Inprimakiak

Konpromiso dokumentuan gainbegiratze eginkizunak zehaztuko dira, eta agiri hori doktoregaiak, tutoreak, zuzendariek eta doktorego programako koordinatzaileak sinatuko dute,doktoregaia programan matrikulatu eta hilabeteko epearen barruan sinatu ere.

Tutorerik edo zuzendaririk aldatuz gero, konpromiso dokumentu berri bat sinatu beharko da.

(2024/2025 ikasturtea baino lehenagoko lehen matrikula duten ikasleek ez dute prestakuntza pertsonaleko planik egin behar).

Matrikulatzen denetik urtebete igaro aurretik, doktoregaiak ikerketa eta prestakuntza plan pertsonala egingo du, zuzendariaren eta tutorearen laguntzaz.

Gutxienez, doktoregaiak ikasturtean behin eguneratu beharko du dokumentua doktoregoan zehar, eta bere espedientean erregistratuko da.

Ikerketa planean metodologia eta helburuak, baliabideak eta denbora plana zehaztuko ditu gutxienez.

Genero oreka zaindu beharko du ikerketan animaliak edo gizakiak, haien datuak eta laginak erabiltzen dituen guztietan. Aldagaien artean, sexua edo generoa kontuan hartu beharko dira, bai metodologiaren diseinuan, bai emaitzen azterketan; eta ahalegina egin beharko du emaitzak sexuaren arabera xehatuta aurkezteko beti. Horrela egin ezean, arrazoi zientifikoak azaldu beharko ditu.

Prestakuntza plan pertsonalean doktoregoan zehar doktoregaiak egingo dituen prestakuntza jardueren aurreikuspena jasoko da (ikastaroak, mintegiak, mugikortasun ekintzak, etab.).

Ikerketa eta prestakuntza plan pertsonalean doktoregaiak egingo dituen jarduera ez-presentzialak jasoko dira, alderdi inplikatu guztiak haiekin ados badaude.

Ikasturte bakoitzean doktorego programako batzorde akademikoak jardueren dokumentu pertsonalizatua eta ikerketa eta prestakuntza plan pertsonala ebaluatuko dituzte, tutoreak eta zuzendariak egin beharko dituzten txostenak kontuan hartuta.

Ebaluazioa negatiboa bada(behar bezala arrazoitu beharko da), berriz ebaluatu beharko dute doktoregaia sei hilabeteko epearen barruan.Horretarako, ebaluazio negatiboa jaso duten dokumentuak egin beharko ditu berriz. Berriz ere ebaluazio negatiboa jasoz gero, doktoregaiak behin betiko utzi beharko du programa.

Doktoregai bakoitzarentzat jarduera dokumentu pertsonalizatu bat sortuko da, doktorego programan egiten diren prestakuntza jarduera guztiak jasoko dituena. Dokumentu hori automatikoki sortuko da, doktoregai bakoitzak GAUR aplikaziora jarduerak igo ahala.