Partaidetza eta Komunitate-Garapena Masterra (Gizarte eta Komunikazio Zientzien Fakultatea)

Abstract

Azterlan honen helburua da Gasteizko hirigintza-plangintzaren kalitate demokratikoa eta espazio publikoen diseinua modu parte-hartzailean aztertzea, genero-desberdintasunak eraldatzeko eta ingurumen-iraunkortasuna hobetzeko.

Hiri batek iraunkortasuna bere zentzurik zabalenean lor dezan, hau da, etorkizuneko belaunaldiek beren belaunaldiak asetzeko duten gaitasuna arriskuan jarri gabe egungo beharrei erantzuteko gaitasuna lor dezan, funtsezkoa da printzipio demokratiko eta parte-hartzaileetan oinarritzea. Printzipio horiek boterearen banaketa ekitatiboa sustatzen dute, pertsona guztien parte-hartze aktiboa bilatzen duen gobernantza inklusiboaren eredua erraztuz, bereziki historikoki baztertutako komunitateetako pertsonena.

Testuinguru horretan, hiri-iraunkortasuna eta –erresilientzia, elkarri lotutako eta elkarren osagarri diren hiru zutabetan oinarritzen dira: lehenik, zuzentasuna eta justizia soziala islatuko dituen gobernantza parte-hartzailea; bigarrenik, hiri-diseinuan eta -erabileran aniztasuna eta inklusioa sustatuko dituen ikuspegi feminista bat txertatzea; eta, hirugarrenik, klima-aldaketaren aurkako estrategia proaktiboak ezartzea, ingurumen-iraunkortasuna ziurtatuz.

Gako-hitzak: Herritarren parte-hartzea, Ikuspegi Feminista, Iraunkortasuna eta Hiri-diseinua