikertaldeek beren jarduera gehienak burutzeko erabilitakoak. Halaber, badira erabilgarri ikerkuntza laborategiak UPV/EHUren Arabako campuseko Farmazia fakultatean.Doktorego programa honek industriarekin duen harreman estua ikusita, hobesten da ikasle batzuek planta edo laborategi industrialetan egin ditzatela beren jarduerak, kanpoko doktoreen zuzendaritza / zuzendarikidetzaren menpe, beti ere ingeniaritza kimikoaren doktoregoari atxikitako irakasle taldeek tutoritzatuta.

UPV/EHUren biblioteka hurbil da Ingeniaritza kimikoa sailak Leioan duen egoitzatik eta, hortaz, ohiko zerbitzu guztiak erabili ahal dira bertako artxiboetan diren materialak kontsultatuz, katalogoak, liburuak eta aldizkariak paperean eskuratuz, mailegu zerbitzua eta unibertsitate arteko mailegua erabiliz edo liburuak erosiz. Doktorego programan matrikulatutako ikasleek sarrera izango dute bibliotekak ikerkuntza laguntzeko eskaintzen dituen zerbitzu telematikoetarako, hala nola, eskura diren katalogoak eta datu base espezifikoak erabili. Zerbitzuei buruzko informazio zehatza http://www.ehu.es/eu/web/biblioteka web gunean ikus daiteke.