Gizakiekin lotutako Ikerketetarako Etika Batzordea (GIEB) UPV/EHU barruko ikerketa zientifikoko proiektuak edo irakaskuntza jarduerak aztertzeaz eta horien jarraipena egiteaz arduratuko den kide anitzeko organoa da, aipatutako proiektuek eta jarduerek honako inplikazio hauek dituztenean:

• Gizakiekin egindako esku-hartzeak.
• Gizakien lagin biologikoen erabilera.
• Izaera pertsonaleko datuen erabilera.

Batzordea diziplina anitzeko talde batek osatzen du. Lana inpartzialtasunez egiten dute, modu independentean, eta ebaluatzen dituzten protokoloek eskatutako konfidentzialtasun printzipioa erabat errespetatuta.

• Gizakien osasunarekin zerikusia daukaten ikerlan edo irakaskuntza proiektu guztien alderdi metodologiko, etiko eta juridikoak ebaluatzea.
  • Prozedura inbaditzaileak.
  • Obozitoak, espermatozoideak, aurreenbrioiak, enbrioiak eta gizakien fetuak edo haien zelulak, ehunak zein organoak erabiltzea eta ematea, ikerketa biomedikoetarako nahiz aplikazio klinikoetarako.
  • Lagin biologikoak erabiltzea.Lagin biologikoak biltegiratzea eta lekuz aldatzea.
  • Biobankuak.
  • Analisi genetikoak egitea eta izaera pertsonaleko datu genetikoak aztertzea.
  • Oinarrizko ikerketa eta ikerketa klinikoa, medikamentuekin eta osasun produktuekin egiten diren saiakuntza klinikoak izan ezik. Salbuetsita daude edozein jatorriko organoen, ehunen eta zelulen inplanteak.
• Egindako ebaluazioari dagozkion txostenak egitea.
• Jarraipena egitea.
• Jardunbide egokien kodeak garatzea.Ikertzaileei lana erraztea, indarrean dagoen arautegia bete dezaten.
• Jarduerak koordinatzea, beste ebaluazio batzordeekin eta IIEBrekin.