Ituna XI. Jardunaldia. Kontzientzia Fiskala Euskadin: zerga-betearazpena indartzeko estrategiak
Date
14/03/2023, 09:00
![](https://ehu.eus/documents/1760370/42562464/Cartel+XI+Jornada+Ituna.png/7e6aa407-dc33-e56f-e8f9-0fc5e2696398?t=1676463251812)
Datorren martxoaren 14an «Kontzientzia Fiskala Euskadin: zerga-betearazpena indartzeko estrategiak» XI. Ituna jardunaldia egingo da, Ekonomia Itunaren eta Foru Ogasunen Ikerketarako Agiritegiak eta Ad Concordiamek antolatuta. Ekitaldia goizeko 9: 00etan izango da Bilboko Bizkaia Aretoko (UPV/EHU) Baroja Aretoan.
Borondatezko zerga-betearazpena indartzea eta iruzur fiskalaren aurka borrokatzea, administrazio publikoen jarduera-ardatz estrategikoak dira, ongizate-estatuari eusteko behar diren baliabideak biltzea eta zerga-sistema justu eta orekatua ezartzea ahalbidetzen baitute. Ituna XI. Jardunaldiaren helburuak zerga betearazpena baldintzatzen duten faktoreak aztertzea, eta Ekonomia Itunaren zerga-sistemak EAEko hiritarren zerga-jarreran ondorio soziologikoak eragiten dituen hausnartzea izango dira.
Hitzaldian zehar, lehenik eta behin, zerga-kontzientziaren eta zerga-moralaren alderdi teorikoak eta hura osatzen duten elementu objektibo eta subjektiboak azalduko dira. Ondoren, lau instituzio-mailetako (tokikoa, forala, autonomikoa eta estatukoa) ordezkari teknikoek zerga betearazpena indartzeko ezarritako estrategia berriak partekatuko dituzte eta hobetzeko aukerei buruz eztabaidatuko dute.