Banaketa-sarearen funtzionamendu ona bermatzeko, FPL (Full Power Link) dispositiboak txertatzea interesgarria da. Dispositibo hauek potentzia-elektronikan oinarrituta daudenez, funtzionalitate berriak eskaini ahal dituzte eta banaketa-sarearen eraginkortasuna hobetu ahal dute. Funtzionalitate berri hauek aurreko proiektu baten bidez garatu egin dira. Kasu honetan, FPLRADIAL proiektuak helburu nagusi hauek ditu:

1. FPL baten prototipoa garatzea tentsio eta potentzia baxuetan, horrela proba experimental desberdinak egin ahalko dira APERT taldeko laborategian. FPL-ren prototipoaren garapena Rapid Control Prototyping (RCP) kontzeptuan oinarrituta egongo da.

2. Aurreko proiektuaren bidez garatutako kontrol-algoritmoen egiaztapen experimentala lortzea tentsio eta potentzia baxuetan. Era berean, garatutako kontrol-algoritmoen funtzionamendu-mugak zehaztea parametro batzuei begira: konmutazio-maiztasuna, potentzia, tentsio maila, eta abar.

3. FPLren potentzia-bihurgailuaren kontrol-sistema garatzea funtzionalitate berriak inplementatzeko. Algoritmo hauek Matlab-Simulink software tresnaren bidez garatu egingo dira.