Jakintza arlo honetan, larruazalaren gaixotasunak, mukosak eta atxikiak aztertzen dira. Irakasgai bakarra eskaintzen da: Dermatologia mediku-kirurgikoa eta benereologia (06128).

Ikastaroa amaitzean, ikasleak honako gaitasun hauek eduki beharko ditu:

• Larruazalaren oinarrizko lesioak ezagutzea eta bereiztea.
• Dermatosiak sailkatzea, oinarrizko lesioen arabera.
• Lehen mailako asistentzian oso maiz ematen diren dermatosi arinak diagnostikatzea eta tratatzea.
• Gaixotasun sistemikoen adierazle diren larruazaleko lesioak ezagutzea.
• Larritasuna adierazten duten larruazaleko lesioak ezagutzea.
• Oinarrizko prozesu onkologiko dermatologikoak zuzen baloratzea; azalaren ohiko tumore onberak eta gaiztoak bereiztea, garrantzi berezia emanez lesio pigmentatuei.

Jakintza arlo honetan, begi-globoaren, begi giharreriaren, malko-sistemaren eta betazalen patologiak eta horien tratamenduak aztertzen dira. Diziplina gisa, albaitaritzan ere aplikatzen da; izan ere, animalia ornodunen eta gizakien begien arteko desberdintasunak, batik bat, anatomikoak dira, eta ez prozesu patologikoei lotutakoak.

Irakasgai bakarra eskaintzen da: Oftalmologia (06131).

Jakintza arlo honen bidez, otorrinolaringologiaren oinarrizko gaiak erakutsi nahi zaizkie mediku orokorrei.

Kontzeptualki, honako atal hauetan banatzen da: rinologia, orofaringologia, listu-guruinen patologia, esofagologia eta trakeobronkologia (funtsean, ikuspegi endoskopikoaren arabera aztertzen da), laringologia eta otologia.

Otorrinolaringologia (06132) eta Fisiopatologiaren Oinarriak Otorrinolaringologian (06111). Irakasgai hauen atal guztien hasieran, anatomofisiologia gogoratzen da, eta, gero, malformazioak, handitze-prozesuak eta horien zailtasunak ikasten dira, eta baita tumore-patologiak eta patologia neurologikoak ere.